..(** وجهة نظــر**)..

[فاطمه الجعفري]

إهداء لمن يهمه امري

اكتب الابيات من حزن وسهر = واسكب الدمعه على الوجه الحزين
اذكرك غايب واموت من القهر = خايفه تسمع كلام الحاسدين
مايهم الناس لو تسمع خبر = والله لايجزا العدو دنيا ودين
انت يالغالي بقلبي والنظر = لك قدر يشبه لقدر الوالدين
لو تبي ادفع لك عيوني مهر = انت لجل رضاك ياقلبي بـ لين
ايه احبك والبلا هذا قدر = والقدر بيدين رب العالمين
آه لو جربت وش يعني الصبر = كان تضرب باليسار وباليمين
الخطا احيان مايلقى عذر = واكثر الاحيان تمحاه السنين
اتركك جايز! يجيب الله مطر = الأكيد اموت بك والله يعين
حظي اللي كل ماقلت استقر = مال واستعصى وانا حيلي متين
حظي اللي فيك ميأوس وغبر = وشف كثر ماهواك لو الحظ شين
وضعي اللي كل ماقلت بخطر = اطلب الرحمه ولايمكن يزين
ياحبيبي ماعلى قلبك أمر = التفت لي شوي واترك جيم سين
لايغرك جعل من يحكي بسقر = خل اذن ٍ طين واذن ٍ من عجين
فدوتك من غاب بالعين وحضر = وانت لك قلبي وشوقي والحنين
خذ كلامي صدق مو وجهة نظر = اعشقك في كل وقت وكل حين

بقلم ، فاطمـه الجعفري

[هبوب العنزي]

حظـي اللـي كــل ماقـلـت استـقـر
مال واستعصـى وانـا حيلـي متيـن
حظـي اللـي فـيـك مـيـأوس وغـبـر
وشف كثر ماهواك لـو الحـظ شيـن
وضعـي اللـي كــل ماقـلـت بخـطـر
اطـلـب الـرحـمـه ولايـمـكـن يـزيــن

صح منطوقك ترليووووون مبدعه اختي الشاعره القديره فاطمه الجعفري,, بإنتظار المزيد من روائعك فلا تبخلي علينا,,

[نافع عيد الجديد]

قصيده في غاية الروعه والجمال وكل بيت منها يعادل قصيده ولايستغرب منك الشعر لجميل

اختي الكريمه اشكرك واتمنى لك التوفيق

[مشاري البواريد]

ياحبـيـبـي مـاعـلــى قـلـبــك أمــــر
التفت لي شوي واترك جيـم سيـن
لايغـرك جعـل مــن يحـكـي بسـقـر
خل اذن ٍ طيـن واذن ٍ مـن عجيـن

إختي الكريمة/ فاطمة الجعفري

بإختصـار أنتي شاعرة من النادر وجودك .. أبيات رائعـة تستحق الكثير من الهتاف والتصفيـق ..

صـح لسـانك وسلمت يمينك ولا هنتي ،

دمتي تعانقين السحـاب

[أبو غرام]

الله الله الله
صح لسانك حتى ترضى اخت فاطمه

شعر وروعه في الحبكه الشعريه

لكي مني فائق الود والتقدير على جميل

ابداعاتك الشعريه

اخوك

ابو غرام

[تركي صالح]

قصيدةً رائعه

من شاعرةً مميزه

فاطمه الجعفري

سلمتي ودمتي

على هذا التألق

[خــالد العــزاب]

الشاعرة الرائعه

فاطمه الجعفري

نص امزوني التكوين

قيل من قديم ليس هناك اصدق احساس من شعر المرأه والعبد .!!


والدليل " ماقرأت من احساسً هنا"


البحر السامري المبتكر ،

من اجمل البحور ان اجاد الشاعر صياغة الشعر ،

وهنا شعراً.!

الألفاظ جميله سهولة التراكيب اروع

قصيدة تستحق الثناء


ورفع القبعه

صدقيني يافاطمه

اننا نفرح لما نشوف وحده قريبه بها الابداع

بالتوفيق وانا متابع لك حتى التسيد في متحف الشعر النسائي .!