حـــــفنة جـــروح (مصافحة اولى لقلوبكم)

[متعب السبهان]

مدخل

ويمر صوتك الم ... في ذاكرة سمعي=وانا انكسر لك حنين وتورق اغصانك
عبث احاول اجيلك فاهقٍ دمعي=وتطيح دمعة ورى دمعة على شانك

للحزن في صدر الليالي علامه=وللضيق حزّة تسكب الدمع فيني
والهم وعيونك والاحزان شامه=بانت على وجه الزمان وجبيني
حفنة جروح تحتفي وابتسامه=ورياح تنثر مااجتمع من سنيني
طاحت من عيون الزمان الغمامه=مادامها تمطر غياب وحنيني
والليل لامنّه تجاوز مقامه=اطعمْته الجرح الزلال بيديني
والدمع لامنّه بكابي ندامه=افردْتّ له جنحاني وراحتيني
دمعٍ يقدّر وقفتي في كلامه=اخير من ليل يهيم بونيني
اليا اجتمع ضيقي بسجع الحمامه=كيف اقنع النوم القراح ويجيني؟؟
ذكرى تهدّ الليل وتسرج ظلامه=مليت اشاغبها وهي تحتويني
ولازال بعدك له بقلبي علامه=ولازلت اصيحك واجمع دموع عيني

مخرج

احسّ بداخلي طفلٍ يتيم ولالقى العاب=واحسّ بداخلي دمعٍ ولابلّل مناديلك
ذكرتك وانصهر دمع الجروح ودمعتين عْتاب=بعد فزّت تفاصيل الحزن وارخت تفاصيلك