كسرني الجرح واوقاته ..

[همس الورد]

كسرني الجرح واوقاته..وحسيت العمر لحظات..
وساعه جرحك بقلبي..اشوف الموت يسبيني..

اسير جروحك الصعبه..سجين الهم والدمعات..
ظلمني قلبك القاسي..بجرح(ن)مابرى فيني..

بصمت احكيك وانادي..وقلبي ممتلي حسرات..
خفايا روحي تتألم..ودمعي ساكن بعيني..

طعونك طالت اعماقي..واداريها انا بضحكات..
وارسم بسمه بشفاهي..واقول انك مهنيني..

انا من زود مااحبك..اكف الدمع والعبرات..
لجل ماتزعل وتبعد..وجودك بس يكفيني..

ورود عتابي انثرها..بأرق واجمل الكلمات..
واحسب انك تقدرها..واثرك انت مشقيني..

صوتي لك وانا انادي..احس بنبرته آهات..
انادي قلبك الخالي..انادي وانت ناسيني..

انا اهديت لك قلبي..ابي تشفيه من العلات..
لجل مايسكنه غيرك..وتحلف ماتخليني..

ولكنك هديته جروح..واهديته عنا وضيقات..
هموم تكبر بذاتي..الم ابكيه ويبكيني..

دخيلك لاتخليني..اعاني القهر والونات..
دخيلك حس بجروحي..وكيف البعد مضنيني..

ابحيا هالعمر مكسور..وحزني داخلي مامات..
تعبت احلم ولو مره..تحس بقلبي وتجيني..

خلاص اتركني لحالي..اموت بداخلي بسكات..

واعيش بعمري الباقي..ودمعي ساكن بعيني..


مما راقى لي ..

[بندر السديري]

همس الوورد
صح الساان شاعرهاا
وتسلمين على هاالذووق الراائع
تحيااتي

[همس الورد]

بندر السديري

صح بدنك

ربي يسلمك

اسعدني مرورك

[صالح الأسود الجعفري]

همس الورد
صح السان شاعرها
وختيار رائــــــع
دمتي بخير

[همس الورد]

صالح الجعفري

صح بدنك

الاروع مرورك