أوراق قديمـــــه

[سعود العواجي]

أخواني أعضاء شبكة ويلان العربيه .


هنــا أطـــرح بيــن ايديــكم موضــوع أتفقـت على تسميتــه ( أوراق قـديــــــمه ) .


المعــروف لدى الجميــــع بأن كــل شاعـــر لديـــه في بدايـــــاته ذكــريـــــــات جميـلــــــه لاتنســى ذكــريــات لا زالـــت عالقــه بذهنـــه بعد ان ترجمــهــــــا شعــرا ً وضـلـت حبيســة أدراجـــه لسنــــوات عــده .


وهذا الموضـــــوع طرح لأطـــــلاق قيــدهــــــا حتى يتسنــى للشعـــــراء أن يجــدوا متنفـــس لهــم في هذا المتصـفـــح .


تم وضــع قــوانيـــن وأنضمــه لهــذا المـوضــــوع وهي كاالتـــالي :


1 ــ المـوضــوع فقــط للشعــــــر بجميــع أنــواعــه ولا يحــق وضــع خــاطره أو مقــالات أو ماشابــه ذلــك .

2 ــ لايحـق لأي عضــو ان يضع قصــائـد ليســت له .

3 ــ أن لاتتجــاوز القصيــده الواحـده خمسـة عشــر بيتـا ً كحـد اقصــى ولا تقــل عن ستــة ابيــات كحـد أدنـى .

4 ــ الموضــوع هذا طــرح خصيـصــا ً للشعـــراء ليضعــوا قصــائدهـم القديمـــه وتمنع الردود عـلى هــذا الموضــوع إطـلاقـــا ً .



أرجـــوا من الاخــوه الاعضــاء الالتــزام بقوانيــن المـوضــوع وليكـن اسـلوب طــرحه على شكــل ورقــات ولتكــن البدايــه عنـدي .

[سعود العواجي]

ورقــه أولــى :

شكـرا ً على الجرح كفيتي ووفيتي = عفوا ً على الحب والاخلاص والغيره
كذبه كبيره اذا في يوم حبيتي = كذبه وعقلي مصدق يالله الخيـره !!
بنيتي العذر وأنتي ساكنه بيتي = عذر المعزب على طردة مساييره
لمحت رمشي يصفق يوم مريتي = مثل المطر يوم لاحت لي تباشيره
مريتي القلب وقفتي وصديتي = رحتي وكني غريب الاهل والديره
مااهتز غصنك ولا في يوم حبيتي = ماينفع الحلم لو طارت عصافيره
صبحتي الجرح في جوفي ومسيتي = علمتي الحب كيف يكون تقديره
الله على الحزن يوم انك تعليتي = شي ٍ خيالي يفوق الوصف تعبيره
والحين جيتي ورحتي مثل ماجيتي = ماعاد لك باالغلا طاري ولاسيـره !!

ورقـه ثانيــه :

انا طفل ٍ حساه الحزن بيدين الهوى مقتـول = شرب شهد الهوى ولا ظن في شهد الهوى سمه
شرق به وقته القاسي وساقه حظه المشلول = وتعثر مالقى حوله شريـك ٍ بالهوى ..زمه
توسد وأمتلى عمره من هموم السنين سيول = وهامت به مجاديفه وتاه سنين في يمه
كما شيخ ٍ رباه الياس وخانه جسمه المنحول = وتيبس في شفاه الريق وثار لطيحته ..دمه !
بكى من ضيم ايامه وكان بعالمه مهمول = نشد عن سكة أفراحه وصدمه الواقع بهمـه
عجـز يكتم انين الحـزن من عينه يفوح القول = يجول لقلب حساده أحد غافـل وأحد شمه
وأنا مقدر ألم الشعر وهو في ظاهره منقول = ولكن لاانتثر غيضه على العذال با ..لمه
ولكن غزت بصدري رماح الفارس المجهول = وتغلت في شراييني صحيح ان الهوى ذمه
يايمه والمفارق خيل عسفها صدقي المجمول = ورميت اصدق مواثيقي على التوفيق يا يمـه
وانا ياكثر ماخضت المآسي والألم والهـول = ولبست من الهوى ثـوب ٍ قديم ٍ ضاق بي كمه
وسقاني سيل نظراته وتبعثر بالعيون فصول = وتدلت به عناقيد الكلام وذابت بفمه
ونسجته في خيالي حلم لاممكن ولا معقول = وجفوني باالعيون احضان تزيح الغير وتضمه
وانا اللي صرت له طفل ٍ على كفوف الهوى مقتول = شرب شهـد الهوى ولا ظن في شهد الهوى سمه

