الحــــــــــــــــــــلم قصر...... - °~*¤®§(§ شبـــكة ويــلان العـربـيـه §)§®¤*~ˆ°

**حمد الوايلي** · 13/07/10, (04:31 PM)

الحلم قصر وطيف الاحباب له سور=والشوق بحرن زاد فيني أصتفاقه
مرت ثمان اسنين أقبال ودبور=والحب جسم وله يدين(ن) معاقه
عجز يزيح المظلمه ويكشف النور=ورضا على المر المعذب مذاقه
بين احتواء الحب وشعور وشعور=راح الامل يطوي بقايا ارواقه
ياحلم غادر مابقا شي معمور=ماعاد فيني باخر الحب طاقه
ماأبغا نصايح حب ولا اقبل الشور=وقلبي تعدى فوق وضع العلاقه
ماكنه الا طير واجناح مكسور=وماكنه الا ماوجد له رفاقه
عانيت منه وصار في جو محسور=وغافي ولايمكن تجيه استفاقه
يلي عشقت وضعت في هم وابحور=قلي وش اللي يختلف في مساقه
الحب والا الناس أو سالف الدور=والا جنون الشوق والا الحماقه
كذا نقول الحلم بنيان وقصور=وفي هامش التفكير له الف طاقه
الشوق يبني جسر والقرب محضور=والبعد يهدم حلم ويحش ساقه
السر لو انه بالاعماق مستور=يجيه يوم وينكشف بانشراقه
والليل مثل اللي يعاندك مقهور=والصبح مثل اللي ذبحك أشتياقه
ياليت ماني من الاحاسيس مامور=وامشي على كيفي بفن ورواقه
تعبت اعيد الذاكره وارجع ادور=على هوايه واقطف الحب باقه
الحلم قصر ومنهدم حوله السور=بعد الشموخ وبعد ذيك العراقه

**عايدالعنزي** · 13/07/10, (06:47 PM)

الشاعر

حمد الوايلي

شاعر جزل

ابدعت يارائع

ووصح لسانك

وعلى شاانك

لك تحياتي

وتقديري

**سالم العنزي** · 14/07/10, (03:58 PM)

حمد الوايلي
حضور شعري مميز كالعاده

صح لسانك وتقبل اعجابي

**بدرفهد الجعفري** · 19/07/10, (01:26 PM)

حمد الوايلي

حضور شعري كبير كالعاده

صح لسانك

**دانه الفيصل** · 19/07/10, (06:17 PM)

صح لسانك اخوي حمد الوايلي

قصيدة جميله ورائعه

مشكور ع الإبداع

**سالم صالح** · 20/07/10, (12:54 PM)

المبدع

حمد الوايلي

صح السانك ابيات راائعة بروعة وابداع شاعرها

جزل دائما وتكتب باحساس راقي

تقبل ودي وتقديري