اخر اللحظات- نواف الفيصل - °~*¤®§(§ شبـــكة ويــلان العـربـيـه §)§®¤*~ˆ°

**اسيرة الزمن** · 18/07/11, (03:57 AM)

ما يفضح اللي حب الا آخر اللحظات **** لامد كفه بالوداع وصد بعيونه

معاه رايات الاسى وجيش من العبرات **** وبين الحنايا صهيل خيول محزونه

كنه عآى موعد معك يا هادم اللذات **** من شاف ما صابه يقول الله في عونه

سلام ياللي ناوي الفرقا عدد مافات **** وتعداد ما مر السحاب وهلت مزونه

سلام من قلب سكنته انت والحسرات **** غلاي تكفى يا مودع ناظري صونه

ارحل وأنا برحل معي هم وتعب وسكات**** وأسرار ما بيني وين الروح مدفونه

ارحل مادام الله كتب لك يالحبيب شتات**** مالي عآى حكم القدر راي ولا مونه

مالي بعدك الا الصبر ومجاذب الونات **** وقصيدي اللي كل خلق الله يغنونه

وان طالت الغيبه ابنعي الحب لو مامات **** عسى الهوى يشتعل بك وتردك ظنونه

وباحاول أنسى لو يصيح الشوق بي هيهات **** وباحاول اسلى ولو يصيح القلب ما أخونه

،’
،’

للشاعر .. نواف بن فيصل ,,

**صالح الأسود الجعفري** · 19/07/11, (09:44 PM)

صح لسان نواف بن فيصل
اسيرة الزمن
اختيار مميز دمتي بخير

**اسيرة الزمن** · 20/07/11, (07:19 PM)

هلا بك اخوي

يعطيك العافية على المرور

تقبل تحياتي

**محمد خلف الزايدي** · 20/07/11, (08:58 PM)

اسيرة الزمن’’

لاهنتي على هذه القصيده الجميييييييييييييييييييييييله

عواااافي

**اسيرة الزمن** · 20/07/11, (09:46 PM)

الله يعافيك اخوي محمد

يسلموووو على المرور