ورقـه ثــالثـــه :

لاتصدقني حبيبي لو بقول اني ماابيك = ولاتكذبني لو اني قلت حبك ذاخره
لاتوصيني عليك الله يرحم والديك = وانت عمري فدوتك من أوله لـ آخـره
ياحبيبي لاتردد دام قلبي في يديك = وأنت آمر لايهمـك هـرج ناس ٍ ساخره
اطلب الله كل ماتزعل يحفظك ويهديك = ويجعل ايامك حبيبي بالسعاده زاخره
انت توجك الخفوق وصرت في عيني مليك = وصار بيتك بالحشا مثل القصـور الفاخره
كل حرف ٍ من قصيدي يعتبر منك وإليك = وفيك لو تحكي الحروف احسها متفاخره
كل ماابحر عن هواك أرجع على شطك وأجيك = كن حبك صار مينا والخفوق الباخره
ولاتصدقني حبيبي لو بقول أني ماابيك = وأنت عمري فدوتك من أوله لـ آخــره !!

[صالح الجطيلي]

شكرااااااا لك سعود



ورقــــه اولــــى :

ما تعجبن ياحمـــــــــــود مزيونة الغـيد = ا لا بشــــــرع الـلـه وسنـــــة نـبـيـه
ما همني سجن وكلبشات مع قيــــــــد = لولبســــــــــوني في حياتي قضيه
وماهمنـــــــي ياخوي عــــرف وتقاليد=لا كن اخـــــاف ((الله )) يسـخـط عليـه
اخــا ف من يومن نعود مــــــــوالــيد = يوم الحســـــــاب ويوم حشـــر البــريه
في يوم تشـــهد به عيونك مع الإيــد= وكــــل الجوارح تعتـــــرف با الخــطيه
نـــاس بجحيــم وناس بأحـلى من العيد= وناس بنعيم وناس بـــا النار حيــــــه
في يوم مـــا ينفعك زيـــدن ولا اعبيد = الا أتبـــــــــــاع الـــلــه وسنة نـبـيـه

ورقــــه ثانيـــــــه :

راعي الوفا دايم تحطـــــه بيمنـــــاك = ولا ردي النـــــفس وش ينبغــــــابه
اللي يمرك با العجـــــل ويـــتــعــداك= وللضيف ما يفتح مغـــــاليق بــابــه
خوي حـــــاجه ويتمســـكن ليــا جاك= لبس النذاله مثـــــــــل لــبسه ثيابه
من لا يــحـفظك با الصداقه وينســــاك= عطه النصايح ثــــم تـــكسب ثوابه
ومن لا يقدر وقفتك يوم ينخــــــــــاك= خله يــــــــولي لا تحسب حــســابه
مــاهوب طــيب رد يوم الـلـه أغـــناك= ماهو وصل يطمـــــع بشي دراابه
كــان أنت تجهل وش حيــــاتك ودنياك= دنياك ما تســـــوى جناح الذبابه
لا صار ما أســـس على الديــن مبداك = تضيع مــــا بين الردي وخرابــــه
هـــــــذي نصيحه والهقاوي بشــرواك= ومن تـــاب تاب الــلــه عليه بثوابه
طع الـلـه وسنـــــــة نبيك بدنيــــــــاك= تلقى الهنــى وتجزى عليها المثابه
حقن بشوف العيـــــــــن ماظن يخفــاك= عســـــاك تحشـر مع كبار الصحابه

ورقـــــه ثالثـــــــه :

يكفيك يا قلبي تعبت اوتكدرت = يكفي بعد يـــــا قلب ما جـــاك منهم
شف حـالتي يا قلب وانته تدمرت= واقول جنب ميـــــــــــر حبك شربهم
لا جـــــوك يا قلبي غليت وتجمرت= وليا ابعدو يا قلب صيـــــحت جبهم
لا أ خضر عودك وامطر السيل واثمرت =جوك العواذل كلهم في حسدهم
وش ينفعك يا قلب لا جـــــــوك زمرت= وانت الذي بس انشويت ابحطبهم
حيـــــــرتني يا قلــــــب وانا تحيرت=ارضيك والا ارضي عشانك طلبهم
ابشــــرك يا قلب عنهم تشطــــــــرت= يرتاح بالي وانت تنسى تعبهم
لا ضــاق صدري من غثا الناس كبرت= وادعي الولي ياخذ لي الحق منهم

