من متنبي عنـزهـ ..الي معيد أمجاد عنزه

[فهد الغبين]

هذه الابيات

مهداه لـ معيد مجد عنزه




ابو فهد ..لعنبوا من لايشوش راسه لاشاف فعل إبن عمه


الهداء

الى العز / هزاع ابو الروس


على موقفة المشرف في مشاركته بــ إسم قبيلة عنزه في مزاين أم رقيبه

وبمناسبة حصولة على المركز السابع رغم أنه أول مشاركه له

فلتفخر بمثله عنزه

يقول الشاعر اللي غير ..غيره=عسى للنار ..من لا فيه غيره
يشوش الراس لاشفت ابن عمي=بدا في فعل طيب ٍ ..دون غيره
وانادي للقصيد ..وللمعاني=وهاجوس المعالي ..مستطيره
على فعل الفخر واهل المفاخر=شهيق الهم ..يشفي به زفيره
واصوغه صوغ من صاغ القلايد=قلايد ..عز ..ل ااهل العز..نيره
وانادي للقصيد ..يهد طيره=وطيره ..دوم صيداته ضفيره
ولامن زم طير الشعر صدره=لقى تبرير..ما سبب مطيره
لمح له برق ..سامي في سموه=وسموه ..من سمو اللي ..يديره
سلام الله يا ابو الروس واسلم=ياراس القوم ..في وقت العسيره
رفعت الراس ياراس المعالي=يوم ٍ الغير ..حول عن بعيره
سلام .مايجي ..ل اياة واحد=وجالك ..من سماء المجد ..وقديره
سلام ..هل هتانه ..وغنى= على لحن الفخر ..وامطر..غزيره
قوافي ديم هتان ..تهامل=روته .. عروق ..ويلان الجزيره
تحدر ..ثم سيل كل وادي=الين ابتلت كبود ...كثيره
ولامس فرحت ..الويلان ..واشعل=عليك القاف ..والوقاف غيره
حفيد اللي له التاريخ سجل=فخر ماسجله ..من طق زيره
حفيد الشيخ نايف ..وابن ابويه=واحب الطيب وامشي مع مسيره
يا/هزاع المعاني لو تعاني=جروح الوقت ..بك أمست سريره
بعد طول الصقيع ..و صلف برده=لفت نارك على همومه سعيره
تكفلت بهموم الوايليه=وجتك الدنيا من تحتك ..صغيره
ودست المال في رجليك لنك=عسيرٍ.. ماتجي يم اليسيره
تفاخر لعنبوا من لا يحبك=وانت الشوف..لعيون ضريره
تفاخر لعنبوا ..من لايجي لك=وانت المجد باطنه وضهيره
ف والله الذي ما غيره أحد ٍ=اجي له ..والتجي له ..واستجيره
ماغيرك ..غيرك..ولافيه غيرك=بذل ماله ..قليله ..مع كثيره
لجل يعيد ذكر المجد الأول=واعدته ..رغم أنف المستذيره
جمعت الطيب ..يابو الطيب كله=وكله جاك ..يامتوج أميره
عليك الساميات من النوايف=يانايف ..كل نايف عن هجيره
وعليك النايفات من القوافي=ياوافي ..ماتوفي ..ما/تنيره
وعليك ..الواقفات ..من النوادر=تدار بدله الفكر ..المديره
غديت النور ..للي تاه دربه=ودليته على الدرب ..ومسيره
ورفعت أسم القبيله ..يوم غيرك=خذاه اسمه ولافكر ..بغيره
لك الله ..ويش اقول وويش اخلى=سفير المجد ..هو غيرك سفيره
عليك الشعر .لو يبني ..مباني=مايوفي ربع مدك ..للكسيره
تجيك جموع ماتعرف بعضها=تجي لك ..لن بيديك الجبيره
ياجابر من كسره الوقت ..مثلك=لو انه فيه مثلك ..بالعشيره
لو إنه فيه ..مثلك ..لو ثلاثه=قسم بالله ..مانقبل ..بريره
ياغير ..كليب يفرح وسط قبره=ويفخر ..بين هالموتى الكثيره
صميدع ..تودع الصعبات سهله=مخضرم تضرم الجرم ..بغريره
عليت ..ولا عليت الا بفعلك=وفعلك ..فعل ماهو فعل ..غيره
تزم الكايده ..ولا اتزمل=جمل للحمل ..وحمولك ..كبيره
جعلت الهم همك عز ربعك=وربعك بك تشوف المجد ديره
فيا /ديرة ..هل ألطولات ..أجمع=من اللي يجمع الطيب ويديره
تجيه الناس تغرف منه طيبه=وطيبه ..بحر ..لاماهو بحيره
سواك الا انت يالحر المعرب=يامشرق مجدنا الغارب ..كثيره
انشهد ..والجموع اليوم تشهد=بان كليب ..سره فعل زيره
تحيزم للصعايب ياجملها=ومثلك ..يحمل الحمل ..بمسيره
يا..هزاع القصايد ..صيد صايد=وطيري ..نادر ..للي يثيره
ولكني ..يا ابو فهد المعرب=ابي تنصت لي بي جمل ..قصيره
قسم بالله ..لو ما أطيب أسمك=جعلك الاخ له ..مانتب عشيره
فمن لم يصنع الأمجاد مثلك=حرام يعيش ..والعيشه ..مريره
ف انت البحر ..لامن زام موجه=وموجك موج مايشبه غديره
ف يامن للمعالي ..تبني صرح ٍ=لك الايام والدنيا ..منيره
ف انت المجد ..والامجاد تتلى=وانت العز ُ ..والسيف وجفيره
عليت بنا الى عالي المعالي=فمثلك ..عالي ٌ ..علا ..العشيره
لك المنقيه ..ولاهي لغيرك=ياغير الناس ..جت لك مستخيره
تعرف إنك .سندها ..ياسندها=وهل به غيرك ..اليا جت مجيره
تعرف إنك عمدها ..ياعمدها=وهل به غيرك ..اليا جت مغيره
جذبها فعلك ..وفكرك ..وطيبك=وجت لك تنثر الورد ..وعبيره
هنا ..الويلان ..ياللي كنت تسال=هنا ..من تحجب الشمس السفيره
هنا الويلان ..ياكل القبايل=بحر جود العطاء ونو ..خيره
هنا الويلان ..لاكبرت كبيره=وجوها ..تصبح من الله صغيره
هنا الويلان ..لو غبنا حضرنا=ولامنا حضرنا ..نصير سيره
هنا الويلان ..ويلان الفعايل=هنا الويلان ..والويلان ..جيره
هنا الويلان ..ماهي بالسوالف=هنا حدب السيوف اللي شطيره
هنا الامجاد من شيد بناها=وباني المجد ..له مجد الجديره
لها مثلك ..ومثلك هو أسدها=ياهزاع الفخر ..جت لك ..مثيره
جذبها فعلك ..وفلت شعرها=عروس الشعر ..لجل تثير غيره
بنات الفكر ..دارن ..واستدارن=ولاشافن سوى الجود ..ونصيره
قصيده حاكها ..متنبي وايل=ووايل ..مجدها ..ماحد ٍ خشيره
قصيده ..حاكها بالدم شاعر=شهل ..للبرق ..وارعد صدر طيره
يا هزاع القوافي ..ما تطولك=ولو هي طايله ..جت لك قصيره
لان الطول ..ياخذ منك ..طوله=وطولك ..طاول نجوم ..منيره
ياهزاع القوافي ..ما تطولك=ولو هي طاولت ناس كثيره
لك العليا ..وسبق الطيب دايم=وهل بك غيرك السباق ..خيره
ياهزاع المعالي من هو غيرك= يسيل الطيب ..طيب من غديره
سواك ..الا انت ياراس المعالي=ياعالي ..كل عالي دون غيره
قوافي ..لو توفي ..ماتوفي=وريث المجد ( هزاع ) ..وسفيره

