كـــــــــــفـــــوف الزمـــــــــــــــن (للشاعر محمد مسلم الخمعلي)

[نافع عيد الجديد]

كم لي وانا اداريك وانت تمادين = واليوم جرحي مايتحمل سكاتي
ماستاهل اللي يالحبيبه تسوين= يعني جزء خلاصي تعاسة حياتي
كلٍ يهون وسوي اللي تحبين=باسم الهواء ماابدي لك ملاحظتي
الا على كرامتي ماتمونين=على كذا تبدا معك سيئاتي
غفيت حضن الخيانه وهالحين= صحتني كفوف الزمن من سباتي
ماكنت حاسب للخيانه ومن مين=خيانتي للاسف من فتاتي
دلة وعودك بايته لا تصبين=ياما شربت اوعودك الفايتاتي
ان جيت ابوح يثور صمتي براكين =حتى اعتذارك مايليم شتاتي
ماقلت لنفسي قبل اسافر على وين=ماكنت ضايع يوم كنتي جهاتي
واليوم ضعت ولا بقى لي عناوين=في سكتك راحت عبث تضحياتي
بالله بعد اللي حصل وش تقولين=مادام حطمتي جميع امنياتي
مادام تعطين مع الورد سكين=وشوله ارهن دون حبك مماتي
تدرين ابا ارحل في جروحي وتكفين= انسى بوقتك مرحلة ذكرياتي
احاول اجبر خاطري والله يعين=وضفي على باقي جروحي عباتي
والله لو انت عواصف تهبين =لخلي طويق يحسدني ثباتي
وقول لجروحي مع الوقت تبرين=لكن رجوعي ثامن المعجزاتي

[غموض الشمال]

أخوي نافع
كل الشكر لك على اختيارك الرائع
سلمت أناملك..وصح لسانك ولسان شاعرها

تقديري لك

[محمد الراجح]

صح لسان شاعر القصيدة

طال عمرك اخوي

نافــع عيــد الجــديـد

والله يعطيك العافية على هذا الأختيار الموفق

تحياتي لك .














محمد الراجح ,,

[سعود المسعودي]

صح لسانك يابو عيد وصح لسان شاعرها\\ محمد الخمعلى \\




اختيار اكثر من رائع

[نافع عيد الجديد]

المشاركة الأصلية كتبت بواسطة غموض الشمال

أخوي نافع
كل الشكر لك على اختيارك الرائع
سلمت أناملك..وصح لسانك ولسان شاعرها

تقديري لك

شاكر ومقدر مرورك العطر والجميل
لاعدمناك

[حمد الخمعلي]

الشاعر محمد شاعر مهما قلنا عنه لانوفيه حقه

الاخ نافع

الف شكر لك على النقل المميز

كُن بخير

[سليمان الجعفري]

الاخ العزيز/ نافع بن عيد الجديد

صح لسانك وصح لسان الشاعر/ محمد الخمعلى

دائماً وانت راااائع في الاختيار الله يعطيك الف عافيه

لك مني اجمل التحايا والاحترام