الود له ضمةً والصدر له ضمه=والنفس ماهي من ألاخطاء معصومه
مدام فى الراس قدح ,, وفى القدم هـِمه=فالقاع له خطوةً والبحر له عومه
القبر فى ألارض ,,والشهره على القمه=يارب لاتجعل الطيحه بلا قومه
لاقلت هانت مصيبه جتني مطمه=وقتً تخارجت من نابه لبلعومه !!
من يحسب أني هدف يرميه ويخمه=أضحك على لحيته وابيـّـع هدومه
آكل من ألنخل واورّد على ألجـِـمه=مدروسةً خطة الكبتن ومرسومه
والهم ياحوول مايخجل على دمه =يجي وأنا في حلاوة سابع النومه
أجاهده بالذي لبيه من فمه =تسوى المساوي ..جعل يومي قبل يومه
أشفق على شوفته في ذمتي ذمه=ويلي على قطف رمانه وبرشومه
كانت عربنا تسولف عن جمال أمه =وأليوم ختم ألحلا بيديه ورقومه
الشآعر :علي بن حمري ..
09/07/09, (11:21 AM)
يارب لاتجعل الطيحه بلا قومه..!!
العرض الشجري