تعاااال يا سعوط المجانين ..

[خلف الغريب]

تعال عندي يا سعوط المجانين= الليلة الليلة نبي نشعل القاف
مافيه فزاع ولا لك معاوين= صاير هدف معروض من ضمن الاهداف

اقرب يا سعوط المجانين جابك الله هنا ...

ابي اتناولك بمخلبي الشهير اللي انت خابر فعوله ...

[سعود المسعودي]

خلف الغريب
يعطيك العافيه وصح لسانك
ووننتظر سعوط المجانين
وبالتوفيق للجميع

[سعوط المجانين]

هلا ومرحبا ياهلا

مخلبك ؟ اجل ماكسره لك ابو فهد الله يذكره بالخير

أي والله مامن معاوين هنا لكن يبي ربك يعين


خلوووووها

الولدعي لو جاك مايتركك لين = يصبح مصيرك يالفقيري بالاسعاف
مانرجي الفزعه من طراد وحسين = وهذي عوايدنا على كل ميقاف

[خلف الغريب]

المشاركة الأصلية كتبت بواسطة سعوط المجانين

هلا ومرحبا ياهلا

مخلبك ؟ اجل ماكسره لك ابو فهد الله يذكره بالخير

أي والله مامن معاوين هنا لكن يبي ربك يعين


خلوووووها

الولدعي لو جاك مايتركك لين = يصبح مصيرك يالفقيري بالاسعاف
مانرجي الفزعه من طراد وحسين = وهذي عوايدنا على كل ميقاف

الله يسامحك اخوي سعوط المجانين ...

لا تغرك محاولات فواز الغسلان التي باءت بالفشل لكسر مخلبي ...


هذا هو بعد ضرباتي منوم بمستشفى بقعاء التخصصي بسبب صداع مزمن ..

ما همنا غسلان والا غسيلين=عاداتنا نطلع على كل مشراف
الحنظلة ما هي مثل حبة التين=وبعض العرب من ضربنا شاف ما عاف

[سعوط المجانين]

لا لا انا ماني مقتنع بكلامك وشلون (نطاح الديبان ) ينوّم بالمستشفى الظاهر انك مخطي وضارب ٍ لك واحد غيره

ياخلف الله ولا الظلم والاجحاف بحق ابو فهد تراه بعيني الفارس الاول على مستوى نجد

والنعم والله ياحفيد الكريمين = لكن كلامك خالطه بعض الاجحاف
عاين يسار الدرب ثم عاين يمين = وخل النظر قدام لايرجع اخلاف

[خلف الغريب]

المشاركة الأصلية كتبت بواسطة سعوط المجانين

لا لا انا ماني مقتنع بكلامك وشلون (نطاح الديبان ) ينوّم بالمستشفى الظاهر انك مخطي وضارب ٍ لك واحد غيره

ياخلف الله ولا الظلم والاجحاف بحق ابو فهد تراه بعيني الفارس الاول على مستوى نجد

والنعم والله ياحفيد الكريمين = لكن كلامك خالطه بعض الاجحاف
عاين يسار الدرب ثم عاين يمين = وخل النظر قدام لايرجع اخلاف

عاد شكلي ابغي الحقك به بنفس العيادة حتى تتأكد انه هو ....

وعاد كل آفة ولها آفة وترا آفة الحديد المبرد.....

ماني من اللي يقضي الدين بالدين= يوم ان بعض الناس عايش بالاسلاف
تفرقوا عن جونا يا مساكين=قبل عصاتي تشتغل بين الاكتاف

[خلف الغريب]

وين الصفوف ؟؟ ماني شايف احد..