رديه بين الشاعرين \ عايض بن حامد المليحان السلمي.. \محمد بن حريميس النومسي

[عبداللطيف السلمي]

بسم الله الرحمن الرحيم

هذا اسناد الشاعر\محمد بن حريميس النومسي

قــــــال...

سر ياقلم والخط حسن اصـــفوفه.....حسن تعــــاليل الكـــــتابه بالاصفاف
اسرع قبل حبرك يجيبه نـــشوفه......قدام لايبدأ على الحـــــبر الانشـــاف
ثم اشرح المعنى بجملة احـروفه......للي اله في قمت المجد مشـــــراف
رجـلـ(ن) اله وسع النظر مد شوفه......ابعد من حدود النظر مد الاشـــــواف
عايض سليل المجد مسند وقـوفه......من لابتن لهم على المجد مــــــيقاف
افعالهم وقت الزحام معروفــــه.......يشـــــهد لها التــــاريخ بــــدون عرّاف
اهل سيوفـ(ن)للضديد معـــطوفه........يــــوم المـــعارك بين فارس وسيّـــاف
الــخد جـــردا والـــمهار معــسوفه.......مــــدربات امـــهارهم طبــع وعســـاف
كلـ(ن) لكسب المدح نفسه لهوفه.......ســــمو اسلمات اليـا جــبا كل خـوّاف
حــــريبهم مايمنـــعنه كـــهـــــوفه........عقب الصطر يعطي قفى عرض الاكتاف
يقفي ونفسه عن ديرهم عــيوفه.........يقـــفي ذليـــل بخوف وارغام وعــــياف
وايضا اليا شح البخيل برخـــروفه.........تاجــــد صيانيهم وسيــعات الاطــــراف
تزيح جوع اللي حــدته الاحــفوفه........يقـــــلط على جزل المفطح ومنســاف
ودخيلهم يدفى عن البرد خــــوفه........وقصيرهم ماتـــلحقــه بعـض الاهداف
ومهما سرد التعبير واكتب زروفــه.......مايوفي التعـــبير لـــو شيــب القـــاف
هذا واعود لمحوى الصدر جــــوفه........من مـــاحواه الجـــاش مابين الالجاف
يامل قلب(ن)سجته ماتـــــــطوفه........مع غفوت الــنايم له الهـــجس ميلاف
يسج مع ذاتـــه يعانــــي ظـــروفه........يبحــــر محيـــطاته علــى لوح مجداف
في غبت(ن) صلف الهبايب تـلوفه.......تزفه الموجه علـــى جـــال الاســـياف
عانيت من وقته ظروف الــــحفوفه........واخذت عن بعض المواقــــيف مــحراف
وظربت حايطها على جال طــــوفه........وســـجلت فايـــلها على شف شفاف
وعقب النكيفه مالحقني كـــــلوفه.........خليتــــها للي يبــــي بشتــها الحاف
نفسي عن ملاحق حطبها عـــزوفه........يدي مهـــي لمـــلاحق الجمر مزهاف
كــبيت صــاليها عـــساها ذلــــوفه.........وعــزلتها عن صـــالي الـــجمر بالحاف
ماني من يصفق مثاني كــــفــــوفه.........يبكي على سالف زمانه اليـــا طـــاف
شيّن سلف وش لي بطول امعزوفه........مافيــــه مغـــزى كود من بعده انـــكاف
لاكن ذكـــرت من القدايم قـــــطوفه........اخترت مــــنها اقـطوف من عرض قطاف
قطوف ورد(ن) يانــعــاتـ(ن) صنــوفه........مـــتخــــالف الالـــوان بفيـــاض الاريــاف
يـــوم البـــداوه والــلـــيال الزلـــوفه........هــــاك الزمــــان اللـــي ليـــاليــه زلاّف
يوم البيوت بكل روضـ(ن) نشـــوفه........يـــوجد بهـــا زين الـــمعاميل برفــــــــاف
ارفافهم ماحجبت عن اضيـــوفــــه........ماقطــبت عن نـــاصي البيـــت بغـــلاف
ارفافـ(ن) تشوتح للهشالا رفـــوفـه........مخصـــصه لضيـــوفهــا مثـــل الاوقــاف
مدهالها للكل مـــهي محـــفـــوفه........يبـــذل بها جـــود الــكرم بذل الاسراف
ماقدمو لــــجل الضيــوف مخلـــوفه........بمر الذي امره مـــن الــنــون للــكــاف
لو طال شرحي مجدهم مانطـــوفه........اهل هلا بالضـــيف بنفوسـ(ن) اخفاف
اذوادهــم تـــرعــــى مراتع طنـــوفه........يرعـ(ن) جديد النبت بشعوف الاطناف
والـــصــــيد طــــراده يبـــعد لقـــوفه........يرصد لها التوقيت مع كل مــلــقـــاف
عشــاه من ريـم الجــوازي اخشوفه........بمشوكن يجدع مطافيق الاخشـــاف
والصقر من ثدي الحــــباري علـــوفه........راعيه يشفق له على زين الاعـــلاف
واليــــوم ذكـــراه اضــمــحلت طيوفه........ياكود رمس اعلومهم مثل الاطيــاف
سارت بهم شحب السنين العجوفه........غبر السنين مفرقة شـــمل الاولاف
الحي منــــهم دوب يقــــداه شـوفه........الجسم ذابل حيل وعضامه انـــحـاف
واسلاف زاحتـــهم هبايب عصـــوفه........تمكنت منهم اعاصير الاعـــصــــــاف
هذا وقول لكل علمـ(ن) طـــــــروفه........والكل حاسب رقم سري وصــــراف
ماقيــــل بتــــاريخ قمنـــا نشـــوفه........مافيه حايـف كـــود قافـــيه حـــــوّاف




