عـشـقـي وجـرحـي !!

[بندر البجيدي]

بدون مقدمات
/
/
/
كما هي

ياقلب خلك مصطدم بالغرابيل=توّك على زين الحياة وسعدها
وياعين هلّي دمعك بتالي الليل=ترى دموع العشق ماحدٍ نقدها
عشقي وجرحي واكتئاب وولاويل=هموم أضفت فوق حالي نكدها
وزودٍ على هم النكاده بهاذيل=وادهى وامرّ منها وامرّ وادهى
البال ضايق ياعساها تساهيل=والحال عيّت تلتئم مع جسدها
حسبي على من غيرتني عن الجيل=الروح ذابت لين ربي قردها
أرقى على راس الجبل واقعد آخيل=عساه تاتي وتلتزم في وعدها
لنّه كما غيمه مطرها هماليل=اللي سنا برقه يسابق رعدها
وان ماجتن واقبل علي ظلمة الليل=اقول يمكن حظه اللي جحدها
ماقدر اقول انه علي تقسي بحيل=لنّه هوى روحي وهيّ رغدها
ابعد علي من الثريا مع سهيل=واقرب لي من قلب المره لا ولدها
اشفق عليها شفقة البدو للسيل=تبغى الربيع بس ماهوب يدها
ديارها ماتت من القحْط والويل=وراحت مطاياها وزادت ضهدها
وانا علي اكتب واجاذب مواويل=واسهر ل طيف الغاليه هي وحدها
رغم اني من صلب الرجال الحلاحيل=ارداهم اللي للطويله صعدها
إلا انّي شخصٍ مانفع فيه تحليل=حُمّى المحبة ضمّها ،، ماطردها
لاتنتقد ياراعي القال والقيل=عيش الحكايه قبل ماتنتقدها
ول طاري هروج العشق ماني امطيل=خذ الحقيقه ياولد واعتمدها
دامي بذرت الحب وهذي محاصيل=الله يعين الروح ويّا جسدها

/
/
اخوكم الصغير
بندر نغيمش البجيدي

[خلف الغريب]

بندر البجيدي...

رائع ومبدع لا هنت ..

الف صح لسانك ..

لاتنتقـد ياراعـي القـال والقيـل
...........................عيـش الحكايـه قبـل ماتنتقدهـا

ذكرتني يا بندر ببيت المتنبي الشهير :

لا تعذل المشتاق في اشواقه
...............................حتى يكون حشاك في احشائه



تحياتي لك بندر..

[سالم صالح]

الشاعر المبدع


بندر البجيدي


صح السانك قصيدة رائعة والمحبة وانا اخوك مابها مناقيد الي قبلنا قالوها


دمت بكل خير وصحة

[عادل العايش]

المشاركة الأصلية كتبت بواسطة بندر البجيدي

بدون مقدمات
/
/
/
كما هي

ياقلب خلك مصطدم بالغرابيل=توّك على زين الحياة وسعدها
وياعين هلّي دمعك بتالي الليل=ترى دموع العشق ماحدٍ نقدها
عشقي وجرحي واكتئاب وولاويل=هموم أضفت فوق حالي نكدها
وزودٍ على هم النكاده بهاذيل=وادهى وامرّ منها وامرّ وادهى
البال ضايق ياعساها تساهيل=والحال عيّت تلتئم مع جسدها
حسبي على من غيرتني عن الجيل=الروح ذابت لين ربي قردها
أرقى على راس الجبل واقعد آخيل=عساه تاتي وتلتزم في وعدها
لنّه كما غيمه مطرها هماليل=اللي سنا برقه يسابق رعدها
وان ماجتن واقبل علي ظلمة الليل=اقول يمكن حظه اللي جحدها
ماقدر اقول انه علي تقسي بحيل=لنّه هوى روحي وهيّ رغدها
ابعد علي من الثريا مع سهيل=واقرب لي من قلب المره لا ولدها
اشفق عليها شفقة البدو للسيل=تبغى الربيع بس ماهوب يدها
ديارها ماتت من القحْط والويل=وراحت مطاياها وزادت ضهدها
وانا علي اكتب واجاذب مواويل=واسهر ل طيف الغاليه هي وحدها
رغم اني من صلب الرجال الحلاحيل=ارداهم اللي للطويله صعدها
إلا انّي شخصٍ مانفع فيه تحليل=حُمّى المحبة ضمّها ،، ماطردها
لاتنتقد ياراعي القال والقيل=عيش الحكايه قبل ماتنتقدها
ول طاري هروج العشق ماني امطيل=خذ الحقيقه ياولد واعتمدها
دامي بذرت الحب وهذي محاصيل=الله يعين الروح ويّا جسدها

/
/
اخوكم الصغير
بندر نغيمش البجيدي

أخوي بندر البجيدي

صح الله لسانك على هذه القصيده الجميله والرائعه بروعة حظورك

تقبل مروري

[سعود المسعودي]

أخوي بندر البجيدي

صح الله لسانك على هذه القصيده الجميله والرائعه بروعة حظورك
ولاتحرمنا جديدك
ودمت بود وخير وعافية

[تركي صالح]

بندر البجيدي

حظوراً جميل كعادتك

وأبيات رائعه صيغت بأسلوبً جميل

دمت وسلمت

وتقبل فائق التقدير والاحترام

[بنت العبيّه]

بنــدرالبـجــيدي انــت رائـــع تــكــتب بـمصــداقيــه

فـتصــل للــقـلـوب دون عـــناء.



دام تــألــقـك بـــنــدر..