حرمتني ياشيب تفريعت الراس

[سعد النفج]

هذه الابيات ارجو ان تنال استحسانكم وهو تعبير خاص عن الشيب

حرمتني ياشيب تفريعت الراس

واحرجتني عند العرب والجماعه

لو ان عمري بالثلاثين لاباس

مار اربع وعشرين والراس راعه

صحيح مابه شي عند اغلب الناس

ولا هو منقص قدر والاّ شجاعه

مار البلا غرو(ن) به الفكر حساس

ليا شاف راسي شيب جته المناعه

خوفي يجيه من المخاليق وسواس

و يقول (شايب) ثم تصبح اشاعه

والزين يلقى العلم و يدن الاجراس

اجراس حرب(ن) بالهجوم و دفاعه

والله يعين القلب في قوة الباس

دام البشر ما قصروا بالاذاعه

يازين هذا العلم والوضع محتاس

لا تسمع العذال في كل ساعه

الشيب ما به عيب يابنت وادناس

قدر الرجال وشيمة اهل الوداعه

الشيب زينه حطه الله للاجناس

بروس العباد مركز(ن) في شعاعه

شعاع شيب(ن) مثل ما لمع الالماس

والماس غالي ماهو اية بضاعه

وسبت غلا للماس هي شيبة الراس

قانون من يقراه جته القناعه

(( الشيب لونه لو زها كل الالباس..

يصير فيه ابداع وايضا براعه.. ))


سعد النفج