واللي جرحني بين حدب المعاليـق

[محمد بن موسى]

هين مردك للفرج يأكبـر الضيـق
...............دام الليـالـي تقتفيـهـا ليـالـي

هي بس تبغى طول صبر وتوافيـق
...............وأشيل هـم النـاس كلـه لحالـي

وعمر المربط مايسوق المطاليـق
...............والحر ماترضيـه غيـر المعالـي

ياصاحبي وإن زاد ظلـم المخاليـق
...............فلاتحسب إن الله عن الخلق سالـي

والطيب يمحى العيب عرف ومواثيق
...............والا الخطا ماله على الطيب والـي

واللي جرحني بين حدب المعاليـق
...............مأخفي عليك انه الى الحين غالـي

ياحلمي اللي مالك اليـوم تحقيـق
...............حبك حقيقي بـس وصلـك خيالـي

والحب يفضحني وان اخفيته يويـق
...............وإن مامضالـي بالوفـا مابقالـي

جرحتني مختـار ياحالـي الريـق
...............واسامحك مجبور يـاراس مالـي

صوره ولا يحتاج الإحساس تعليـق
...............أركض رجا ويطيح ميّـس ظلالـي

وان كان بيبان المشاعر مغاليـق
...............فماهو جديد ان الزمـن ماصفالـي

ليت الهوى جمعه ولا فيه تفريـق
...............أوليـت ماللبعـد فالقلـب صالـي

ياصاحبي وان شلت لك فوق ماطيق
...............فأنا لحالي جيـت وأرحـل لحالـي

وهين مرده ينتهي كـل هالضيـق
...............وأقـول للمـره الأخيـره تعالـي



مما راق لي ونثرته لكم

[هندي المقبل]

اختيار موفق وجميل من ذائفه لاتاتي ولاتكتب الا الجميل

محمد موسى شكرا على هذا الاختيار

[بنت الكحيلا]

صح لسانك ولسان شاعرها

والله يعطيك العافية اخوي محمد بن موسى

اختيار رائع يسلم لنا ذووقك الراقي

لك شكري وتقديري

[بندر السديري]

محمد بن موسى
صح السان شاعرهاا
وصح ذووقك يابوفهد
رائع بكل حالاتك ياالغالي
تحيااتي

[جلال الدرعان]

اخــي العــزيز/ محمد موسى

كان الإبحار في كلماتك الرقيقة على متن حروفك ممتعاً حد الافق
هنا تضيع الكلمات من عالم الكلمات ..
ويضيع التعبير وسط زحام الأحاسيس..
ويبقي المسيطر هو ما ظل في أنفسنا...
من شعور راقي لإنسان راقي المعني...
أبحرنا معك في عالم أسطوري فيا ليت اللحظات تسجلها سطوري ...
ولكن القلم حائر يا سيدي..
كيف يكتب وهو يرتشف لحظات لا تكتب...
بل تحس والإحساس صعب أن يترجمه قلم لأن لغة الأحاسيس لا تولد....
في قاموس ولا تنشأ في حبر قلم ...ولكن مكانها المستقر...
داخل الإنسان....فهنيئاً لنا بقلمك و إحساسك...
لك أرق تحياتي معطرة بالزهور والياسمين...

[غموض الشمال]

جميل ماراق لك اخوي محمد

الله يعطيك العافيه على هذا الاختيار الجميل

تقديري

[صالح الأسود الجعفري]

محمد بن موسى
صح لسانك ولسان شاعرها
ذوق رائع ومميز
دمت بخير