وجد صدام العراقي قبل يوم الاعدام

[معيض بن عريفج]

يالحبيب اللي ماغيرك على روحي يمون = ولاعلى بالي ياغير انت ياعذب الكلام
اشهد اني مغرمٍ بك الى حد الجنون = وكثر خيري كان ماصاربي منك انفصام
شاردن فكري بذكراك مدري وين اكون = داخل(ن) في عالم الوسوسه هي والهيام
قل لحسادك وحسادي انتم وش تبون = ابتعد يارجل عنا وروحي يامدام
مالكم ذمه وامانه ولاانتم تستحون = والنميمه عيب في غيبة الشخص وحرام
واقبلي ياشمعت الكون وعلاج الطعون = عالجي من في محبتك هايم واستهام
انعشيني يانسايم هكا الصبح الفتون = لاتنفس صبح وجهك ورمش العين نام
نام نوم السلهمه من تحت هكا الجفون = وابتسم ليه محياك في احلا ابتسام
واه يالبيه يااليل من فوق المتون = ومهرتن ماحط فيها عنان ولاخطام
فيك من لون الدلع والحيا والزين لون = وبك براءات الطفوله وهيبات الحشام
والوقار اللي على شيوخنااصحاب الدقون = هو عباتن لك وقفاز كفك واللثام
زينة الدنياء هو المال ايضاً والبنون = وانت وحدك مال وابناء عندي بالتمام
والله اني عقب فرقاك عايش ومغبون = مابقاء بميزان صبري من عزومي جرام
من يوصل له كلامي ويعطيه اللحون = من بشر والا من الزاجل طيور الحمام
الهواوي لوتبسم مع اللي يضحكون = راقبه باليل تلقاه صاحي ماينام
ان هدى اليل المداليه وازداد السكون = دوره تلقاه قاظم على راس البهام
ياوجودي كل ماشفت براق المزون = وجد صدام العراقي قبل يوم الاعدام
انفرد بي عن هواء البيض مكحول العيون = ساقني سوق المكلبش تحت ضغط النظام
عشت وضع القاتل اللي مصيره بالسجون = من كثر خوفه من الموت دين واستقام
مرة(ن)يتخيل انه مع اللي يطلقون = ومرة(ن) يتخيل السيف قصاص العظام
اهل الحق حلفوبه واهله يحاولون = وغيرذالك فيه قاصر قبل وقت الفطام
توني مليت من قول هونها تهون = يوم ورى يوم والعام يمضي بعد عام
كيف احرر قلبي من الأسرمهما يكون = من قبل مراسم اهل العزاء فيني تقام
من وليف(ن)شال قلبي وخلاني بدون = ومن فقد قلبه وعقله حقيقه مايلام
ياقبورن ضمة اهل الغرام السابقون = اللهم اجعل قبورهم برد وسلام
انتم اللي سابقونا وحنا اللاحقون = شاءت الأقدار ونصير من قتلى الغرام
ياوجودي كل ماشفت براق المزون = وجد صدام العراقي قبل يوم الاعدام

[نافع الاسود]

يـاوجـودي كــل ماشـفـت بــراق الـمـزون = وجـد صـدام العراقـي قـبـل يــوم الاعــدام
انفرد بي عن هواء البيض مكحول العيون= ساقني سوق المكلبش تحت ضغـط النظـام
عشت وضع القاتل اللي مصيره بالسجون =من كثـر خوفـه مـن المـوت ديـن واستقـام

معيض بن عريفج


صح لسانك ملاين وتسلم يمينك علي هذة الرائعة


قصيدة تحمل كم هائل من شاعرية فذة تشكر عليها يا معيض


لك احترامي


دمت بخير

[تركي صالح]

للشعر طابعه الخاص وللتميز رونقه الفريد

صح لسانك وعلا شانك

على هذا الابداع والتميز

وتقبل خالص التقدير والاحترام

[خلف الغريب]

والله انـي عقـب فرقـاك عـايـش ومغـبـون
مابقاء بميزان صبري من عزومـي جـرام
مـن يوصـل لـه كلامـي ويعطـيـه اللـحـون
من بشـر والا مـن الزاجـل طيـور الحمـام
الـهـواوي لوتبـسـم مــع الـلـي يضـحـكـون
راقـبــه بـالـيـل تـلـقـاه صــاحــي مـايـنــام
ان هــدى الـيـل المدالـيـه وازداد السـكـون
دوره تـلـقـاه قـاظــم عـلــى راس الـبـهــام


الله يعينك يا معيض ..

عز الله قصيدة نابعة من صميم المشاعر وفيها صور جمالية رائعة زيادة على وصف حقيقي للمشاعر التي تختلج داخل صدر لامحب ..

حقيقة صباح جميل مع هذه المعزوفة الجميلة فشكرا لك يا معيض ..

تحياتي وودي.

[حمد الخمعلي]

الاخ معيض العريفج0

هذا الشعر الذي نبحث عنه وهذي الشاعريه المختبئه تحت ظل الحداثه التي افقدتنا كثير من الشعر الشعبي0

((((((((((لاتعليق))))))))))

ابداع وبحر يهيض وشاااعر جزل وكثاااافه في الشعر0

دمت اخي معيض0

ولا تحرمنا من جديدك يالغااالي


تقديري

[سعد النفج]

معيض عريفج
صح لسانك ..
نص يستحق القراءه ..
استمتعت كثيرا بقراءته ..
شاعر مميز يا معيض ..
لك التقدير ..

[البدر]

ما اجمل الشعر حين ياتي صادقا جزلا مكتمل الاركان

وهكذا انت دائما يامعيض

صح لسانك واعانك ربي