السلام عليكم ورحمة الله وبركاتة
أبدى بذكر الخالق الباري واعود للجزيل=طبيعتي أرقى علو النايفة فعل وقول
وان ثرت أعرف أنثر السحبة وانشر الغسيل=ما أنثني دون الغلط أو أقبل انصاف الحلول
قصة غرام بين بين تيس وعنزته والليل ليل=قصة فجور وانتهاك وفسق واغراء وحصول
قصة غزت فكر البراعم وارخصت عين القتيل=عاشت قلوب العاشقين دون تفهمها العقول
قصة عدوا الدين يحيى في صياعه في السبيل=و في رواية في ضياعه بين سره والرجول
ذاعوا الرذيلة والفتن وعدوا حدود المستحيل=بالغنج واشكال الحلا والجيد والطرف الخجول
وذاعوا المعاصي وجاهروا هل يا ترى هالشي قليل=فعل البهايم والبهايم تستحي من هالفعول
واللي تساوم عرضها في نزغة الشر الدخيل=والمشكلة حنا وراها ننجرف عشق وذهول
والفين منها لو توازنها على الكف الأصيل=لا ما توازن الهنوف التي تربت على الأصول
لبس العباة ولفة الشيلة على الطبع الثقيل=ولميس ربتها المراقص وشربت أنواع الكحول
والله يخلي عيادة التجميل ومن هذا القبيل=لو تلبس العنز البراقع ما سرى فيني الفضول
نركض ورا نور ومهند حزة الليل الطويل=ونترك تعاليم الشريعة ونور أصحاب الرسول
وندعي على سعي اليهود بأرض غزة والخليل=وعيوننا متبحلقة في غيهم عرض وطول
14وميتين ألف لأنقره من ربعنا شدوا الرحيل=يمكن سياسة للسياحة أو سياحة للميول
معادلة صعبة عليكم حلها قبل العويل=أشره على اعلامنا في حلها قبل الوصول
هذي قصيدة جبتها لك علها تشفي الغليل=واختم كلامي بالتحية والصلاة على الرسول
وسلامتكم
11/09/08, (06:27 AM)
للمصداقية منقول(يحيى !! و!! لميس !!)
العرض العادي
