...((بينك وبيني))...مصافحه اولى - °~*¤®§(§ شبـــكة ويــلان العـربـيـه §)§®¤*~ˆ°

**محمدعوادالعنزي** · 13/09/05, (06:25 PM)

اسعدالله اوقاتكم بكل خير وفرح...

مساكم الله باالخير جميعاٍ 000 لي الشرف ان اكون بين عمومتي واليكم المصافحه الاولى وانشالله احيز على رضائكم

فرق السما والقاع بينك وبيني= انا بدوي يابنت وانتي حظريــه
السلم عكس السلم يابنت فينـي= انا اعتبر يابنت مثلك خطيـــه
الحظ جابك لي غلط صدقينــــي= يالعنبو من حظ جابك عليـــــه
ان جيت اعبر قلتي ماتفهمينـي= وان جيت اسولف قلتي لهجه بدويه
انا كذا يابنت كانك تبينـــي=مابدل اللهجات باالفارسيـــــه
اقري وش اخر اسم لي تعرفينـي= ماهومجرد اسم وسط الهويــــــه
انا عنزي لي كلمتي تحتوينــي= علمني احفظ عزوتي الوايليـــــه
وش الغرام بنظرتج جاوبينـــي= قصه شنب والبنت بنت اجنبيـــــه
والحين ارددصدق ماتعجبينـــي=ولا يجيني شيء منك عطيـــــــــه
انا عذابي مخصيات اليدينـــي= و سود العيون الناعسات الغشيـــه
الحين شفتي الفرق بينك وبيني=خلاص روحي وافهمي ياحظريــــــــه

ودمتم بخير0000000

اخوكم// محمدعواد العنزي

**مزيد المزيد** · 13/09/05, (06:59 PM)

اقري وش اخر اسم لي تعرفينـي
ماهومجرد اسـم وسـط الهويـه
انا عنزي لـي كلمتـي تحتوينـي
علمني احفـظ عزوتـي الوايليـه

لي الشرف ان اكون اول الحاجزين على متن الابداع بالرحله المتجه نحو قلبك

قصيده رائعه ومصافحه اولى تجبرنا على متابعة محمد عواد اينما ذهب

هلابك مليون بيننا وابرك الساعات انضمامك لنا وفخورين بك

صح لساااااااااااااانك مليوووووووووووووووووووون

دمت بخير

**عرماس** · 13/09/05, (07:04 PM)

صح لسانك محمد عواد

بانتظار المزيد

رااائعه هالقصيدة

**بندر المطرفي** · 14/09/05, (12:19 AM)

محمد العواد

صح لسانك

قلت فابدعت

دمت سالما

**تركي صالح** · 14/09/05, (01:12 PM)

محمد عواد

أهلاً وسهلاً فيك بين أبناء عمومتك

والف نعم والله يالغالي فيك

على هذه الرائعه

وصح لسانك مليون

وتقبل فائق التقدير والاحترام

**عبدالله ثويني المانع** · 14/09/05, (01:57 PM)

محمد عواد حياك الله في ويلان فوجود المبدعين امثالك شرف لنا

صح لسانك ولا هنت

موضوع القصيده جميل جدا عالجته باسلوب محكم وجميل

في البيت التالي اعتقد ولست جازما هناك خطأ مطبعي

انـا عذابـي مخصيـات اليدينـي
و سود العيون الناعسات الغشيـه

أتوقع المقصود مخضبات ,

بانتظار جديدك أيها المبدع

لك خالص الود
دمت بخير

**محمدعوادالعنزي** · 17/09/05, (05:18 AM)

اخي الكريم// مزيد المزيد

اسعدالله اوقاتك بكل خير...

وصح بدنك وبيض الله وجهك...

ودمت بخير...

اخوك//محمدعوادالعنزي