مجاراتي لابيات للشاعر الكبير مطلق النومسي

[نافع عيد الجديد]

بيتين للشاعر الكبير مطلق النوسي طلب مجاراتها ويشرفني طرح مجاراتي المتواضعه عسى ان تنال اعجابكم
والابيات كالتالي

تساهلت الذنوب وشلت من عسر الذنوب اذنوب=وجابتني فضايح ضيقتي بوجيه عذالي
انا ياصاحبي ماجيت ابشكيلك زعل رعبوب=انا جيت اشتكي لك من زعل حالي على حالي

المجاراه

تساهلت الذنوب وشلت من عسر الذنوب اذنوب=وجابتني فضايح ضيقتي بوجيه عذالي
انا ياصاحبي ماجيت ابشكيلك زعل رعبوب=انا جيت اشتكي لك من زعل حالي على حالي
تماديت بخطاي وعن خطايه ماقدرت اتوب=حسبت ان الذنوب خفاف حتى صارت اثقالي
الا يالله انا عبدك وجيت اشكي على المسحوب=ظعيف برحمتك يالله ياللي بسماء عالي
خلقت الخلق لجل اعبادتك وحسابهم محسوب=رجيتك ياكريم لتوبتك لاتقصر احبالي
وانا عايش بدنيا ماعرفت الغيب والمكتوب=ويمضي يومي الاول ولحقه يومي التالي
يبين اليوم بشروقه وشمسه تنتهي بغروب=وكل الخلق بالامال وانا عايش امالي
وانا كلي امل رحمتك ياغالب وانا مغلوب=كريم تلطف بخلقك طلبتك تستر احوالي
تثبتني بساعه مابها طالب ولامطلوب=تحت رحمتك وسط القبر يارحمن ياوالي
اعز الناس يتركني ويقفي منبهر مرهوب=ولاينفع بها فزعه ولا ينفع بها مالي
ماينفع غير عطفك ياعطوف تشفي المصيوب=بعطفك ندخل الجنه وتحييني وانا بالي
فتحت ادروب للمذنب وللتايب فتحت ادروب=وانا تايب وجيت اشكي ودمع العين همالي

وسلامتكم

[فايز الفايز]

وانــا كـلـي امـــل رحـمـتـك يـاغـالـب وانـــا مـغـلـوب
كـريــم تـلـطـف بخـلـقـك طـلـبـتـك تـسـتــر احــوالــي

تـثـبـتـنـي بـســاعــه مـابــهــا طــالـــب ولامـطــلــوب
تـحــت رحـمـتـك وســـط الـقـبــر يـارحـمــن يــاوالــي

الله يثبتنا عند السؤال

نافع الجديد .. كتبت فابدعت

قصيده بغاية الروعه .. راقت لي كثيرا

اشكرك من الاعماق

دمت بخير

[الحميدي بن طالب العنزي]

تثبتني بساعة مابها طالب ولا مطلــــــوب....تحت رحمتك وسط القبر يارحمن يــــاوالي
اعز الناس يتركني ويقفي منبهر مرهوب..ولاينفع بها فزعة ولا ينفع بها مالي


صح لسانك يابو عيد......

وليست بمستغرب هذا الابداع....من شاعر بحجم.....ابو عيد.....

[محمد بن موسى]

الشاعر القدير / نافع الجديد

الله الله يابو عيد

مجاراة رائعه بكل امانه من شاعر كبير لا يقل مقدرة شعريه عن شاعرنا مطلق النومسي

لله درك يابو عيد على هذة الجزاله وهذا النص الشامخ

تقبل مروري وفائق احترامي

[مازن الفهد]

يا سلام عليك يا نافع و صح لسانك

[بندر السديري]

نافع عيد
صح السااااااااااااااااانك ياالغالي
مجاراة رااااااائعه بمعنى الكلمه
الف شكر لك
تحيااتي

[خلف الغريب]

وانا كلي امل رحمتك ياغالـب وانـا مغلـوب

كريم تلطف بخلقـك طلبتـك تستـر احوالـي

تثبتنـي بساعـه مابهـا طالـب ولامطلـوب

تحت رحمتك وسط القبـر يارحمـن ياوالـي

كبير دائما يا ابو عيد وصح الله لسانك وسلم راسك ..

رائعة من رائع لا يستغرب معه الجمال ابدا...

لله درك ..