بايع المساويك والمعلم

[خلف الغريب]

من باب تلطيف الجو إليكم هذه القصيدة المهداة إلى كافة زملائي المعلمين

ومنهم أخوي السيف القادم مع وافر التحية ...

و أقول الأجر أعظم إن شاء الله : ...

يا مهنة التعليم .. عزي لراعيك!=من اولٍ مهنة .. وتالي مهونة
دخل بك اللي جاهل في بلاويك=يحسبك راحة مير خابت ظنونه
سياتك اكبر يوم قارن حسانيك=بلشة من البلشات .. يالله بعونه !!
من قبل لا يدخلك شغله تماتيك=واليوم لازم للشغل ينتعونه
يعيش كل اليوم عيشة صعاليك=وبالليل مايرقد ياما يدهنونه
يصيح وسط المدرسة كنه الديك=حتى لسانه صار يكره سنونه
بين الفصول وبين الاشراف تحريك=يدور حتى تقلب الشمس لونه
ودفاتر التحضير مامنه تفكيك=الدرس لازم بالورق يكتبونه
صرنا تقل طلاب مافيه تشكيك=وزارته بالشرح ما يامنونه
امس العصر شاهدت ( بايع مساويك )=مبسوط!! بالتحضير ما يطالبونه
والا المعلم كل يوم وهو هيك=الصبح علة والمسا به صخونة
من شاف وجهه قال ماجور وش فيك=متجعدٍ وجهه وذبلت عيونه
والله ما ادري يا عرب ويش تاليك؟ =خليتي العاقل تناقز جنونه!!]

تحياتي للجميع ..

[عبدالله الحجيلان]

الغريب








صح لسانك

ودمت بهذا التآلق




ولاتحرمنا من روائك يالذيب



تحياتي لك

[فايز البذيلي]

صح السانك اخوي القدير


خلف الغريب


مبدع بهذه الرائعه


كل التقدير لك

[سعود المسعودي]

صح السانك اخوي القدير
خلف الغريب
ويعطيك العافيه
على هالرائعه
وتقبل مروري
ودمت بخير

[سعود بن قائم]

صح لسانك يا ( خلف )
لقد وصفت واجدت هذا حالنا ولكن الله يعين

[سالم صالح]

الله يهديك يا (خلف ) عاد كان مخفف شوي

وبعدين ان شاء الله اجر وعافية


شكرا ً لك ولهذا الجمال وفعلا والله التعليم لك علية

بس عاد لاتصير انت والصحافة علينا تراهم ماقصرو ا بنا كل شوين مطلعين لهم سالفة

[هندي المقبل]

الشاعر خلف الغريب

صح السانك والله انك ماقلت الا الصحيح

هذا الحاصل في تعليمنا هذه الايام من تجاهل واهمال للمعلم مما اثر على التعليم برمته

مانقول الا الله لايحرمنا من الاجر


وصح لسانك