ما عاد لي خلق للناس للشاعر حمود جلوي - °~*¤®§(§ شبـــكة ويــلان العـربـيـه §)§®¤*~ˆ°

**مهرة السناعيس** · 22/07/10, (10:50 AM)

اقدم لكم هذه القصيدة للشاعر حمود جلوي عساها تعجبكم وتنال رضاكم

ليل طويل وجرح وهموم وعماس
وضيقة صدر مدري وشاللي وراها

يالله تصبرني على ضيق الانفاس
جرالمفارق والهموم وعناها

من عقبها ماعاد لى خلق للناس
من يوم راحت راح قلبي معاها

فيني غلاها شأوصفه؟ ماله قياس
اقسم قسم انه ذبحني غلاها

لو كان في وجه الجفا ذرة احساس
ماكان لحظه عن عيوني خذاها

وقف مابين وصالها وبيني الياس
رب(ن) عطاني حبها ما عطاها

شفت القهر يذبحني وقلت لا باس
ساعة خفوقي باعني واشتراها

ياكثر ما صادفت بالناس اجناس
محد(ن) وصل بعيوني لمستواها

بنت الجواهر من زبرجد وألماس
تأخذ وتلعب بي على مشتهاها

راحت وخلتني على كف الأتعاس
ماغير اقلب ضيقتي وش دواها

واللى ذبحني من طواري وهوجاس
ان غايتي ما عانقت منتهاها

ماهو من شويه اذا شاب هالراس
نصار كن الروح كول شقاها

صابر عليها يابوتركي ولا باس
الروح روحي واتحمل عناها

اذكر سليت ورحت عنها مع الناس
وقلبي تركني وراح يمشي وراها

**ابوالهيثم** · 22/07/10, (01:04 PM)

اختي مهرة السناعيس
صح احساسك وصح لسان شاعرها
تسلم يمينك ع النقل
قصيده رائعه كروعة حضورك

**دانه الفيصل** · 22/07/10, (08:23 PM)

مشكورة اختي مهرة

تسلم يديك على الإختيار الرائع

صح لسانك ولسان شاعرها

**المعالي** · 23/07/10, (08:51 PM)

صح لسان شاعرها وقلب ناقلها

تسلمين على هذه الابيات الجميلة

**نافع عيد الجديد** · 24/07/10, (02:12 AM)

هلابك اختي مهرة السناعيس
قصيده رائعه من ذائقه اروع
سلمت اناملك
رعاك الله

**مشاعر شآمخه** · 24/07/10, (04:29 AM)

هبت العذوبة من همسات نقلك العذب المرهف
جميلة هذه المشاعر بكل ما حوته من
احاسيس جميله
رائعه ومبدعه انتي بأسلوبك الملهم
والذي يشد انتباه القلب والعقل
اعذري خربشاتي بين سطورك
تقبلي خالص شكري وتقديري لك ولنقلك الراقي
ودمتي بود

**عامر العنزي** · 25/07/10, (11:40 PM)

قصيده رائعه وناقله اروع

اختي سلمت يداك على النقل المميز

دمتي بكل ود