رسالة إلي الشعالين .. والرولــة

[مطلق النومسي]

السلام عليكم ورحمه الله وبركاته


صبحكم / مساكم ... الله بالخير

ــــــــــــــــــــــــــــــــــــــــــــــــــ ــــــــــــــــــــــــ

يا الله يا قابل صلاه المصلين
..//............يا مطهر الصايم ليا احسن صيامه

انك تثبتني على الحق والدين
..//...........وادمح خطاي بحق شــــوخ الجهامه

يارويل انا ماني بعيـّــل ومسكين
..//...........ولاني.. بليد.. ولا.. قليـــّــل... فهامه

انا الحصان اللي سبق بالميادين
..//...........وان طاح قوموا له ويثبت قيامه

اخطيت انا واسوق عذري من الحين
..//............واردده.. حتى.. نهار ...القيامه

والرجل لاأخطـــى يعتذر مابها شين
..//...........ولا.. تلحقونه.. باعتذاره ملامه

العذر مني للرجال الموامين
..//..........وليا.. قبلوه يعد.. منهم. شهامه

هذا اعتذار يــحب رووس الشعالين
..//..........وعيونهم ... وخشومهم ...في ندامه

من كلمةً شينه وانا ماني بشين
..//..........ولاني بقاصدها ولكن غشامه

غشامــةِِ في معرفه ليه ومنين
..//..........اللي وجوده صورةِِ لإنعدامه

والريح ما هزت ثبات الضلاعين
..//..........والراس ما عيـّـبه جرح الحجامه

قولوا جهل قولوا محابل شياطين
..//..........ولا تقولون المذمه.. مرامه

انا بشر يخطي من الحين للحين
..//.........ولاني نبــيِِ ..حصن الله كلامه

يا تاج راسي يا ملاذي عن البين
..//.........يا درع جنبي يا مكارب حزامه

من سبكم عساه يعطى عمى العين
..//.........ياللي غديتوا للزعامه علامه

يا اهل الزعامه يا كعام المعادين
..//.........مبطي والى هالحين كفو للزعامه

ما دام عيــّـلكم ليــا وصل عامين
..//.........يبدى على دم النشاما فطامه

وليا وصل عمره وقم عشرة سنين
..//........نـــوّخ له المجد ورقى في سنامه

يوم الهلامه حمل بعض النساوين
..//........بطن الرويليه ما حمل الهلامه

تسع روله يكفون في رد تسعين
..//.......واللي مكذبني.. يجرد. حسامه

رويل رمح الموت مافيه تخمين
..//.......اهل السطر واهل الفخر والفخامه

من ضدهم بالحرب ياسين ياسين
..//.......ان ما نشف ريقه تراعد عظامه

رووس العداء مجدوعه يسار ويمين
..//........والنصر بين رفرفي يا حمامه

وليا حدروا من نقره الجوف عجلين
..//........تهابهم نجد. وتراجف.. تهامه

هيباتهم عمت جميع البلادين
..//.........وصاروا على خد البطولات شامه

حمايه العليا سعوط المجانين
..//........مشربين الضد كاس.. الندامه

يتلون ابن شعلان نسل السلاطين
..//.........وما للعظام الا عروش العظامه

صعبين للعايل وللجار سهلين
..//.........والمحترم معهم يزيد احترامه

عندي زعلهم مثل فوح البراكين
..//.........وعندي رضاهم مثل طش الغمامه

ربعي واحامي دونهم وافتخر وين
..//..........ما ذكروا وقالوا ونعم وكرامه

اي والله ونعم وكرامه ونعمين
..//..........وقوله نعم نقيض. قوله نعامه

ربعي وانا معهم على العسر واللين
..//.........وانا عدو من سبهم في كلامه

من دونهم يا زين قطع الشرايين
..//.........ومن دونهم يا زين طش العمامه

صحيح ماهو صوت شاعر وبيتين
..//...........وعلي من يمناي مابي رخامه

ادفع رضاهم كاش ولا ادفعه دين
..//..........ولا لي طموح بضحكــةِِ وابتسامه

طموحي اشوف الشعالين راضين
..//..........واصغر رويلي يحتويني سلامه

ما فيه اقسى من جفا الربع الادنين
..//..........ولا فيه اشد من العتب والملامه

بيــّـنت ما عندي وجبت البراهين
..//...........اني بري من النذل.. واتهامه

كلي امل ينسى الخطا.. والزعل.. لين
..//...........تسلى القلوب وترتفع كل هامه

واحرق قلوب الحاسدين المغلين
..//...........اهل الفتن والنمنمه والنمامه

وارجع وأقول اخطيت من خاطرِِ زين
..//..........والعذر امامي والا انا من امامه

وهذا اعتذاري للرجال المسمين
..//..........واذا اقبلوه... يعد منهم شهامه


مطلق النومسي