قصيدة"ايامنا واليالي"للشاعر::بديوي الوقداني

[هندي المقبل]

أيـامـنـا والـلــيالي كـم نعـاتبهـا = شـبـنا وشا بت وعيفـنا بعض الاحوالي
تـاعـد مـواعـيد والجـاهل مكـذ ّبها = والـلـّي عرف حدهـا من همهـا سالي
إن اقـبـلـت يـوم ما تصفى مشـاربها = تقفـي وتقـبل ومــادامت على حـالي
فـي كـل يـوم ٍ تـوريـنا عجـايبـها = واليـوم الاول تـراه احسـن من التـالي
أيـام فـي غـلـبـهـا وايام نغلـبهـا = وأيـام فـيـها سـوا الدهـــر ميّـالي
جـربـت الايـام مـثـلي من يجربهـا = تجـريب عـاقل وذاق المــر والحـالي
نـضـحـك مـع الناس والدنيا نلاعبهـا = نـمشي مـع الفـي ّ طوع ٍ حيث مامالي
كـم مـن عـلـوم ٍ وكـم آداب نكسبهـا = والشـعر مـازون مثقـال ٍ بمثـقـالـي
أعـرف حـروف الهجاء بالرمز واكتبها = عـاقـل ومجنـون حـاوي كل الاشكالي
لـكـن حـظي ردي والـروح متعبهـا = مـافـادني حسـن تأديبي مع امثــالي
إن جـيـت أبي حاجـة ٍ عزت مطالبـها = الـعـفـو ما واحد ٍ في النـاس يـاوالي
قـوم ٍ إلـى جـيتـهم رفـت شواربهـا = بـالضـحك واقلوبـها فيها الـردا كـالي
وقـوم ٍ إلـى جـيتهـا صكت حـواجبها = وأبـدت لـي البغض في مقـفاي واقبالي
مـاكـنـي إلا مسـوي حـال مغضـبها = والـكـل في عشـرته ماكـر ودجـالي
يـاحـيـف تخفي علـوم ٍ كنت حاسـبها = والـلـّي عـلـى بـالهم كله على بـالي
الـجـار جـارفـّي وكـم قـوم ٍمحاربها = وألاهـل واصحابنا والـدون والعــالي
والـروح وش عـذرهـا في ترك واجبها = راح الـحسب والنسب في جمع الاموالي
نـفـسي تبي العـز والحاجات تغصـبها = تـرمــيـبها بين اجـاويد ٍ الانــذالي
المـال يحـيي رجـال ٍ لاحـياتـبـهـا = كـا لـسـيـل يحيي الهشيم الدمدم البالي
عـفـت المنـازل وروحي يوم اجنبهـا = مـنـها غنيـمه وعـنهـا البعد أولالـي
لاخـيـر فـي ديـرة ٍ يشقى العزيز ابها = يـمـشـي مع الناس فـي هم ٍ واذلالـي
دار ٍ بـهـا الـخـوف دوم ٍ مـايـغايبها = والـجوع فيهـا ومعهـا بعض الاحـوالي
جـوعـى سـراحـينهـا شبعـى ثعالبها = الـكـلـب والهـر يقدم كـل ريبـالـي
عـز الـفـتـى راس مـاله من مكاسبها = يـامـرتـضـي الهون لاعـز ٍ ولامالي
دلـّلـت بالروح لـين ارخصت جـانبها = وانـا عـتـيبي عـريب الجد والخـالي
قـوم ٍ تـدوس الافـاعـي مـع عقاربها = والـهـا عـزايـم تـهـد الشامخ العالي
خـل الـمـنـازل وقـل لـلبيـن يندبها = يـبـكـي عـليها بدمع العـين هطـالي
لاتـعـمـر الـدالـر والقالات تخـربها = بـيـع الردي بالخسـاره واشتر الغـالي
مـاضـاقـت الارض وإنـسـدت مذاهبا = فـيـهـا السعة والمراجـل والتـفتـالي
دار ٍ بـدار ٍ وجـيـران ٍ نـقــاربـها = وارض ٍ بأرض ٍ وأطـلال ٍ بأطـلالـي
والـنـاس اجـانـيب ليننك تصـاحبـها = تـكـون مـنـهـم كما قالوا بالامثـالي
الارض لـلـه نـمـشـي في منـاكبـها = والله قـــدر لـنـا أرزاق ٍوآجـالـي
حـث الـمـطـايـا وشـرقها وغـربها = وأقـطـع بـها كـل فج دارس ٍ خـالي
وأطـعـن نـحـور الفيـافي في ترايبها = وأبـعـد عـن الـهم تمسي خالي البالي
لـو مـت فـي ديـرة ٍ قـفرا جـوانبها = فـيـهـا لـوطي السبـاع العبس مدهالي
أخـيـر من ديـرة ٍ يجفـاك صـاحبهـا = كـم ذا الـجـفـاء والـتجافي والتعلالي
دوس الـمـخـاطر ولا تخشـى عواقبها = الـمـوت واحـد وبـعـد الـعز يجلالي
إن الـمـنـايـا إذا مـدت مـخـالبـها = تـدرك لـو كنت في جـو السماء العالي
الـشمس فـي برجـها والغيـم يحجبـها = تـقـفـي وتقـبل لها بالعرش مجـدالي
رب الـسـمـوات يا محصي كـواكبـها = يـامـجـري السفن في لجـات الاهوالي
ضـاقت بنـا الارض وأشتبت شبـايبها = والـغـيـث محـبوس يامعبـود ياوالي
يالله مـن مــزنـة ٍ هـبت هبـايـبها = رعـادهـا كـن لـه بـالبـحر زلزالي
ريـح الـعـوالـي مـن المنشى تقالبـها = جـذب الـدلـي من جبا مطوية الجـالي
ديـمـومـة ٍ سـبـلت وأرخت ذوايبـها = وأنـهـل مـنهـا غزير الوبل همــالي
تـسـقـي ديـار ٍ شديد الوقت حـاربها = مـاعـاد فـيهـا لبعض النـاس منزالي
يـاجـاهـل إسـمـع تماثيـل ٍ مرتبـها = فـيهـا معـاني جميـع القـيل والقـالي
يـارب تـوبـه وروحـي لاتـعـذ بها = يـوم القيـامه إذا مـاضاقت أعمــالي
وأزكـى صـلاة ٍ عـلى المختار نوهبها = شـفيـعنا يـوم حـشر ٍ فـيه الاهـوالي