شفني أميره.......بس..كسرني مغيبك

[جنون الحلم]

قصيده ولدتها اللحظه لا اعلم كيف ولدت ولكنها ولدت هكذا ونثرتها هنا
لأهديها لتلك الروح الغاليه
الى والدي رحمة الله عليه

مدخل
عبث أرسم تفاصيل الغياب بدفترالهامي
عبث ابكيك بدموعن تموت تفارق احداقي

يابوي وينك حاجتي لك ترجاك
ودي اشوفك واحضنك واهتني بك

يابوي تكفي راح عمري اتحراك
عودطلبتك ياعساك وغديبك

تطفي لهب قلب"ن" تحرى بملفاك
وتشوف عين"ن" تحتريك وتجيبك

يابوي عقبك ضامني قهرفرقاك
وكثير عقبك طحت واكثر اغيبك

شفني كبيره احتميبك واحماك
شفني اميره بس كسرني مغيبك

الفين تتمني وصالي ولاماك
مابي سوى الي ماخذن نفس طيبك

هذاك لامني تناخيت لبّاك
يقول انا يابنت الاجواد ذيبك

لاحتجت له يردلي فارسك جاك
لاهانك الدهر الغبر ولايريبك

يابوي باح الصبرابيك وابغاك
احتاجلك يامن هلكني نحيبك

راح الزمان ومر يجي عشروتفداك
بعيش كل الدهر اذكر بطيبك

صحيح عقبك اصبح الدهرسفّاك
لكن انا بنت الرجال واثـــيبك

عودت نفسي الصبروالصبرافّاك
لكن رجاي ارضيك اناوارتضي بك

والله لارفع صيتك لفوق الافلاك
والكون كله يذكرك واحتفي بك

مخرج
من تعب هالشوق.....يورق على طرسه قلم
ومن جفاف الحبر ولّع لماضينا شموع
وين ياصمت الشوارع صارت حروفي الم
ولا كليت الا الجروح ولا شربت الا الدموع