بسم الله الرحمن الرحيم
اخواني اعضاء منتدى الويلان
السلام عليكم ورحمة الله وبركاته
اولا اعتذر عن غيابي وعدم مشاركتي معكم لكن المشاغل ابعدتني عن النت كلياً
وهذه اول مصافحه في هذا المنتدى الشــامخ
ويشرفني انا ابدأها بمرثيه لخادم الحرمين الشريفين الملك فهد بن عبدالعزيز طيب الله ثراه
عزاه ياجفنٍ مـن الحـزن مابـات = عينه تساهـر والخلايـق ينامـون
وبديت باسم الله في سـرد الابيـات = هجوس شاعر يبدع القـاف بفنـون
سمعتهم قالوا تـرى فهدنـا مـات = وتراه باكر في ثرى العـود مدفـون
عقب الفهد ماعـاد للعيـش لـذات = فرقى ابوفيصل على النفس ماتهون
مالوم نفسي يـوم هليـت عبـرات = يوم الخلايق فـي مماتـه يعـزون
هذا الفهد رمـز الفخـر والمـروات = نسل الملوك اللي على الطيب يربون
رمز الشجاعه والشرف والبطـولات = فيه الكرم والطيب والجود مبخـون
عون الفقير امسانده بالشديـدات = منهو نكر فضله بهالكون ملعون
من حد عرعر لين جـده وسيهـات = لاقصى الجنوب وعابر الدرب مأمون
مياه البحر وشلون صارت محـلات = ترجـم كتـاب الله للكـل يـقـرون
انشد هل النكبات واهل الاغاثـات = كم طايره طارت تجيب إلهم العون
شف الحرم وشلون فيـه المنـارات = والتوسعه برهـان للـي يشكـون
بنى صروح العلم شـاد العمـارات = ماهمته كلفـات واصفـار مليـون
ويوم الردي حايـم علينـا بغـارات = خلاه مع جيشه من الـذل يسقـون
طيب الفهد ماينحصي داخـل ابيـات = ومن حاولوا فعله على الطيب يبطون
هيهات ننسى الفهد هيهات هيهـات = وشلون ننسى خادم البيت وشلون؟؟
خل التساؤل خذها منـي الاجابـات = ماهي غريبه ان شفت شيبان يبكون
شف الطفل شفهم شبـاب وبنيـات = يومه توفى الكل ضايـق ومحـزون
استغفـر الله اظنهـا مستحـيـلات = موت الفهد واسلام هالكلب شـارون
لكـن ارادة ربـي فــوق الارادات = سبحانه اللـي عالـمٍ كـل مكنـون
يالله ياخالـق بـديـع السـمـوات = يارب موسى ياللي انجيت ذا النـون
ترحم فهدنا تسكنـه اليـوم جنـات = وتحاسبه باليسـر يـارب بالهـون
ويبقى الفهد بقلوبنا حي مامات = اسمه ملى التاريخ والمجد والكون
اقولها وان كان بالحلـق غصـات = مرحوم ياللي في ثرى العود مدفون
مير العوض باللي يدينـه كريمـات = عبدالله اللي عنده الحـق مصيـون
نبايعـك مافيـه شـك ومـراءات = نبايعك للمـوت والعمـر عربـون
واخوان نـوره حايزيـن الجميـلات = تفخر بهم وايل من عصور وسنـون
وعلى النبي صلوا بوافي الصلـوات = عـداد مايحـج العبـاد ويصلـون
واعذروني على القصور ياجماعه
دمتم بــود
اخوكـــم/ شـــامخ
21/08/05, (06:49 AM)
طيب الفهد ماينحصي داخـل ابيـات (مصافحتي الاولى)
العرض العادي
