ياعيال وايل والعدد فوق مليون - °~*¤®§(§ شبـــكة ويــلان العـربـيـه §)§®¤*~ˆ°

**مهجع الحسني** · 05/03/07, (11:49 AM)

ظرفه صعيب ٍ ودي الناس يدرون

يالله يالمعبود ياخالق الكون

يالليَ عبيده كلها ترتجي له

تفرج لمن هو داخل السجن مسجون

صارت على ظهره حمولٍ ثقيله

عبد المجيد بسجنه اليوم مديون

وان ماوفينا الدين وعزتي له

ظرفه صعيبٍ ودي الناس يدرون

مع التكاتف كل حملٍ نشيله

ا مه تهل الدمع من عينها حزون

وابوه يرجي عزوته تنتخي له

طيشن من الشيطان خلاه مسجون

وان مافزعت عناز يتبع قتيله

ياعيال وايل والعدد فوق مليون

برا وداخل الخليج وخليله

ياشيوخ وايل افزعوا لاتهونون

لو هو من عشر ريال تديَ القبيله

وتكفون ياهل الخير تكفون تكفون

لاتصير الانفس بالمواقف بخيله

تكفون ياشيوخٍ على الخير تسعون

نعتق لوجه الله نفسٍ عليله

وانخى الدعاه بساحة الحق يدعون

اليا تكلم حجته هو دليله
وامَارنا وتجارنا لاتمنون

ومن انفق بدنياه ترى تجي له

بحساب شيخ كاسب الاجر ممنون

سعد العتيق وجعلها له سهيله

الشاعر / مهجع بن هويدي الحسني العنزي

**عبدالله عايد** · 05/03/07, (11:52 AM)

الشاعر مهجع الحسني

لي شرف المصافحة

فصح لسانك مدد بلا عدد

وكفيت ووفيت بيض الله وجهك

واسئل الله العلي القدير ان يفك اسره ويقر عين امه فيه

صح لسانك يا مهجع وتقبل فائق تحياتي لك .

**مهجع الحسني** · 05/03/07, (11:58 AM)

تسلم اخوي عبدالله وربي واجب ولو فيه تكاتف من عشر ريال لقبيلة عنزه فقط اشكرك على رفع الهمم

**مهجع الحسني** · 05/03/07, (12:01 PM)

افرح بوجودي بهذا المنتدى كشاعر ولي الشرف ان اكون من ضمنك واتفاعل مع اي حدث اخواني جميعن يجب التكاتف ورفع الهمم والمحبه للله والبغض لله ولكم الشكر

اخوكم المحب لكم الشاعر | مهجع الحسني

**عبدالله عايد** · 05/03/07, (12:06 PM)

حياك الله يا مهجع الحسني

ووجودك معانا يبهج صدورنا

ومرحبابك وبكل مشاركاتك

بس اللي ابي افهمه ليش والد عبد المجيد ما وزعو قطة الدم كالمعتاد على قبيلة عنزه ؟!!

هل مشى على افخاذ قبيلة عنزة ولا لا ؟!!

**عبدالله ثويني المانع** · 05/03/07, (12:08 PM)

..

مهـجع الحسني

أهلاً وسهلاً بك .. نسعد بحضورك ونحتفي بنورك
ــ
سلم فكرك .. قصيدة حملت مشاعر نبيلة ..
وعبدالمجيد بأمان لإنتمائه لـ الويلان .
شكري وتقديري

..

**مهجع الحسني** · 05/03/07, (12:18 PM)

اخواني اعضاء المنتدى

كثير يسال من المهتمين بموضوع عبد المجيد هل وزعت القطه على قبيلة عنزه انا اقول لكم انشاء الله لاحظت منهم يحاولون ان تكون على السبعه بالبدايه ثم تنتقل وانشاء الله تعتق باذن الله ربة عبد المجيد ولكم الشكر اخوكم الشاعر | مهجع الحسني علما بانني من المتابعي عن قرب لموضوعه وكلمنا الكثر للتبرع ببعض زكاة اموالهم من المعارف وغيرهم والحميع واجب عليه التكاتف وجمع التبرعات ووضعها اما بحساب الشيخ سعد العتيق والموزع صوره من الجريده للجميع او الذهاب بالتبرعات الى مخيم اهل عبد المجيد بشارع خريص الريسي عند محطة لنده قبل اشارة النظيم ولكم الشكر

اخوكم الهتم | الشاعر مهجع الحسني