لاشفت ضول الناس بالك تعسـه - °~*¤®§(§ شبـــكة ويــلان العـربـيـه §)§®¤*~ˆ°

**نافع عيد الجديد** · 05/04/10, (02:26 PM)

يامل قلـب ٍ كـل هـم ٍ يمسـه=مسة حبـال مهـاوزات الأظلـه

ولي عجوزٍ كـل حيـن ٍ تعسـه=حتى السفيه من العـرب جايـز ٍ لـه

طس السبيل من اشقر التتن طسّه=الشاوري يجلي عن القلـب علـه

من كيس قـرمٍ دايـم ٍ مايدسـه=تلقاه مقروط ٍ علـى جـال دلـه

لاشفت ظول الناس بالك تعسـه=لاجنبك شـر المخاليـق خلـه؟

لو عندنا من غيب الايـام رسـه=الآدمـي مصلـوح نفسـه يدلـه

يالله ياللي كـل صـوتٍ تحسـه=عقد البلش غير انت محـدٍ يحلـه

تفرج لمن مثلي زمانـه يرسـه=عليه من بعض المعانـي مملـه

عليه من بعض المعانـي محسـه=ساعة خرج من علة ٍ جـاه علـه

البوم يفرس والفهد صـار بسـه=تبدلـت دنيـاك يافطـن ٍ لــه

سبع الخلا كيف الضواين تنسـه=والصلح من راع الغنم ماحصل له

القبس يـورد والظوامـي تلسـه=والمزن عطشان والوطى مايبلـه

لاصار عن حقك سلاحك تدسـه=ماينقعد لك في حضـون المذلـه

محمد بن مهلهل

**سالم العنزي** · 05/04/10, (03:53 PM)

نافع الجديد

شاكرا لك على هذه القصيده الأشهر من نار على علم

قصيده لايعرف منها البعض الا بعض الابيات

لكن البيت هذا اعتقد فيه خطاء املائي ياليت تصححه يابو عيد

ولــي عـجـوزٍ كــل حـيــن ٍ تـعـسـه == حـتـى سفـيـه الـعـرب جـايــز ٍ لـــه

عساك سالم

**نافع عيد الجديد** · 05/04/10, (07:27 PM)

اقتباس:

المشاركة الأصلية كتبت بواسطة سالم العنزي

نافع الجديد

شاكرا لك على هذه القصيده الأشهر من نار على علم

قصيده لايعرف منها البعض الا بعض الابيات

لكن البيت هذا اعتقد فيه خطاء املائي ياليت تصححه يابو عيد

ولــي عـجـوزٍ كــل حـيــن ٍ تـعـسـه == حـتـى سفـيـه الـعـرب جـايــز ٍ لـــه

عساك سالم

ياهلا والله يالله حيه
لاهنت على المرور المشرف
ومالاحظته صحيح وتم تعديل البيت
رعاك الله

**غموض الشمال** · 05/04/10, (08:57 PM)

تسلم أخوي نافع
قصيده جميله..كل الشكر على جميل أختيارك

تقديري لك

**سليمان الجعفري** · 05/04/10, (10:08 PM)

البوم يفرس والفهد صـار بسـه
ــــــ تبدلـت دنيـاك يافطـن ٍ لــه
سبع الخلا كيف الضواين تنسـه
ــــــ والصلح من راع الغنم ماحصل له
لاصار عن حقك سلاحـك تدسـه
ـــــ ماينقعد لك في حضـون المذلـه

الاخ الفاضل / نافع بن عيد

الله يعطيك الف عافيه على النقل المميز

لقصيده رااائعه لشاعر علم من اعلام قبيلة عنزه رحمة الله عليه

لك اجمل التحايا والاحترام

**سعود المسعودي** · 06/04/10, (01:06 AM)

تسلم أخوي نافع على الاختيار الجزل

دمت بخير

**بنت راشد** · 06/04/10, (01:28 AM)

نافع عيد الجديد

الله يعطيك الف عافيه على النقل

لقصيده رااائعه لشاعر علم من اعلام قبيلة عنزه رحمة الله عليه

شكرا لك