عــبـــدالله عــايـــد ,,, يــقــول طــنــش !!

[مزيد المزيد]

اسعد الله اوقاتكم بكل خير

هناك من يعشق (( اللوم )) ويحرض على (( التطنيش ))

وعبدالله عايد أحدهم

عبدالله عايد يلوم القلب باحبابي=يقول طنش وراس المال بنوته
مايدري ان الغلا سواني ارهابي=والقلب يمشي على كيفه بريموته
ولايدري ان السهر وسم لي اهدابي=من طول ليل العنا والعين مكبوته
ومايدري اني إلا طولت بغيابي=يرسل عتابه علي بنظرة سكوته
وان قمت اسولف وابرر له عن اسبابي=يمش دمعة عيونه في طرف كوته
وهذا هو اكبر دليل ان الزعل ذابي=لاطاح دمعه .. وشفت الموت من موته
اضم يده وابرهن له عن اعجابي=يا لولو البحر يا مرجان .. ياقوته
اتبع هوى خاطرك واجيك منسابي=مثل انسياب الشبح لازمّ كبوته
وليابتسم لي اضيع وتثقل ثيابي=اذوب مع ضحكته وادوخ في صوته
لله در الدلع لاصب باعصابي=واستنشقتها عروق القلب مبهوته

.
.
.
.
.
.
.
.
.

وان قال لون الغروب احمر بعنابي=اقول لون الشروق احلى من وقوته
لاشع نورك .. ظلام الليل يرتابي=ماكنه الا شفاتك وانت من توته

.
.
.
.
.
.
.
.
.

يعني كذا باختصار القلب منصابي =واللوم يزرع قنابل جرح موقوته
لكن تجمل يابوعايد عن عتابي=وناظر هنا صورته بالصدر منحوته
واشوار مثلك باسكر دونها بابي=وفر كلامك .. وكل ٍ مونته قوته
ولا انت ابن عمي ومن خيرة اصحابي=ماودي ازعلك من شان كتكوته
ومادمت انا حي مايبكي من غيابي=وان مت تكفون حطوني بتابوته

[ماجد الغانم]

الأخ العزيز

والشاعر القدير

مزيد المزيد .....

لحضورك هيبه تشبه هيبة( الشبح )

صح لسااانك ..ولاهنت على هذا الأبدااع الراائع
والقصيدة التي جذبتني من اول بيت وكأنها هي الكتكوته التي تتحدث عنها بجمالها
لله درك ...

ابو رااكان الظاهر مافيك حيله واتعبت عبدالله معك ..ابو عايد الرجاال قلبه خضر لا تلومه
....
.
.لكن تجمل يابوعايـد عـن عتابـي
وناظر هنا صورته بالصدر منحوتـه
واشوار مثلك باسكـر دونهـا بابـي
وفر كلامك .. وكل ٍ مونتـه قوتـه
ولا انت ابن عمي ومن خيرة اصحابي
ماودي ازعلك مـن شـان كتكوتـه
ومادمت انا حي مايبكي من غيابـي
وان مت تكفـون حطونـي بتابوتـه
....
.
.
الظاهر بعد ما عقب هذي شيء الله يستر ما يلحقني الطق ياعبدالله

لكن ما أقول الا الله يعطيك العافبية يابو عايد على استفزازك لابو راكان لنستخرج منه هذه القصيدة المتميزه
صورةً واسلوباً

دمتم بكل خيرجميعاً

ودمتم على الصفاء والمحبه

تقبلوا تحياااتي

تثـــــــــــــــبـــت

[تركي صالح]

ولا انت ابن عمي ومن خيرة اصحابي
--------------- ماودي ازعلك مـن شـان كتكوتـه


رائعه من روائع ابو راكان

جمعت بينه وبين عبدالله عايد الله يذكره بألف خير

فيها من المحبه والغلا والصداقه الخالصه

ممايجعلنا نقدم لها خالص الاعجاب

سلمت ودمت على هذا الابداع

وتقبل فائق التقدير والمحبه

[صالح الجطيلي]

مزيد المــزيد

صح لسانك فصيده رائعه

وجعلك سالم

[عمر الأسمر البنتان]

مزيد المزيد

صح لسانك

حضور مميز يابن مزيد
,,
ونص رائع من شاعر مبدع

_____________

لكن تجمـل يابوعايـد عـن عتابـي
وناظر هنا صورته بالصدر منحوتـه

معذور أجل دامها منحوتة

مرة ثانية صح لسانك ولاتحرمنا جديدك

تقبل مروري

[سالم صالح]

المبدع بكل شي

مزيد المزيد

الظاهر انك جازم على رايك يابوراكان ماتلام يالبناخي كتكوته

وبعدين شكل ابوعايد ماشافه علشان كذا يلومك ويوصيك


لله درك دائما مميز وحتى من تعشقها مميزة لذلك ياتي ماتكتب مميز


تسلم على هالرائعة

[مزيد المزيد]

الاخ الغالي / ماجد


هلابك والف شكر على كل كلمه قلتها بحقي واتمنى ان اكون عند حسن ظنك دائما وشهادتك وسام على صدري

واطرائك محل التقدير والاحترام وشكرا لقلبك النقي ولقلمك الرائع

صح بدنك ولاهنت

دمت بخير