ورقــــه رابعـــــــــه :

عســـــاك ما تفقد عدوك وخــــاينك = لا صار لك نظره بشـوف الجنايز
والا الذي في غيبتك دوم صـــــاينك= تلقاه بين الخلق عايش وفــــا يز
متــى يجي يوم به أفخر وأعلنـــك = ومتى يصير القرب مشروع جا يز
لا والذي ســـواك ما نيب هــا ينك = اهديك انا عمري وعيوني جوايز
ارحم عيون تسهر الليل تــــــزبنك= البعد طول واليـــــا لي هــــزايز
الناس لا بــــد بحث والا أنت قارنك= انصى فؤادك يوم غيري عجايز
ان كــــان به شخص يحبك وفاتنك=وملبسك اوهام بأحلى الطرايز
فأنا ابي نظره بشوفي اعا ينك= وان ماحصل تلقان وسط الجنايز

وسلامتكم


صـــــالح بن عبد الله الجطـــيــــلــي

[سعد النفج]

يعطيك العافيه اخوي سعود العواجي على الموضوع.

ورقه أولى:

تعالي و اتركيني في مكان ٍ تحفظينه زين=عشان لياذكرتيني مكاني ذا تدلينه
تعالي بالسنه مره وحيده في حدا العيدين=تعالي وارسمي قلبي وسهم يقص حرفينه
أمانه ثم أمانه بعدها تكفين ثم تكفين=هوانا والغلا و الحب هذا لا تناسينه
على كف الغلا سمي و سمي وارسمي حرفين=جنون الحب يرسمنا و نرسم من مجانينه
تعالي واطبعي حرفي سوات الصين والتنين=يجي بالصين واحدهم بكتفه رسم تنينه
تعابير ٍ على درب الجنون و تحسب لشخصين=و انا وانتي على درب الجنون نكون شخصينه
كلام ٍ معتم باهت ٍ بلا شده و لا تنوين=هذاك اللي بلا معنى و لامغزى ويا شينه
وانا في صفحة كتابي أزين كلمتي تزيين=كلام ٍ في معانيه و عطى الشده و تنوينه
براس الصفحه الأولى بنص السطر بعد سطرين=كتبت اسمك و زخرفته وجبته بين قوسينه

ورقه ثانيه :

أنا ما ضقت من هرجك ولكن ضقت من حاجه=انا وشلون حبيتك و طبعك قاسي ومغرور
سلبت العقل في غفوه وجبت الهم وافواجه=وانا قبل اعرفك كنت بحياتي سالي ومسرور
ولكن دنيتي قالت : انا للشوق محتاجه=وجيت ولا لقيت الا عيونك و السعد مجبور
جبرني وقتي اتغزل فــ ـبحر الشوق وامواجه=وجبرني شعري القا لك مكان بقلبي المعمور
على شانك كتبت حروف وسط القلب غناجه=كتبت اسمك على قلبي وجيتك شاعر ٍ مغمور
و صفتك يومك لقلبي دواه و يومك علاجه=بإنك بسمة الدنيا و زينة حبنا والنور
حسافه كل ما ضاق الخفوق اشوفك افراجه=أجيك الشاعر المبهم و ارتب في لقاك سطور
و لكن ( رُب زلات ٍ ) تعيد لقلبي احراجه=يخونك ( مبدأ التعبير ) او انه خانك ( المنظور )
ترى مالك عذر و اتبع طريق ٍ جبت منهاجه=وترى بعض المناهج تنتهي ما بين ( لف )و (دور )
و خذها قاعده ( قلبي رقد لا تعشق ازعاجه )=وانا مثله رقدت ولا نت لاقي بالضمير شعور
هذاك النجم لو تقدر تجيه و تسمعه ناجه=و حاول تسأله عني و عن حب ٍ رحل مقبور
رحل ما ذقت به فرحه.. رحل ما ذقت ثجاجه=وما دام القلب له ديره .. انا قلبي غدا مهجور
صحيح ! اني عشقتك فعل ماااضي وانطفى سراجه=كتبت العشق في قلبي ولكن إنمسح بالفور
على فكره ! ترى قلبي (علوم المرجله) تاجه=واذا فكرت تلعب بي.. انا علمي ترى مخبور
يا هوووه اسمع .. انا دمعي ولا فكرت بإخراجه=ولو دنياك خلتني على جال العنا مقهور

الورقه الثالثه:

