{ الآ ليت العُمر عنده ولاطآلت دروب خطآي ~

[شمــــــــوخ]

مسآآآؤكمـــ { حُب وآحتفآآآآء

آشتقت كثيرآآآ لهذا القسم القريب إلى قلبي ..وما كان هنا من العبير ... والزهور الندية
فعدت إليه ... لأسمع تغريد العصافير ..
وخرير المياه .. وهمس القلم..

اليوم آقتطفت لكمـــ زهرهـ من الحديقه .. وكأنها تنطق على لسآآني ..!
لكم .. ولمن آشآآآآد بذآئقتي الشعريه ..

فداه إللي حداني منه وإللي حدني لقصاي
عسى الله مايـهـنـي عينه بلمحة مضانينة

فداه الليل, والميعاد, وأسرار ٍ بقت وياي
من آخر ليلة ٍ فيها شربت الـدمـع من عينه

سقاني من وصاله لين ما أصبح غايتي ومناي
وجنبني الملامة ماتركني في رجا سنينه

سرقني من وجودي لا معي حيلة ولا لي راي
وخذاني للسهر يوم السهر يشكي مجانينه

حديثه بلسم جروحي, وصوته للمواجع ناي
وبـُـعده ياهلي جرح ٍ بدت توجع سكاكينه

أحبه لآخر حدود الغرام إللي قلب دنياي
وأحبه لو يطول البين مابيني وما بينه

حبيبي ماخذاه البعـد عن عيني ولا برضاي
وما عاش إللي ينسيني غـلاه ولا عناوينه

إلى منـّي ذكرته هزني شوق ٍ يـتـل إحشاي
وإلى منـّي نسيته طار بي سرب ونشد وينه..؟!!

أهوجس به إلين إني إضيـّـع صاحبي بعداي
وأسولف عنه لـجـرح ٍ قـديم ٍ ما..وفى دينـه

ألا ليت العـمـر عنده ولا طالت دروب خطاي
ولا هامت بي الدنيا وسنين العمر بيدينه !!!

فقدته ليت لي عين ٍ خليه , وخافق ٍ نساي
وصبر ٍ مـالي حـدود ٍ عـلى آخــر مياديـنـه

مـعـه يامـا تمنيت وبنيت به الزمان الجاي
أمـاني...والأماني ماتحققها سوى يمينه

معه ما ضامني دهر ٍ من أول يطرب لمبكاي
معه مدري حدانا الشوق , وإلا إحنا مخبينه..؟!!

معه نادت لي أفراحي وعادت بسمتي لشفاي
وغـنـت لـي عـصــافـيــر...ومــواعـيـد بتلاحينه

وعقبه ضاعت سنيني وضاع الحلم من يمناي
وأنا والله حشا ماذقـت طعم الحلم في حينه

ألا يا عاذلي مالي بغيره لو شكى معناي
كفاي إنه بنى لي ديرة ٍ بأقصى شرايـينه

وسكـّـنـي بقلب ٍ ماسكن به غيري وذكراي
وفتح كل النوافذ وأطلق لـحـلـمـي مساجينه

أمـانة..حب أسقيته من دموعي ومن نجواي
أمــانــه..لا تـجـي حوله ولا تـخــّرب بساتينه

أحـن لشوفه وروحي ينازعها عـنـا بـلـواي
على طــول الـبـعـاد وحاجز ٍ فالدرب ياشينه

أنا أول من رهن عمره ولكن هالعمر ممداي
وأنا أول من لعب سلم القبايل في موازينه

وأنا أول من جرح ليلي دروب ٍ ملها مسراي
وأنا أول من عـثى غدر الزمان بدفتر سنينه

وأنا وإن قاله الله مالي إلا راحتي ودواي
عـزيـز الـقوم وأفعـالـه لها تـشهـد مـحبـيـنه

كانت هنا..

شمــــــــــــوخ