رد الشاعر\عايض بن حامد المليحان


قال...

سميت باسم اللي تـــرجـيت روفه........رب المـــلا فـي حالـــة الخلــق رواف
المعتلي كل الخـــلايق ضعــــوفـــه........الخلــــق من غيــره مفاقيــــر وضعاف
عينه على كل الخــــلايق لـطــــوفه........سبحانه الوالــــي رحـــوم(ن)ولطــاف
وخلاف ذا داعـن(ن) شعتني عزوفه........بـأجمـــل لحــــونه للمواويـــل عـــزاف
للبــــاركر حــــضرصحـــايف شفـوفه........وقـام يتخـــير واقـــــع القــــول بانصاف
رجح وزون القاف فكر(ن) يحــــــوفه........يخــتــــار للجـــزلـه وللهــــزل حـــذاف
ربع الوقيه قام يطلـــع انــــصــــوفـــه........حرص(ن)على الواقع بتدقيق واشراف
ماكب للنـــــفس العــــزيزه حسوفه........يحـــط لبيوت المثـــل حصـــن وطنـاف
عنده مواثيق(ن)قــــــديم محــــلوفه........بينه وبيـن القـــــاف ميثاق وحــــــلاف
حي النــديب عــــداد مرزم قنـــــوفه........غر السحـــاب اللي نـشر وبلــه ارداف
واعـــداد ماتحـــسب مبــــالغ ولوفه........وعـــداد منهـــو حــــج للبيت وطّـــــاف
فكيت عن قــاف الصــــميـدع زروفه........ولقيت فيه من الذهب خمس الاصناف
نظم الجواهر ماعـــليــــهن محــوفه........مقاصده فيهن شريفــــــات وعفــــــاف
ياهاجسي جازه بالاحســــان ووفه........من مدلك بالصــــــاع نوفيه بــاجــــزاف
محمــــد الـــــعـــــايد تبـــين بـنوفه........سلايـــــل حريميس بـالمرجلـــــه نـاف
من عرض من بالطيب زانت سعوفه........اللي لهم بالمجـد حـــــاظر وســـــلاف
من لابتـ(ن)بالحرب تشهر ســـيوفه........عز الصديــــق للعــــــدو ضيـــــم وتلاف
عدوهم ســـم الذحـــاحي سفوفه........يرجـــع معيف وضامـــره يرجف ارجــاف
عيال نومس مجدهم من اسـلوفه........مجد(ن)ثبت مثل العلم في نبا سنـاف
عــــدوهــــم لازم يــــواجه احـتوفه........لازم يصيــدنــــه مقاديــــــــر الاحتـــــاف
ضديدهم كاس المـــهونه رشــوفه........وللضيــــف عز وريــف بنفوسـ(ن) صخاف
هذا كلامي والوهوم مــــحــــذوفه........صافي مصفـى عـــن غثابيـــر وعـــــذاف
من منهل(ن) سحبه ترازم رجـوفه........ترعد وتبـــــرق وازرق الوبـــــل هتـــــاف
صدّق نويه والروى فـــي ضـــفوفه........يطفي ضمى كبد(ن) على اري ملــهاف
استبشرت كبد الثرى في هتوفه........واسقى ثراها وسم واسماك واصيــــاف
ياما غدت مثل الحدايق شـــعوفه........ربيع هجــس البــال وعـــروق الاجــــواف
رد(ن)على من لم وجهت اهدوفه........في معزلـ(ن) ماهو للســــرار كشــــاف
على لحن شاديه شغل دفـــــوفه........وحط الهدف ليّــه على حــــد ميهـــــاف
خطر(ن) على من يعتلي بمهيوفه.......عنه النقد مقطـــــــوع وامداد الاسعـــاف
دونه هجوم الوقت حشّد كـــحوفه.......يفتــــل بـــــرا داره والانياب شــــــــــلاف
بدر(ن) مطول في غياهب خسوفه.......ونجــــــــوم جوه بالغياهيــــب خســـاف
مايعيد وجهه يـوم بانت اكــــــتوفه........الا جبـــل رمــــــان ينزل علـــــــى رواف
الله يبيح اللي تصفـــح كــــشوفه........وشن الهجــــوم وعاد لعمــــال الاعنــاف
