ياصاحبي منته على الود مجبور

[محمد بن موسى]

ياصاحبي منته على الود مجبور=ومافيه داعي للعبط والكلاحه
انا معك واضح ولا الف وادور=طبعي صريح ان كان تبغى الصراحه
ماني من اللي كل يوم وله دور=يلعب على كل الوجيه بوقاحه
يحلف بربه وان شهد زور في زور=اهم شي انه يحقق نجاحه
والا انا ياصاحبي وافي شبور=ولطرد ورى ايات فرصه متاحه
امشي طريقي يابيض الوجه بالنور=ولاهمني كلب العرب مع نباحه
واثق بنفسي ولايجي مني قصور=اقدم المجهود وارجي صلاحه
ولرضي على ناصر على حساب منصور=ومن بعدها منصور ارجي سماحه
أكون حّد وكلمة الحق دستور=لوكان مالي من وراها رباحه
أبيّن المخطي واقدم له الشور=واوجهه لأسباب تضمن فلاحه
ما اعيش بالحيلات لو كنت مقهور=لو كان كل الوضع مافيه راحه
ان عشت ما ارضى عيشة (الجبّو) والثور=اللي تساوت مع بعض بالبراحه
اما اعيش ورافع الراس كالطور=والا اموت وعز راسي كفاحه

[حمد الضوّي]

محمد بن موسى


صح لسانك وإعتلا شانك أخوي محمد . قصيده شامخه بشموخ كاتبها ومعبره بنفس الوقت وجميع أبياتها جميله .. ويعلم الله أنني كررت قراءتها أكثر من مره لإعجابي بها .. قصيده لايكتبها إلا ّ شاعر بمستوى محمد بن موسى ... سلمت يداك مشرفنا الغالي.........تقبل تحياتي

[بروق الشمال]

اذا سلطان كاتبها
اكيد حتجعب الجميع
ماقدر اعلق على القصيده لانها لم تظهر لدي طبعا كالعاده داخله,من الجوال
اكتفي بقول
ماينزفه قلم اخي سلطان الحرف
يستحق الثناء
تقبل احترامي

[محمد بن موسى]

المشاركة الأصلية كتبت بواسطة حمد الضوّي

محمد بن موسى


صح لسانك وإعتلا شانك أخوي محمد . قصيده شامخه بشموخ كاتبها ومعبره بنفس الوقت وجميع أبياتها جميله .. ويعلم الله أنني كررت قراءتها أكثر من مره لإعجابي بها .. قصيده لايكتبها إلا ّ شاعر بمستوى محمد بن موسى ... سلمت يداك مشرفنا الغالي.........تقبل تحياتي

درع عنزة / حمد الضوي

صح بدنك ونبض قلبك

اسعدني مرورك المميز الذي احرص عليه دائماً
فأنت شاعر اتشرف برأيه وشهادته وسام على صدري

دمت بود

[هندي المقبل]

الشاعر محمد بن موسى

كل عام وانت بخير .. وانت دائما كفو يامحمد ومميز بكل حالاتك

صح لسانك على ماكتبت من شموخ شعري .

اعجبني هذا النص ورغبت في معايدتك من خلاله .

تقبل ودي واعجابي .

[محمد بن موسى]

المشاركة الأصلية كتبت بواسطة بروق الشمال

اذا سلطان كاتبها
اكيد حتجعب الجميع
ماقدر اعلق على القصيده لانها لم تظهر لدي طبعا كالعاده داخله,من الجوال
اكتفي بقول
ماينزفه قلم اخي سلطان الحرف
يستحق الثناء
تقبل احترامي

بروق الشمال

تعطرت صفحتي بمرورك المميز الذي احرص عليه دائماً
وشهادة اعتز بها ووسام على صدري

دمتي براحة بال

[مشاري بن فالح]

كفو يابعد خشمي

نص شامخ يالذيب

صح لسانك
واعتلا شانك ملايين على هالنص الجميل

شكرا لك

:
|: