السلام عليكم ورحمة الله وبركاتة
أتيت لكم بـ هذة المتواضعه وهي قديمة بعض الشيء
من باب التنويع في الطرح
إليكم
ارحلي ولامـن طلبتـك ترجعـي لاترجعـي=ابعدي عنـي واببعـد وانسـي أيـام الغـرام
هذا هـو آخـر قـراري ودام لـي عقـل وأعـي=اتركينـي فـي ظلامـي صـرت عاشـق للظـلام
قولـي انـي مـا أحبـك قولـي انـي مُـدّعـي=قولـي انـي ماعرفـت الحـب واسـرار الهيـام
قولـي كـل اللـي تبينـه تـاب عنّـك مسمعـي=عن سواليفك وعن كذبـك أنـا اعلنـت الصيـام
هـذا طبعـي والمبـاديء فـي حياتـي مرجعـي=لـي أحاسيـس ومشاعـر ماهـي بقلبـي نيـام
جيت ادوّر حـب عنـدك واثـر بيـدك مصرعـي=جيـت ادوّر عـن حنانـك بيـن هـذاك الزحـام
كنتي حلمي وسـط دمـي وكـل همـي تدمعـي=في خفوقن بـاع كـل النـاس واهـداك احتـرام
كنت اشـوف الحلـم بعيونـك وقلبـك مضجعـي=واحسـب احضانـك تدفينـي ولاريـش النـعـام
ماانكـر انـه كـان حبـك داخـلـي متربـعـي=وكنتـي الدنيـا بعينـي ودونـك العالـم عــدام
اذكـري كانـك نسيتـي مامضـى واسترجـعـي=حب صادق حب غـادق حـب وافـي بالتـزام
كم عطيتك حـب طاهـر مـن مصافـي منبعـي=وكم شقيت وكـم بكيـت وكـم تحملـت المـلام
كم كتمـت الشـوق يمـك ليـن ذابـت أضلعـي=كـم ذرفـت الدمـعَ حُبـاً فـي تعاليـل الوئــــام
كـم سمرنـا واستدرنـا فـي الكـلام الأصمعـي=كم صبرنا كم عذرنـا قـولَ عـذل(ن)كالحسـام
كـم سهرنـا كـم سكرنـا كـم وكـم لاتجمعـي=واحتسينا في ليال(ن)قـد خلـت كـأس المُـدام
إيه ياشمـس الحقيقـه فـوق عينـي واسطعـي=اكشفـي كلمـة أحبـك كنـت أقـوم الهـا قيـام
ياحسافـة عمـر ضايـع فـي غـرام المُـدّعـي=في غرام اللي إذا جا الليـل فـي حضنـي ينـام
واكشفـي غـدر الليالـي والـكـلام الألمـعـي=وانت حبي وانت نبضي وانت لـي بـرد وسـلام
وانت حاضر وانت ماضي وانـت غايـة مطمعـي=وانت نوحي وانت بوحي وانت صمتـي والكـلام
وانت عيني وضي عيني وانـت فينـي أو معـي=وانت ظلي وانت كلـي وانـت ظهـري والحـزام
ذا كلامـك قـبـل لاتتعـلـم انــك تخـدعـي=قبـل لاتذبـل ورود الحـب ويـجـف الغـمام
قبـل لاذوق الخيانـه قـبـل يـبـرد مدمـعـي=قبـل احـس انـك بطعناتـي تقلدتـي الـوسام
والحصـاد ايجيـك يافلانـه قـبـل ماتـزرعـي=والسهـم لامـن رميـتـه مـايـرد الا سـهام
لكـن الله لايهيـنـك مــن حيـاتـي إطلـعـي=لا أبي منّـك حقـوق ولا أبـي منـك انتقام
كنت اقول اليـوم بكـره ياعسـى تتسنعـي=طالـت المـده عليّـه واستـوى حلمـي حطـام
كـان قصـدك مـن غرامـن هدّنـي تستنفـعـي=صدقينـي ماتلاقـي غيـر قلبـن فـيـك هــام
وغير عينن كنتي انتـي وسطهـا اللـي تلمعـي=وغير دمعن كم نزلّك إنـت مـن بيـن الأنام
ابعـدي بسكـات لاتبطيـن تكفيـن اسرعـي=ابعـدي عنـي وخلينـي وعلـى الحـب السـلام
عفت حبك عفت قربك عفت قلبك واسمعـي=عفت أمسك عفت لمسك عفت همسك والكلام
عفت نورك مع غرورك عفـت زورك واطلعـي=من حياتـي واتركينـي فـي عذابـي ليـن انـام
فارقينـي مابقـي لـك شـي ترجيـنـه مـعـي=صدقينـي ضـاع كـل الحـب مـنّـك يـاحـرام
ارحلـي ولامـن طلبتـك ترجعـي لاترجعـي=إبعـدي عنـي واببعـد وانسـي أيـام الـغـرام
هذا هـو آخـر قـراري ودام لـي عقـل وأعـي=اتركينـي فـي ظلامـي صـرت عاشـق للظـلام
وسلامتكم
04/07/10, (12:08 AM)
إرحلي ولامن طلبتك ترجعي لا ترجعي
العرض العادي
