يـا يـوه قــدرك شــايـله فـوق الأعنــــاق***مــا نــزلــه نــذرٍ عــلـيَ لــــزمـــه - °~*¤®§(§ شبـــكة ويــلان العـربـيـه §)§®¤*~ˆ°

**صالح المزيني** · 02/04/10, (10:11 PM)

السلام عليكم ورحمة الله وبركاته

هذه القصيدة كتبتها في والدتي أطال الله في عمرها عسى أن ترتقي لذائقتكم

لو كل من يكتـب علـى بيـض الأوراق=مـا ظنتـي يوفيـك حقـك يـا يـمـه
حبك يايمـه فـي خفوقـي تـرى فـاق=حـب البشـر هـذا الـكـلام ابمتـمـه
يا يـوه قـدرك شايلـه فـوق الأعنـاق=مـا نـزلـه نــذرٍ عـلـيَ لـزمـه
أنتي سهرتي الليل لـي وقـت الإشـراق=تسعـة شهـورٍ مــا تنامـيـن يـمـه
حنـا تعلمنـا كثيـر مــن الأخــلاق=والديـن وعـلـوم الشريـعـه بهـمـه
لرضـاك يـا يمـة أنـا حيـل مشتـاق=ريـح الرضـاء يـا يـوه دايـم أشمـه
كل يحـط أمـه علـى روس الأشهـاق=يطيـعـه و قـولـه لــزومٍ يـتـمـه
يا اللي عصيت أمك ترى الدرب بك ضاق=وضاقت بـك الدنيـا علـى كـل يمـه
لا تصير في دنيـاك عايـش ولا تطـاق=مـا غيـر أكـل و نـوم وقـرشٍ تلمـه
وأحذر ترى الدنيـا بهـا جمـع وفـراق=لـو عالجتـك اليـوم بـاكـر تسـمـه
وترى الرجل يصبر على كسـرة السـاق=وما ظنتـي يصبـر علـى عقـة أمـه
وصلوا على خيـر البشـر عـد بـراق=وأعـداد مـا حـرٍ رقـى رأس قـمـه

وسلامتكم

أبو فهد

صالح المزيني

**سعود المسعودي** · 03/04/10, (01:15 AM)

صالح المزيني

صح الله لسانك وتعلا شانك

وتسلم و الام مهما نكتب عنها ابد ما نوفيها حقها

**بدرفهد الجعفري** · 03/04/10, (02:18 AM)

الله يجزاك خير ويحفظ لك امك ان شاء الله

ويرزقك فضل برها وخدمتها

قصيده صادقه وجميله صح لسانك

**سعد النفج** · 03/04/10, (02:58 PM)

صالح المزيني ..
الله يخلي لك الوالده و يطوّل بعمرها و يعينك على البر بها ..
و صح لسآنك ..
ابدعت يا ابو فهد بالنص ..
مبدع بجميع أغراض الشعر ..
دمت بخير و دام تواصلك ..

**سالم صالح** · 03/04/10, (05:27 PM)

صالح المزيني

ابدعت وتستاهل الام اكثر من ذلك وصح السانك مليار

مبدع بكل مجالاتك تقبل ودي

**سالم العنزي** · 04/04/10, (01:59 PM)

الام تستاهل اكثر واكثر

صح لسانك

**عاشق المعالي** · 04/04/10, (07:43 PM)

جزالله والدينا كل الخير عنا

شكرا لك وصح لسانك