من روائع .. الكوكب الشعري .. ( محمد المشعلي )

[الطرقي]

السلام عليكم ورحمة الله وبركاته




أسعد الله أوقات الجميع بالفرح والمسرات





أستسمح قلوبكم ..بنقل .. روائع الكوكب الشعري ..


وأخي .. وصديقي .. ونصفي الآخر ..

الشاعر الكبير .. والقدير .. (( محمد المشعلي القحطاني ))

لاضاق صدر المشعلي شق الزباره = أن رقى قمـه تعلـى فـوق قمـه
مـا تكيّفنـي حبـوب ولا زقـاره = يوم غيري دفها في وسـط فمـه
أقدح بيوت الشعر قـدح الشـراره = ومن يعاندنـي يبّشـر بالمطمـه
أكتب بيوت الشعـر تـاره وتـاره = و(الغزل) اليا كتبتـه مـا أعمـه
وأمدح أرجال المواقـف والنمـاره = وأهجـي أرجـال" تـدوّر للمذمـه
وأتوجـد يـوم قلبـي بانتظـاره = طايح" وسط الهوى ما أحدن يلمـه
ياوجودي وجد من طالـب بثـاره = والبلا أن الطلب في أعـوال عمـه
ضايع" مابين أبـوه وبيـن نـاره = أن خذا ثاره يصيـح أبـوه يمـه
وأن تردى قالـت أمـه ياخسـاره = كيف ترضى يوم أخوك يضيع دمه
ضايع" وأكبر همومه في (عبـاره) = كيف يطفي نار أبـوه ونـار أمـه
وياوجودي وجد ممسوك الخفـاره = أن قضى جاته من القايـد مهمـه
قايـده ملعـون لاصـدّر قــراره = كن ماله في ذرى الشجعـان ذمـه
أن تصدى جات غاره دون غـاره = لين ضاقت به الاراضي دون همـه
الوظيفـه مـن نهـاره لا نهـاره = راتبه حتى يدينه 000 ما تضمـه
ياحبيب الروح قلبـي بأحتسـاره = لاهجع بالليـل هوجاسـه يخمـه
يـذن المـذن وصوتـه بالمنـاره = وأسهر الليل بقصيدي ليـن أتمـه
أجتمعنـا بالوفـا آخـر زيــاره = وأفترقنا 00والسبـب نقّـال نمـه
أكسبوهـا بالفطانـه والشطـاره = سمه الفرقى وش اللي صار سمـه
المهم بالقلـب مسكانـه ودااااااره = يوم غيره في غيابه0000 ما يهمه
أشهد أني ضعت بالحب ومسـاره = وأنا أقول أن (الغزل) مانيب أعمه