قصيده اهديها لكم هنا كاول قصيده تكتب في هذا المنتدى ولي الشرف بذلك
<<<<<< ادري ان المصمم مرتفع ظغطه منا تلقاه الحين يقول هذولا ماصدقوا على الله
والمنتدى توه ماخلص يكتبون مواضيع بس معليش تحملنا ياغالي ...
ـــــــ ــــــ ـــــــ ـــــــــــ
للشعر حزه لادعيته في لزومي مايغيب =ولكل حادث به حديث وكل مخطي نردعه
قم ياعضيدي وانت رجل" من هقابك مايخيب = حر" مجرب بالهداد وكل عالي تطلعه
هذي رساله محتواها وصفة" بسم الطبيب = طب المريض اللي يحسب ان السوالف تنفعه
قله تركد وانتبه في كل درب" له رقيب = واللي غدا بالدرب دربه مع طريقه يرجعه
الشعر حدّه مثل سيف" لاهوى جرحه عطيب = يرتكز في قلب من زلة لسانه تجدعه
والجاهل اللي يحسب انه شاعر العصر الرهيب = رفعوبه لين طاح بفخ صيد المعمعه
طار بالعجه مع اللي صفقوله ياعجيب = اغتر في حكي المظاهر والمظاهر تخدعه
جاه سهم" للمنايا من يصيبه مايطيب = شاعر" صاغ المعاني والقوافي تتبعه
خذ من جديد الشعر حرف" يعشق القاف الصعيب =وهاك علم" من يمره مايتعدى مسمعه
عيال وايل والمنادي لانتخى يلقى مجيب = من شمال الشام لين اقصى جنوب المجمعه
ذيب" ورث فعل المراجل ثم ورثها لذيب = لاشاشت جموع النشاما في حلول الزعزعه
تاريخ حافل بالمراجل مايجيه ادناة عيب = بيرق" بالعز لاشانت فزعنا نرفعه
ولا على باقي القبايل زود يالعقل اللبيب= كل رجل" دون حقه في لزومه ماشجعه
حنا مع الطيب نطيب ولنتحرى منه طيب = والطيب غرس" في صدور اهل المراجل نزرعه
وحنا على العايل نعيل ليابدا بالوقت ريب = نرد كيده وسط نحره يوم غره مطمعه
ان كانها بجموع ربعك .. لابتي سم الحريب = ويلان لاحان اللقا راس" ترفّع نقطعه
وان كانها بالفعل جنّب بالفخر مالك نصيب = خايب وملعون ابو ماغير صوت وقرقعه
وان كانها بالشعر حرفي يعشق القاف الصعيب = العن ابليس الرجيم وهاك شعري واسمعه
لابوه صيت" تفتخر به وانت صيتك مستصيب = ولابوه خبل" لاتضايق حك خشمه بصبعه
06/04/05, (07:09 PM)
لــلــشــعــر حـــــزه ...
العرض العادي
