بادياً بمكوّن الحَـب فـي رؤس اسبلـه
مبصر السوداء على الحيد الاسود بالظلام
الكريم معيـد للقـاع مـن بعـد امحلـه
العظيـم المعتلـي والمهيمـن والسـلام
جل خلاقٍ نهـاره عـن الليـل اعزلـه
جل من سيّر جميع الكواكب فـي نظـام
الله اللي موجد الخلـق والـرزق اكفلـه
نامت عيون الخلائـق وعينـه ماتنـام
والله ان الشعر وقته الياحضـروا هلـه
والرجال اهـل المـروة اتميّـز بالكـلام
قال منهو يشـرح البـال قافـه لافتلـه
يعطي الشعر احترامـه وجـل الاهتمـام
متعبٍ في درب الامجـاد رجلـه وجملـه
مرتفع عن كل واطـي يدينـه بالسنـام
راكب اللي تطوي البعـد دورات اعجلـه
المسافـه ماتضيمـه لاوجّـه واستقـام
أبيضٍ فكسار ربلـه تقـل رؤس ازولـه
منوة اللي كل من له مع البيـداء مـرام
مركبه هو مركبـه بجهـده والاّ امهلـه
غاية اللي لـه رصيـده ولاعنـده دوام
يطرد من الرأس همه وعمسه وأكسلـه
هـو خـويٍ عادتـه لايلـوم ولايــلام
ينتهض عن عثعث الأرض لاحط ادبلـه
لاتنهّض وأنتهض شيخ قـومٍ لـه مقـام
شيخ قومٍ محتدي واصـلاً حـد ازعلـه
جاه فـزاع البـلا قـوم قفـوا بالجهـام
كنه اللي ساد قومـه بعصـره وأجهلـه
آخذاً حق القبيلـه وحقـه مـا ايضـام
انت يالفكسار هذا الزمـان انـت ابطلـه
لو امزاين للمواتـر تفـوز بكـل عـام
أمتساون عندك البـر طعسـه واجبلـه
والفخامـه مـن مقفـاك لاحـد الزمـام
فوقك ادهل موقعٍ صادق الغيـث ادهلـه
فيه لاهل القنص متعه وبسطه وأنسجـام
موقعٍ راع الدبـش ماوطـاه ولا انزلـه
مايجيه الا أجمل الصيد وأسراب الحمـام
آصله يوم الردي مات حضه ما اوصلـه
في شواميخٍ تمزع مـن اعلاهـا الغمـام
أشهد ان البـر شمـة نسيمـه وأنفلـه
عندي أفضل من قصوراً تزيّن بالرخـام
وطاب مسعى كل عبدٍ لـه بربـه صلـه
مامشى درب الرداء ولامشى درب الحرام
عياده العلي
مرحبااااااااااا بعودتك ونامل ان تستمر معنا
وما اجمل العوده التي حملت لنا قصيدة لاتُمل
والله ان الشعر وقته الياحضـروا هلـه
والرجال اهـل المـروة اتميّـز بالكـلام
صدقت ايها الرائع.. للشعر منابره في نظر اصحاب الذائقه والانصاف
وأنت احد الذين لهم بصماتهم المتميّزه في ساحة الشعر...
قصيدة
سمعتها مئات المرات ولكنها مع كل حضور تتجدد روحها الراقيه
قصيدة شامله فيها
وقفات ايمانيه
وأعتزاز
ووصف وما اجمل جمال الطبيعه ومااروع الخوي الذي لايلوم ولايلام
اكتمل جمال الرحلة ومتعتها...
ابدعت ابدعت
أشهد ان البـر شمـة نسيمـه وأنفلـه
عندي أفضل من قصوراً تزيّن بالرخـام
وطاب مسعى كل عبدٍ لـه بربـه صلـه
مامشى درب الرداء ولامشى درب الحرام
واخيرا
طاب مسعى كل عبدٍ له بربه صله.. مامشى درب الرداء ولامشى درب الحرام...
هنا منطلق الابداع رغم ان هذا البيت أتى ختام.....
صح لساااااااااااااانك عياده
ولاعدمنا تواصلك المشــرّف...
تقديري واحترامي