يا سحاب القصايد ماك قبل الرعود ..

[محمد العاند]

أحيي الجميع في ويلان وأهدي هذه الأبيات لمقام سيدي خادم الحرمين الشريفين حفظه الله

يا وطنا تباشربابو متعب يعود=تو طاب القصيد وطاب موالها
الجزيره تلبس في قدومه ورود=يوم قامت تنادي له ولبى لها
والله انا بشوفه نحتفل بالصمود=لوتغير بلاد العرب واحوالها
كلنا يا وطنا لابومتعب جنود=صفوة ملوك يعرب واعظم رجالها
ياوطنا تزود وشعرنا بك يزود=واحمد الله شربت اليوم فنجالها
ثورة الشعر في صدري تفوق الحدود=ضمت الكون كله . شوف خيالها
في خفوقي هواجيسٍ تجيني ورود=ونوب اصدر هواجيسي على فالها
يا سحاب القصايد ماك قبل الرعود =لا نثرته جبلها صب شلالها
كل مخلوق ما بين الفنا والوجود= كل ما مد حبله مدت حبالها
واجمل الشعر يبقى في عيون الشهود=قصةٍ كم حكتها الناس لاجيالها
لكن اليوم جابت من دررها عقود=ولبستها العروسه فوق سلسالها
العروسه من اجمل ما هوتها الحشود=ما اهتوت غير من هو محتمي جالها
حبها وسط قلبه ورثةٍ من جدود=يوم جاها من اقصى الارض يسعى لها
تربة المجد مخلوطه بتربة خلود=اعتزت بابومتعب ويتعزوا لها
خيرها من تحتها طود من دون طود=من عطاها شعوب الارض تلجا لها
وخيرها من علاها بيت رب الوجود =بارك الله ما حوله على حالها
و الله اللي حماها من عيون الحسود=درةٍ والبحور الزرق تبرا لها
من طمع لو بحفنة من تراب النفود=تسقط الروس دونه قبل يشتالها

وسلامة الجميع

[العنود حسين]

الله يسلمك شاعرنا محمد العايد


قصيدة روعة الله يسلم لنا ابومنعب

دمت بخير

[محمد بن موسى]

الشاعر القدير / محمد العايد

صح السانك واعتلا شانك

قصيدة رائعه ومشاعر صادقه ووفيه بحق هذا الرمز والشخصيه العظيمه

ملك الخير والانسانيه ابو متعب


لاهنت على مافاض به قلمك من مشاعر صادقه وجزله


دمت بووود

[بنت الكحيلا]

صح لسانك اخوي محمد العايد

والله يعطيك العافية علىهذه القصيدة الراائعه

وتسلم على هذا البوح الراقي والصادق

لك شكري وتقديري

[غموض الشمال]

صح السانك اخوي محمد العايد على هذا الابداع

تسلم على اتحافنا بهذا النص الرائع

تقديري لك

[سليمان مفضي العنزي]

شاعر الكمال والجمال الشعري محمد العاند

صح لسانك على هذه القصيده الشامخه

تقبل اعجابي بما كتبت وتكتب دائما

[ماجد الغانم]

شاعرنا القدير محمد العاند

صح لسانك ولاهننت والحمدلله على عودة صقر العروبة

لله درك على هذه المشاعر الصادقة والتي جسدت مشاعر الجميع

دمت بكل خير