اســراب الطـيـور

[عيسى العنـزي]

اللـي يسمونـه حـزن مــا جـفـل اســراب الطـيـور=مـا دام اقصـى همهـا تملـى الحـشـى قـبـل الغـيـاب
لادرهمـت شمـس العصيـر.. ودنقـت بيـن الثغـور=مـا تخلـف الميعـاد.. لوغـدت مـا بيـن نـاب ونـاب
وان عودت لأعشاشها .. مـا مـرت بنقطـة عبـور=ما شالـت همـوم وعتـب ودروبهـا.. كبـد السحـاب
وانا .. لـي الله مـا رجيـت غيـره الفـرد .. الغفـور=يهـون جروحـي قبـل لا ذوب فــي وســط الثـيـاب
البارحـه ليلـي سهـر.. واطـلالـة افـكـاري شـعـور=اقل ما يمكن يكـون طعنـه مـن اطعـون .. الحـراب
ودانـي اطـراف الـهـلاك وحطـنـي خـلـف البـحـور=لـكـن توسـمـت الـعـفـو بالله عـــن درب الـذهــاب
مريـت فـي كـل الظـروف وعقـرب الساعـه يـدور=سهـران ليـن اخـر نجـوم اللـيـل ودعـنـي وغــاب
ودعيـت مـا دام الصبر..اجمـل علـى عـزم الامـور=ما همني لو كان اشوف الـدرب مـن خـرم العـذاب
واقول ما دام الشعر .. صاحب وفي شهـم وغيـور=مـن يـوم خاوانـي وانـا مـا بيـنـي وبيـنـه حـجـاب
اللـي ليـا منـي دعيـتـه جا..تـواضـع مــن غــرور=كنـي بريتـه مـن بـنـات الفـكـر ..سـددتـه وصــاب
اجيب من جمر..الهجوس وضيقتـي عـود وبخـور=وارفـع مقامـي عـن مقـام اهـل المـلامـه والعـتـاب
يالله تقدرنـي علـى دربـي وانــا.. طبـعـي صـبـور=مثل الجمل لامن بـرك للحمـل مـا يحسـب احسـاب
اعوذ ..بـك مـن غامـض العلـم وتناهيـت الصـدور=مـن شـر ..حاسـدن مـا تمتـلـي عيـنـه الا..تــراب
علمتـنـي مـالـم اكــن اعـلــم..لآن( الـعـلـم نـــور)=واسقيتنـي مـن فضلـك اللهم مـن عيـن الـصـواب
صحيـح مـن غـدر.. الزمـن والآلسنـه دمـي يفـور=كـنـه قــدور الأجــودي لا نـوخـت حـولـه ركـــاب
لاشـب نـار .. وزمجـرت ترحيـب بطـوال الشبـور=يـوم الـردي مـا همـه الا الهرولـه خلـف الـسـراب
ما دام عمره ما نبت عرق اخضر بروس الصخور=المجـد مـا يعطـى لمـن قفـل مـن دون الطيـب بـاب
لـذا قنصـت ومـا معـي الا .. عديـم مــن الصـقـور=عقب البطـى كنـه يقـول اليـوم بـس الجـرح طـاب
مديـت لــه كـفـي تنـهـض والتـفـت لفـتـة جـسـور=اومـيـت لــه بـيـدي تـولـم وابـتـدى جــز الـرقـاب
اليـن واريـت الحـزن والضيقـه بجـوف السـطـور=وعودت مـع دربـي وقنـاص الفلـس يطـرد غـراب

عيسى العنزي

[محمد بن موسى]

الشاعر القدير / عيسى العنزي

صح الله لسانك مدد بلا عدد

ابيات اقل مايقال انها رائعه
وقصيدة بمجملها وفكرتها مميزة

ولكن اتمنى اعادة النظر بشطر البيت
مـا تخلـف الميعـاد.. لوغـدت مـا بيـن نـاب ونـاب

ولو اعدت صياغته افضل وناب ( و) زائدة وتكسر البيت
ولو كانت ( مابين ضرس وبين ناب )

لكانت افضل


كذلك

اللـي ليـا منـي دعيـتـه جا..تـواضـع مــن غــرور

( تواضع من غرور )
هناك فرق بين التواضع والغرور ولايمكن الربط بينهم في صفه واحده
واعتقد انك تقصد ( تواضع مو غرور )

كذلك في الشطر ..
مـن شـر ..حاسـدن مـا تمتـلـي عيـنـه الا..تــراب

اعتقد ان هناك خلل وعدم اختيار موفق للمفرده ( تمتلي ) ( الا )
ولو صغتها بشكل افضل لكانت انسب

علمتـنـي مـالـم اكــن اعـلــم..لآن( الـعـلـم نـــور)
واسقيتنـي مـن فضلـك اللهم مـن عيـن الـصـواب

صحيـح مـن غـدر.. الزمـن والآلسنـه دمـي يفـور
كـنـه قــدور الأجــودي لا نـوخـت حـولـه ركـــاب


بيتين من اروع ماقرأت
لله درك ياعيسى

تقبل مروري وفائق احترامي

[سالم صالح]

عيسى العنزي


رااااااااائع وجميل هذا النزف الراقي


تشبيهات وتناغم مميز وفريد


صح السانك وبامانه قصيدة شامخة بشموخ تواجدك


تقبل تقديري

[سليمان مفضي العنزي]

القصيده على طاروق رائع

وفي الحقيقه فيها مفردات مميزه جدا

وتراكيب جماليه ابداع

لكني لا ادري احس ان هناك بعض الاشطر فيها ثقل او ان هناك اخطاء املائيه

الا ان القصيده شامخه بحق

صح لسانك اخوي عيسى

[حمد الخمعلي]

الاخ عيسى العنزي

قصيده جميله ورائعه0


اتفق مع اخي محمدبن موسى على كل ما ابداه0

كُن بخير

[البدر]

هالقصيده فيها شيء غريب !!!

شاعر استطاع ان ينسج هذا الجمال الشعري وهذه التراكيب الشعريه المميزه جدا .

قصيده اقل مايقال عنها بأنه ممتعه وشامخه ...

الا ان الغريب ان هناك خلل في وزن بعض الاشطر لاادري هل هناك خطأ في الطباعه !!!!

اخوي عيسى العنزي انت شاعر مختلف وتكتب مالايستطيع غيرك ان يكتبه ولديك ابيات في هذه القصيده عن عشرات الابيات

الا ان هذه الاشطر ارى انها تعاني من خلل في الوزن

مـا تخلـف الميعـاد.. لوغـدت مـا بيـن نــاب ونــاب
وانـا .. لـي الله مـا رجيـت غيـره الفـرد .. الغـفـور
مـن شـر ..حـاسـدن مــا تمتـلـي عيـنـه الا..تــراب
المجـد مـا يعطـى لمـن قفـل مـن دون الطيـب بـاب

اعتذر على تطفلي واسجل اعجابي بك كشاعر

[بدرفهد الجعفري]

الله الله الله

كذا الشعر والا فلا

نعم تعاني من بعض الخلل في بعض الاشطر كما قال الاساتذه من قبلي لكن من جهتي لايعيبه ولايقلل من جماله

صح لسانك ياعيسى