اعناف كونـ(ن) جايراتـ(ن) عنــوفه........يثّر على الخاطر مساميـــر ورضـــــــــاف
مبطي حرم قيس الملوح هنـوفه........والباهلي فاجـاه واصلـــــف بـــه اصلاف
حتى البداوه لفها فـي لفوفـــــه........راحت وانا ليّه بها شــــف واحســـــــاف
حاولت مار الوقت عوجـ(ن)جنوفه........ازريــــــت لاعـــــدل مقادير الاصــــــداف
والـــنومسي حاول يقاوم صدوفه........وعنها عجز واهمل ضعنــــها بلــــــذلاف
وعلي كز الـــــهجن واردف ردوفه........اطــــــلب وسيقــــــه ويتوسـف توساف
ضمن الحدا جاب الروابع يكــــوفه........برمـــــوز لــــــثقال الثــــقه تركف اركاف
من بعد ماعنها الشبوح مــحروفـه........أحــــــــيا ســــــعايرها وشبه باللـــياف
سنّف بها المكسور واحكم سنوفه........فزعـــــت وفا بسيوف شطرات ورهاف
سيّس بها الواقع وحصن سقـــوفـه.......وارســــل بها يمّـــي للشـــواق زفاف
سولف عن الماضي وصف وصـوفه........واهمل بها توصيف زينـــات الأوصـــاف
اللي لهن كل العقول مخفــــــوفه........مبــــــطي غلاهــــن لسلاطيــن لواف
يمكن بها قصده احسان ومــروفه........لايذكــــر المفــــطوم في در معــــطاف
هذا جوابي والعذاف مـــــــعذوفه........عن الــــــغثا ميلـــــــت بالبـــير نـــزاف
ودور(ن)تعده راح واقفت ريـــــوفه........والله كـــــــريم لـــــكل مـــــاراح خلاف
شمس الحقيقه مايطول كسوفه........تشرق بواســــع كونها عقب الاكساف
وان كان هجمات الجهام محيوفه........وحول الحمى جمع الطـــماميع زحاف
بعيونهم سم النواظر نســــــوفه........حنــــا عيال مدلــــهت حم الاشـــعاف
وان كان هي دمعة يتيم مخذوفه........يبكـــــــي ودمعه فوق الاوجان خذاف
لقمة نقاذه من يديه مخــــــطوفه........لــــو رجعت نوبه لـــها جاه خـــــطاف
غرفة كريم(ن)للفقير مغــــــروفه........ورشفــــة ضما جابه من الــبير غراف
وراحت لها العميان تطمر جروفه........وش يمــنع العميان عن طمر الاجراف
تنحا الضعن والحمل غطت ضلوفه........ياما قطع متن الجمل لحي الاضـلاف
ومن غير ذا شي(ن)تزايد كـــــثوفه........متخالط(ن)حاسد وفاســـــــد وبلاف
سلم الشرف والطيب داسوا شروفه........لولى خطات محنكن يدرا الاحياف
ماهزهزه حذف اليــــدين الشـــتوفه........اسند على يمناه عن حذف الاشتاف
دنياك فيها الغافلــــين مـــــهــــروفه........تزيد عــشاق الطمع كـــــون وهراف
وفيها كلاليب(ن)حـــــداد معــــكوفه........ونيـــــبان ثعبان(ن)للـــسمام قذاف
عمر الفتــى لازم يواجــــه قــــصوفه........لازم يجيــــه لتـــالي العـــمر قصاف
يامدبر اهل الكهف داخل قــــــــيوفه........تجــــعل لنا منزل جنـــات(ن) الفاف
هذا جوابي واخــتمه بالــــنكــــــوفه........عن تالي المسحوب وقلــوبنا نظاف
وارجى السموحه ياسلاليل حضوفه........كان التفق عن واقـــع الرمـي ذراف
وصلوا على اللي الدين ثبت وقــوفه........شفيــــــع الامــه يوم الارياق جفاف

[البآسل]

ابداع من شاعرين للابداع عنوان

مشكور اخي على النقل

[جايز المفوز]

ابداع من شاعرين صح السان الاثنين