اهدي بيت شعر للي قبلك

[أنثى القمر]

من عادتي لا عكّر الوقت جوّي
أخفي دموعي عن نظر كل غالي

ما ابدي تناهيدي ولو شبّ ضوّي
وأدفن همومي بين فكري وبالي

وش عاد لو بركان حزني يدوّي
وإلاّ يهد بداخلي كل عـــــــالي

الله بلاني ب(العقل)و ش أسوّي؟
دربي يميل ولا يميل اعتدالي

حيّرت في ممشاي حيلة عدوّي
لين اقتنع في طيبتي وانثنا لي

هذا وانا في سكّة الحب توّي
بأوّل خطاوى رحلتي وارتحالي

من عافته عيني ..هفا من علوّي
ومن حبّته نفسي ..سكن بالعلالي

[سليمان الجعفري]

‏??‏?عيونك الثنتين أجمل قصيده
،،،،،،،،،،،،،،، ومن شان عينك كل هاجس يجيني

اول شطر قلته عشانك / وأعيده
،،،،،،،،،،،،،،،( سُحقاً لـِ حبك / جايب العيد فيني )

[محمد بن موسى]

.
.

نويت اشارك واكتب ابيات شعري
لعيونكم ياعضـاء بكتب رساله

في منتـداكم سال دمعي وحبري
بشكي جفـى خلي وقلة وصاله

حـاولت بصبر مير ماعاد صبري
يقوى على الفرقى وهمن بداله

خطيت بيت الشعر من فوق قبري
خـل القلم يكتب ويشكي لحاله

[سليمان الجعفري]

معذور ..! لو قلت لي : شآنت سوالييفي ..
،،،،،،،،،،،،،،، الوقت .. غير مفاهيمي .. ووهقني ..
امالي اللي معي .. اكبر مجآديفي
،،،،،،،،،،،،،،، سبحت فيها البحر والموج يصفقني ..
الوقت .. ماهو على كيفك ولآكيفي
،،،،،،،،،،،،،،، مير .. اعتبرني .. من احلآآمك وحققني

[هيـاا العـازمـي]

.
.
.

ما يفضح اللي حب إلا آخر اللحظات
لامـــد كـفــه بالـــوداع وصــد بـعيـونـه

[سليمان الجعفري]

غاليه والشاهد الله من غلاها ولعتني
،،،،،،،،،،،،،،، ومن بعد ماولعتني احرمتني من غلاها

قلت يمكنها اتغلا مثل ماهي معودتنـي
،،،،،،،،،،،،،،، تحرق اعصآبي وترجع كل ماربي هداها

[هيـاا العـازمـي]

.
.
.

الشعـر : حكمة .. وإرتباكه ! .. وتصوير !
يغنيك صوتـه .. عن جميـع .. / الغنـاوي !

مرات أحسّه ( ماء ) إن جاز .. تعبير !!
ومرات أحسّه ( داء ) لكن .. يداوي !!!!