( أمس الضحــــى ) - °~*¤®§(§ شبـــكة ويــلان العـربـيـه §)§®¤*~ˆ°

**ذياب محمد العنزي** · 07/04/08, (06:25 PM)

امس الضحى عديت روس المراقيـب=ودموع عيني من على الخـد تنسـاب
رجـم يهيـض للنفـوس المتاعـيـب=ويسج فيها القلب لو كـان مـا طـاب
وعويت برجوم الخلا عويـت الذيـب=راعي الهوى لو جرب الموت ماتـاب
يا بو محمـد يـا عميـل المواجيـب=ومركى النفوس اللي توطته الاسبـاب
لك وقفه تكفى الفخر من هل الطيب=ونفـس تعلـق ظنهـا فيـك ماخـاب
ما شان حالـي مـن قليـل التجاريـب=وعوق البخت دون الفرج قفـل البـاب
صك الدروب ورك صافي المشاريـب=وشفت الهضايم في حياتـي والاتعـاب
عانيت ليـن الـراس ولـع من الشيـب=واليوم مـن طرد الهـوى خاطـري طـاب
لو بان للملتـاع مـن صفحـه الغيـب=سطرين عاف العشق لو صاحبـه ذاب

وسلامتكم

**محمد المقبل** · 08/04/08, (12:45 AM)

الاخ ذياب بن محمد

صح لسانك وسلم بنانك على هذه القصيده

ونتمنى أن نقرا لك من الجديد

تقبل تحياتي

**خالد المزيد** · 08/04/08, (01:52 AM)

الاخ ذياب محمد
صح لسانك على القصيده
واتمنى لك التوفيق والنجاح

**تركي صالح** · 08/04/08, (08:29 AM)

وعويت برجوم الخلا عويت الذيـب
----------راعي الهوى لو جرب الموت ماتاب

لك وقفه تكفى الفخر من هل الطيـب
-----------ونفس تعلـق ظنهـا فيـك ماخـاب

صك الدروب ورك صافي المشاريب
--------وشفت الهضايم في حياتي والاتعاب

صح لسانك اخوي ذياب

وسلم بنانك

ودمت بكل ود

وتقبل فائق التقدير والاحترام

**سعود المسعودي** · 08/04/08, (09:42 AM)


	الاخ الشاعر ذياب محمد صح لسانك على القصيده واتمنى لك التوفيق والنجاح وتقبل مروري المتواضع ودمت بخير وعافية

**هندي المقبل** · 08/04/08, (03:37 PM)

ذياب محمد العنزي

صح لسانك وشكرا لك على هذه القصيده الجميله

دمت بود

**شيهانه** · 08/04/08, (04:06 PM)

الاخ

ذيــــــــــــــــاب

قصيده رائعه بكل كلمه

اقتباس:

لو بان للملتاع من صفحـه الغيـب
سطرين عاف العشق لو صاحبه ذاب

صح لسانك