الشام تصرخ

[تركي فلاح]

الشعر تعبير ومواقف . وتفسير
لهموم شعب ٍ .. زاد وابل عناها

يعني رسالة .. بالحوادث وتصوير
واسماع ناس ٍ ماتجاوب نداها

ماهي سوالف بالنهاية وتخدير
الا حقايق ترتفع في مداها

يعني أمانه في صدور الشواعير
وكل ٍ يشوف امانته من عطاها

واليوم ذبح وموت فتنه وتفجير
وحكام تقتل شعب كانت ذراها

لا فيه لا ذمه ولا بالزمن خير
ان ماتكلمنا وبحنا خفاها

الشام تصرخ من حفيد الخنازير
بشار يحرقها ويهتك حماها

دارت دواليبه ومالت عن السير
وخطة ابوه اليوم يتبع خطاها

يهدم مساجد ويتعدى المحاذير
وبعد الكفر جريمته وش وراها

اطفال يوم العيد ماتوا طوابير
الاذن تسمع والنواظر تراها

ايران تضحك له وترسل عصافير
وتقول طهر حوزتك من خزاها

بانت ملاعيبٍ وبانت حزازير
وطاح الغطا عن من سترها غطاها

والشعر تعبير ومواقف وتفسير
لهموم شعب ٍ زاد وابل عناها



كيبورديه

تركي فلاح

[عبدالله المعيوف الدهمشي]

الله يخزي حفيد الخنازير ويفرج عن المستضعفين

جزاك الله خير

صح لسانك ملايين

[محمد دعسان]

اشاعر تركي فلاح
بيض الله وجهك
قصيده شامخه
فريده باالجزاله

تقبل مروري
الله يحفظك

[عبدالرحمن الجابري الحربي]

يعني أمانه في صدور الشواعير
وكل ٍ يشوف امانته من عطاها


الشام تصرخ من حفيد الخنازير
بشار يحرقها ويهتك حماها

دارت دواليبه ومالت عن السير
وخطة ابوه اليوم يتبع خطاها


صح لساااانك أخوي تركي ...

أبيات في غاية الجمال .. ونص لا يقدمه إلا الأوفياء ... تستحق التميز ...

تقبل مروري وإعجااابي ...

[سالم صالح]

الراقي / تركي فلاح


صح السانك وماتجيب الا الجزالة ابيات راقية ومميزة والله يفك اهل الشام من حفيد الخنازير

تقبل تقديري وماقصرت اجزت في الوصف رغم ان مايحدث لا تستطيع لاعين ولا قلم ان يصوره ,,,

تقبل ودي وتقديري ,,,

[حمد الضوّي]

تركي فلاح


صح لسانك وإعتلى شانك وبيض الله وجهك قصيده معبره تحكي
معاناة أخواننا الشعب السوري الشقيق الله يفرج كربهم
ويزيل همهم ويكفيهم شر الأشرار ويرفع عنهم
الظلم ويهلك كل ظالم مستبد



تحايا

[بنت الكحيلا]

الله يفرجها عليهم يارب

وصح لسانك اخوي تركي فلاح


والله يعطيك العافية على القصيدة المعبرة

لك شكري وتقديري