من خلال تصفحي لمجلة <اليقظة> الكويتية في عددها هذا الاسبوع والمعروفة بتميزها الشعري
نال اعجابي في صفحة<للروح غذاء> قصيدة بعنوان .....لعيون بلقيس ...فيها الكثير من الجمال الشعري
كيف ولا وان شاعرها الشاعر الكبير/دحيم النومسي..واليكم ماقاله عنه معد ومشرف المنتدى الشعبي
شبيب غزاي المطيري:
..المبدع والشاعر الاعلامي المخضرم دحيم النومسي..احد اعمدة الشعر والاعلام المبدعين الذين لحضورهم
وشعره متميز يجعلنا دائمآ في فرح وسرور..بأن لدينا هذا الكم الهائل من الجمال والابداع والادب الراقي المتميز
الكبير في توهجه وتميزه لنتميز معه نحن ايضآ..ونكون الاكثر قربآ للناس وللرائعين..ودحيم في هذا النص المفعم
بالجودة يربك مسامعنا وعيونناوقلوبناوأيدينا لنقف ونصفق للابداع بكل فخر
تو الهوى هبت عليه النسانيس=واقفت عن القلب الجبان الجبانة
وغنت بيوت الشعر لعيون بلقيس=ومن بين قلب وقلب صارت ميانة
تولمي يام العيون النواعيس=هذا مكان الحب هذا زمانه
منتي مثل ليلى ولاني مثل قيس=إلا بحال وحال ماهي خيانة
طنيت لك بالحب طنية سناعيس=وسطيت لك سطوةشجاع الكنانة
وارهيت لك من وافر البوح والكيس=ورفعت لك صوت الغلاعن طمانة
وأسست لك من منبع الحب تأسيس=ومن القصيد اروع روايع بيانه
والغيت مايكبح جموح الاحاسيس=وعزلت تفكير الزعل عن لسانه
ياوافيةماهوب خلف الكواليس=ولاهو على شان الخفوق وحنانه
لايبعدك عني ضجيج الهواجيس=هذا الصحيح اللي ضمانه ضمانه
شوفي عذابك واختلاف التضاريس=وعيال جرح البعد مدري خوانه
اللي لحبك ماسكين المتاريس=واهتز حلمه قبل هزة كيانة
وان كان رحتي ويش عذر الكوابيس=والخوف من نكسة طريق اللعانة
والله مااجامل فيك طيب ولاهيس=ماعادفيها كل واحد وشانه
موضوعي انت في جميع المراميس=واللي يعاندني بيخسر رهانه
ياغايتي بمواصفات ومقاييس=الموت اخير من القهر والاهانة
بالعاصمة والاسكنا باريس=انت معي بالغصب ماهي ميانة
قولي لهم لايتعبون الهواجيس=للطيب طيب وللعانة لعانة
...................الشاعر الكبير/دحيم النومسي
06/07/08, (02:56 AM)
لعيون بلقيس
العرض العادي
