في صدري أسمع صمت شيْ أيتكسر = بالليلـه اللـي ليلهـا صـار ليليـن
هـو قلبـي اللـي بالمحانـي تفّطـر = او دمعةٍ مـن كبرهـا مالقـت عيـن
ضميـت قلبـي ليـن قلبـي تفجـر = وأحرق بنبضـه مابقـى بالشراييـن
كـن الخناجـر بالضلـوع أتسـمّـر = وتصرخ بداخل خافقي لوعـة البيـن
ليت الجـروح مـن الرمـاح أتعّـذر = كان أعتذر ظلي عن ألفين سكيـن
ياقلـب يفـداك الــردي لا تحـسـر = موت الطريـق ولا ضيـاع العناويـن
(أمي) وراحت وش بقـى ماتكّـدر = (أمي) وراحت تونس أطعونك منين
كانت هنا .. كانت أنا .. كانـت أكثـر = مابينها وبيني سـوى كلمـة الـ .. بيْـن
أتلمنـي .. وألمهـا .. وأنتبّعثـر = أنا .. وأنا وأضمهـا ضمـة اثنيـن
(أمي) الحنيـن اللـي بقلبـي تنثّـر = صدق الخيال اللي عليـه البراهيـن
(أمي) الطريـق ليـا وطتـه يتكبـر = الله خلقهـا وأنحنـى النـور للطيـن
(أمـي) النسيـم ليـا لثمهـا تعطـر = منها لها لامالـت الشمـس ظليـن
أذكر أدعاها كل لحظـه وأبذكـر؟ = هاك الغلا والصدق والعطف والليـن
أقلهـا اللـي مايجـي بعـده أكـثـر = مجموعة أنثى فـوق كـل القوانيـن
ياليلـةٍ سـودا بهـا الـهـم كـشّـر = من وين أببدى سكة الموت من وين
كنـي لـك الله بالمكـان أمِتسـمّـر = رديت دمعي لين ضاقـت بـه العيـن
وشلـون أجبّـر كسـر ماينتجـبـر = وشلون أبقـرأ شـئ مالـه عناويـن
ياجرحي أنزف أكثـر وأكثـر أكثـر = مادامني دافـع ثمـن قسمتي ديـن
ياعلني أصغـر كثـر مانـت تكبـر = أني على الرمضا تقـل بيـن ناريـن
أصبر ؟ ولكـن وش عليـه أتصبّـر = لا صار حتى الحلق مادونه أيديـن
.
.
.
.
04/04/13, (11:51 PM)
( مجموعة أنثى )
العرض العادي