يا متاهات الزمان المر وامواج العذاب=ارحميني لا لقيتي صاحبك في قاربه
و يا رياح الحزن هبي .. حركي سود السحاب=واكشفي قنديل شعري حين يفتل شاربه
والله اني في قصيدي ما نويت الاقتراب=وشهرتي و الا عدمها بالزمن متقاربه
بس من فيض المشاعر ودي اكتب بالكتاب=يوم احاسيس العقل والقلب بي متحاربه
وادري ان الباب الاول يتبعه عشرين باب=والمعاني في قصيدي من دمائي شاربه
استرد انفاس شعري بالسعاده والعتاب=واطرد حروف ٍ حسينه عن عيوني هاربه
اجمع من الحرف كلمه والقصايد ما تهاب= كنها عنقود يبهر من قرا متغاربه
اتسلى بالقوافي واحرق اوراق الغياب=وحبل تعقيد الخيال بعون ربي كاربه

[مزيد المزيد]

ابوصالح


تسلم يمينك وفكره رااااائعه


نقطة انطلاق لبعض الخواطر التي يرهبها فوضى الاضاءه ..

ياحظ عينك لابكت مثل الاطفال = ترتاح دام الدمع بالخد سالي
بس البلا عين ً من الهم تجتال = والدمع حاير مالقى له مجالي
اشوف واسكت غصب ياضيقة البال = لين استضاااااق من الهواجيس بالي
مابين نارين الغلا طحت مهتال = ومن وين ماوجهت بالنار غالي

.
.
.
.
.
.
.

ياكبر حزني ضاع بالوقت رجال = وياويل حالي .. جدّ .. ياويل حالي
ومع كل هذا دمع عيني ولا سال = مستوطن ً جفني يعد الليالي

.
.
.
.
.
.
.

الله يعوضني عقب عقلي هبااااااااااال = يمكن بنقص العقل يرتاح بالي

[سلطان المسلط]

الله يعوضني عقب عقلي هبااااااااااال
يمكن بنقص العقـل يرتـاح بالـي

ابو راكان .. صح كلك ..



ورقه وحده .. كانت بدايه النهايه لمشكله ..




القصيد اللي قريته .. مثل طشات الغمامه
وسّع اللي كان ضايق .. وابتسم صدر الزناد

الحمامه للسلام وللمذله .. به نعامه
وادري انك بنت صقرٍ ثابت وقت الهداد

والله انك مادريتي .. وادري ان كلك فهامه
لو دريتي وش بقلبي .. ماتثيرين أنتقاد

كلمتن من ذاك جتني .. تحتوي خبث ونمامه
زلزلت فيني كياني .. أخرت وقت الرقاد

آه ياشين التأني .. لو نهايه ندامه
بس ياحلو الندامه .. ماتعودت الهجاد

لعنبـو جد الحميـه .. وسمت بالخد شآمه
ترتقص بي فزعه الويلان .. لو كانوا بعاد

[مصلح النشمي]

.



الغالي جدااا سعود العواجي


دائما متميز شعرا وفكرا وحضورا

فشكرا لك ولهذه الفكرة الاكثر من رائعة...

كلمتني من بعيد وقالت الدكتور وينه=قلت انا الدكتور يالله وشتبين افحص واشوف
قالت اسمع ياطبيبي قلبي عذبني حنينه= ودايما يزداد حده باختلافات الظروف
واشعر بشي غريب كن قلبي جارحينه=باقوى من طعن الخناجر واقوى من طعن السيوف
قلت انا والليل مدري انتي عمرك تسهرينه =قالت اسهر طول ليلي لا هو جوع ولا هو خوف
قلت طيب والقصايد الشعر ماتنظمينه=قالت اكتب طول ليلي واتلاعب بالحروف
قلت بالحظه هذيك احيان دمعك تذرفينه=قالت إلا يروح دمعي بين منديل وكفوف
قلت مالك من علاج وقالت الا الطب وينه=ماقدر يلقى علاجي وقادر ينسخ خروف
قلت عنتر ماجهلتي وقيس اظنك تعرفينه =وش ذبحهم في زمنهم؟ قالت الحب العسوف
قلت هذا انتي عرفتي الهوا ماتجهلينه=كم يبهذل في رجال وكم يغربل في هنوف
قالت وربي صدقت وكنت احس ومستهينه=لين ماربي بلاني بحب ما مثله وصوف
وصكت الهاتف وباقي صوتها باذني رنينه=واهني من هو عشقها اشهد ان حظه يروف

لك الحب كله