من فــرائــد عــبد الله بن عـــون ..

[خلف الغريب]

أحببت في هذا المتصفح أن نستنشق من عبير قصائد الشاعر العلم عبدالله بن نايف بن عون الرويس العتيبي الذي يعد من اعلام شعر النبط عموما ..

اختياري هنا عمد الى بعض القصائد التي قد لا تكون مشهورة لابن عون ..

انا غرب واللي خاطري ينتحي لـه شـرق=بعيدٍ وطن مظنون عيني عـن اوطانـي
حصل في غروب الشمس بيني وبينه فرق=عسى الله يقرب دار مـن حبـه اشقانـي
اليا جا لذيذ النوم يسرق عيونـي سـرق=ذكرته بعيـد وعافـت النـوم الاعيانـي
الا يالله انـك لاتجـازي حمـام الـورق=وراه يتلاحـى بالطـرب ليـن يشعانـي
لا قام يتلاحـى ثم شعانـي بحلـو الطـرق=ومن الولف اظنه جاين الـورق ما جانـي
من اربع سنين ومهجة الروح فيها حرق=نتيجـة نـدب عينٍ سهمهـا تمثنانـي
وساع العيون الساحريـة طعنهـن زرق=لها نظرة مـن صابتـه طـاح وجعانـي
سقا الله اليا قام يتكاشـف علـي البـرق=وانا اشوف زوله بيـن ربعـي وخلانـي
تفتح لعيني يوم اشوفه وسـاع الطـرق=وانا قبل اشوفه مثـل يعقـوب عميانـي
تهشم نظيره من هميل الدمـوع الـزرق=وعمي لين جابوا له قميص ابنـه الثانـي

وله هذه القصيدة في طيره فراج بعد ان افترسه عقاب :

ياسعود كان انك تهدد علـى النـوح=تعـال انـا ويّــاك ننـعـا هنـيّـا
تعال انا ويـاك ناخـذ عـن الـروح=عطنـي وانـا بعطيـك ممـا تهيّـا
صبري وصبرك عقب فرّاج مشحـوح=ماعـاد فيهـا يـا البناخـي كنـيّـا
ون كان صوتك شح والصوت مبحبوح=خـل انهتانـك بالخفـايـا خفـيّـا
اون واتبـع ونـة الصـدر بفحـوح=ولافرّجة مـن ضيقـت البـال شيّـا
ياطيري الليا ابـرق الريـش ذابـوح=ما ابعد على راعيه صبح وعشيّـا
تعرضّه يـوم اظلـم اليـل سامـوح=وعليـه ماسيـت الفجيعـه مسـيّـا
جيته علـى جثـة احبـاراه مذبـوح=وامسـت همومـي داهيتنـي دهيّـا
و اصبحت انا عن نقلة الطير مصفوح=ماعاد اللي فـي نقـل غيـره شهيّـا
ماراح جعلـه مايعـود علـى اللـوح=ولا عسـاه اليـا رجـع مـا يحيّـا
ليت النقيصه في الرواقي ومجـروح=وفـي كـل كابـوداً سـواة الحديّـا
وليته غدا وارجيه مع كـل طـاروح=فـي المقبلـه يمـلابـه الله يـديّـا
لو هو غدا يا سعود ماحسـفّ الـروح=بـس الحسوفـه ميتتـه هاالسويّـا
وفرّاج مشروهه علـى كـل ممـدوح=ياخـذ قضـاه اللـي براسـه حميّـا

وله هذه القصيدة في رثاء طلال الرشيد رحمه الله :

واعينـي اللـي ماتهنـت بهمـلاج=عن نومها ازعجها البيـان المفاجـي
وامسيت في صدري من الوجد وهاج=ومما دها عزمـي تكـدر مزاجـي
لاواطلال اللي عليـه القضـاء راج=واقفى عن الدنيا طليـق الحجاجـي
فيه الحسايف عقبـت فـي سوهـاج=والاالقضا مالـي عليـه احتجاجـي
مرحوم ياللي لك بالامجـاد منهـاج=الصافي الشهم السمـاح الهجاجـي
عسى مقـرك ياسنـد كـل محتـاج=في جيرة اللي من هل النار ناجـي
الصبـر ياشمـر مفاتيـح الافـراج=عند الفراق اللـي شرابـه هماجـي
الله يجبـر كسركـم عقـب هـداج=ريف الضعيف اللي يجيه متلاجـي
والكسر مايجبر ليا جـاء بالامهـاج=وجرح النيـه مالقـي لـه علاجـي
ياضلع اجاء تدعيك ابانات وسـواج=وسلمى تحثـك يمهـن بالرواجـي
تبي تواسي بالعـزء ذيـك الابـراج=وتزعج عبايرهـا بذيـك الهباجـي
ولو سبلت بدموعهـا ازراجً ازراج=تعذر ليا ناحـت سـراج الدياجـي
ياليت لاخذ الثـار فالشيـخ مـدراج=كان انتخي وانخى فهود الزراجـي
ويفاجي اهل الجلـف والنورمانبـاج=جمع يفرقهم وهـم فـى المحاجـي
جمعٍ يجيله فوقهـم عـرك وعـلاج=لين تغذى ذيك الصحاري عجاجـي
تاخذ سنـة والذيـب فيهـا ليـا داج=زاده رخـاء مايلتفـت للنعـاجـي
يالحايلي كنك على الشيـخ مخـلاج=خذني معك يسند خلاجـك خلاجـي
لو البكاء نوع من انـواع الازعـاج=ويزيد من نبش الجـروح اللواجـي
وقدامنـا سعـدون للدمـع زعـاج=ولاردة الدمعـه عقـاب العواجـي

وله هذه الرائعة :

ياملّ عيـنٍ يعـلّ الجيـب ذارفهـا=اربع وعشرين ساعه تهجل اهجالي
والنوم يا دحيـم عايفتـه وعايفهـا=دارت سنتها على سِهْـر وتملاّلـي
مدري على النوم عيني وش مكلّفها=للسِهْر في نونها ممسـى ومقيالـي
واللي جعل نوم عيني مـا يوالفهـا=واهج لهيب الغرام اللي برى حالي
واحالي اللي طهوم الشوق ناحفهـا=مابـاقٍ الاّ عظـامٍ جسمهـا بالـي
عليك ياللي غلاك الـروح متلفهـا=ياللي محلّك بوسط القلـب نزّالـي
غلاك نفسي عن الخفرات صارفها=لو يجمعن لي من اولهن الى التالي
لك سيرةٍ بالمحبّه ما اقـدر اخلفهـا=لو هي سبايب سهر عيني وغربالي
الاّ رجا ساعةٍ ما اقضي حسايفهـا=والاّ على السنّه السمحـا تهيّالـي
رجعت للسالفه واحييـت سالفهـا=اللي يقولونها في ماض الاجيالـي
اللي سبب موت ضيف جديع ماقفها=حيث ان ذبّاح ضيف جديع يبرى لي

اتمنى ان يكون اختياري مرضيا لأذواقكم ..