[مشاري بن فالح]

اولا : الف مبرووووووك

:

:



وثانيا

:
:

صح لسانك مدد

ابيات جميله جدا ويستاهل والله

ولله درك يافهد قصيدك روعه والله

دام نبض قلبك وقلمك
شكرا لك

:

:


:


راعي اكحلا

:

:

[حمد الخمعلي]

الاخ الشااعر فهد الغبين

الشيخ هزاااع يستاااهل كل هذا المدح لانه فعلاً اعااد امجاااد واايل اليهااا من خلال هذه المشااركه0


صح نبضك وسلم راااسك على هذا الابدااع الغير مستغرب0

كُن بخير

[شاعر البيتين]

بيض الله وجهك ..عز الله أنها جزله من راس جزل

المدح لايجيده ألا كبار الشعراء ..

ويستاهل أبا الروس ..

صح لسانك أمد والى الأبد ..

سلمت ودمت ..
.
.
.
.
.
شاعر البيتين ..

[البدر]

بيض الله وجهك وصح لسانك الي ان ترضى

فهد الغبين

شاعر موقف وشاعر جزاله وشاعر جميل بلا حدود

صح لسانك مليون مررره

والشيخ هزاع يستاهل والف مبرووك حصوله على المركز السابع رغم انها اول مشاركه له

[تركي علي الخالدي]

والف والف نعم بالشيخ هزاع ومن حصل شيء يستاهله

وانت يافهد صح لسانك

[بدرفهد الجعفري]

تحيه وارفع العقال تقديرا للشيخ هزاع

بالسابق لايوجد اي عنزي ضمن مزاين ام رقيبه وهو من دخل اول مره جاب المركز السابع

يستاهل هالمدح واكثر

تسلم يافهد