تعبت أقول لضيقتي ( سهوووود و مهوووود ) .. !!!!

[أبو فهاد]

الســلام عليكــم ورحمـة الله وبـركـاتـه

قصيـدة أعجبتنـي ونقلتهـا لكــم

بـس اللي يعـرف الشـاعـر/ة يعلمنا .. !!




القصيــدة تقــول :
تعبت اقول لضيقتي سهود ومهود
........................... اليا متى هالعذر بيكون عذري

البارحة يوم اكثر العالم رقود
........................... عادت علي اللي تجي منين مدري

الضيقة اللي كل ماراحت تعود
........................... مكانها مابين قلبي وصدري

ناسٍ تنام مدهنة في دهن عود
........................... وناسٍ تنام مدهنة بزيت مقري

لاواهني اللي حلالة من الذود
........................... تسعين وضحى كل ماضاق يسري

يسج معها كل ماهبت النود
........................... يتبع مسيل السيل في القاع يجري

ماهوب مثلي من اقرب الناس مجحود
........................... الله يسامح من طعني بظهري

من راح ماكنه على القاع موجود
........................... مايدري انه اول اسباب كسري

كل ماطرالي قلت من قلت الفود
........................... ياليت منهو راح ماعاد يطري

لو تستحي من فعلها ايامي السود
........................... كان استحت مبطي ولا طال صبري

قدمت بالموجود لخاطر الجود
........................... لين التفت ولابقى شي حدري

عطيت من عمري ولا شفت مردود
........................... ياللأسف للناس ضيعت عمري

واذا افرحوا واجد على طيحة العود
........................... هذا دليل انه فعل شي يغري

بوقف لحالي واتبع الطيب والزود
........................... اشره علي ان صغر الوقت كبري

ماني على بعض المخاليق محدود
........................... اموت مانزَلت للناس قدري






تحيـاتـي لكــم

[أبو فهاد]

ما عليش .. أزعجتكم ولكن لقيت إسم الشاعر ..



الشاعر : ثامر شبيب الدقباسي ...
...

وله قصيدة أخرى جميلة يقول فيها :


ياكثر شرهاتي عليك انت بالذات
............................. والا على غيرك تراها قليله
تعبت اجي بسكات واروح بسكات
............................. ساكت وانا متني حموله ثقيله
مرات احس اني لحالي ومرات
............................. احس مسنود ٍ بجيش وقبيله
عشت بمتاهه غير كل المتاهات
............................. كانت مفيده بس ماهي جميله
عرفت منها كيف طعم الخيانات
............................. وشلون ترخصك النفوس الذليله
خسرت .. لا والله فدتك الخسارات
............................. يا أغلى من الدانه بعينن بخيله
ماقلت لك قصة بعيد المسافات
............................. اللي معه بشته وسيفه وخيله
ضحى بهم منشان سود ٍ وسيعات
............................. الله يعين اللي مفارق خليله
جيتك اشيل من التعب كثر مافات
............................. طرقي وهدت سود الايام حيله
خذني من ايدين الحزن للمسرات
............................. ليله معك عن الف ليله وليله
صوتك لحاله غير عن كل الاصوات
............................. وش غير ؟ حتى الغير ماهو مثيله
غير انت وصوتك غير والشوق مامات
............................. وتلومني لاجيت قلبي اشيله
دايم ترى اهل القلوب الحزينات
............................. تنشد عن الغالي وتجي تشتكي له
علاقتي وياك غير العلاقات
............................. لو كان ماهي ياحبيبي طويله
اشره على الغالي عليك انت بالذات
............................. والا الرخيص رخيص ماني بجي له

[سعوط المجانين]

تعبت اقول لضيقتي سهود ومهود
........................... اليا متى هالعذر بيكون عذري

البارحة يوم اكثر العالم رقود
........................... عادت علي اللي تجي منين مدري

الضيقة اللي كل ماراحت تعود
........................... مكانها مابين قلبي وصدري

ناسٍ تنام مدهنة في دهن عود
........................... وناسٍ تنام مدهنة بزيت مقري

لاواهني اللي حلالة من الذود
........................... تسعين وضحى كل ماضاق يسري


الله الله

عزالله انه جزل


لو تستحي من فعلها ايامي السود
........................... كان استحت مبطي ولا طال صبري

عاد البيت هذا لحاله عن قصيده

لاهنت لاهنت يالقرم وعزالله جبت النادر من القصيد واحيي فيك هذه الذائقه يابو فهاد

وصح لسان بندر شبيب وبيض الله وجهك

مودتي وتقديري

[سعود المسعودي]

صح الله لسان الشاعر

والله لا يهينك

[فهد الشافي]

تعبت اقول لضيقتي سهود ومهود
........................... اليا متى هالعذر بيكون عذري

البارحة يوم اكثر العالم رقود
........................... عادت علي اللي تجي منين مدري

الضيقة اللي كل ماراحت تعود
........................... مكانها مابين قلبي وصدري






ياكثر شرهاتي عليك انت بالذات
............................. والا على غيرك تراها قليله
تعبت اجي بسكات واروح بسكات
............................. ساكت وانا متني حموله ثقيله
مرات احس اني لحالي ومرات
............................. احس مسنود ٍ بجيش وقبيله
عشت بمتاهه غير كل المتاهات
............................. كانت مفيده بس ماهي جميله


مبدع في اختيارك اخوي ابو فهاد

وصح لسانك ولسان قايلها

تحياتي