السلام عليكم ورحمة الله وبركاته
أولاً قصيدة الشاعر سلطان بن وسام والتي كانت موجهه لضيدان عندما سافر لدولة الأمارات :
بالله يأهل دبي ولا هل العين
من قال تبشر به عطيته بشاره
قرناس عشر سنين وأربع وعشرين
الله وش فيه من الوفا والقشاره
وأن قام يدرج عينه يسار ويمين
مثل الخفير الي مداقش خفاره
يا شيب عيني لا كفخ بالجناحين
أسبق من طيار الآباتشي طياره
ما هاجر الا بين خضر البساتين
فضيافة الي ما يحسب الخساره
يخلي مراحين ٍ ويملى مراحين
بيمنى من صدوف الليالي مجاره
يمنى الكريم مبدل العسر باللين
نعـم نـعم فــزاع نمر النماره
أشهر أبراج العام الأول وذالحين
برجين برج أيفل وبرج التجاره
وضيدان يكرم في ضيافة كريمين
كنه من آل مكتوم والدار داره
فندق جميرا بيتش ومالية حمر عين
من مر منهم قام يمسح جداره
واليوم يا ضيدان وينك وأنا وين
خليتني مابين تاره وتــاره
أشيل ما شالت ظهور البعارين
أصد غاره وآتصــدى لغاره
وهذه القصيده التي رد بها ضيدان على سلطان :
البارحه في الدور واحد وخمسين
شبيت من راس الفتيل الزقاره
وكنيتها لين أمتلن الشرايين
لعلها تطفي لهيب الحراره
ولفتيها والدمع في محجر العين
والدمع ماسال لكنه رهين الأشاره
أقرأ وأعيد الخط مره وثنتين
وأقول من صدرً تحطم عباره
لبيه يا سلطان لو نازح البين
يزمي سرابه ويتركز غباره
غربة حاديني من الفقر والدين
ماحد أبو عرام يجلب حماره
ونصيت ربي ثم نصيت السلاطين
اللي منازلهم على راس قاره
ومن فضل رب البيت مابين عدين
بين أحمد وحمدان والعلم شاره
في فلته في دبي ملكي ودورين
تعلم البدوان فـــن الحضـاره
قدامها لـنكن وكـدلك ورنجين
وبالبر عزبة وفي المدينه عماره
وأن طعتني روح علي ياأحمر العين
بشت الـغناة ولا بـشوت الأماره
ومن لاعشق له وحدة من هل العين
عز الله أن باقي حياته خساره
وسلامتكم
28/02/07, (05:16 AM)
سلطان الهاجري + ضيدان بن قضعان
العرض العادي
