هناك أبيات تميزت بقوة المعنى وجزالة اللفظ والدقة في وصف الحدث فلامست أعماق الناس وخاطبت همومهم وقضاياهم لذلك علقت في الأذهان والعقول وترددت على الألسن وضربت بها الأمثال في المناسبات المشابهة ... تلك الأبيات خلدها الحفظ والترديد المستمر بين الناس حتى يومنا هذا
أنـا وربعـي كلبـونـا جمـاعـه
الدين واحد والهدف خدمة الشعـب
لا ضاق صدر الشعب ما أستر ساعه
أضيق ليمن ضاق وأحـب لا حـب
المغفور له الشيخ صباح السالم الصباح
أحفظ دبشك اللي عن الناس مغنيك
اللي ليا بان الخلـل فيـك يرفـاك
وأعرف ترى مكة ولاها بناخيـك
لو تطلبه خمسة ملاليم ما أعطـاك
والحر مثلك مـا يصحـب الديـك
وإن صاحبه عاعا معاعات الأدياك
بركات الشريف
إن جاد لك حظك باع لك واشترى لك
فوائده مـع كـل الأبـواب تأتيـك
وإن بار بك حظك دلا يهزل حلالـك
بأردى الثمن لزمٍ يبيعـك ويشريـك
وإن جاد لك حظك بالمجالس حكى لك
وصدّق مقالك كل من لـك يحاكيـك
وإن بار بك حظك دلا يكذب مقالـك
وتصير كذبات المـلأ كلهـن فيـك
محمد بن عون
من عوّد العين المنـام تعـوّدت
ومن عوّد العين المساري تعاود
ومن عوّد الصبيان أكـل بيتـه
عاودوه في عشر الليالي الشدايد
نعـد الليالـي والليالـي تعدنـا
العمر يفنـى والليالـي بزايـد
راشد الخلاوي
النوم رأس اللوم بان الردى بـه
واللي يبي الطولات نومه شلافيح
الذيب ما يرقـد ورزقـه نهابـه
يدوّر الغرات عنـد المصاليـح
واللي يبا الطولات يتعب ركابـه
والعز بأكوار النضا ياهل الفيـح
مريبد العدواني
ليا عاد ما للرجّال رأيٍ يدله
يأخذ من أشوار الرجال دليل
الشريف جري الجنوبي
فتى بلا عزم حياته مذلـة
والعزم لقلوب الرجال طبيب
محمد الأحمد السديري
مقام الفتى في منصب العز ساعة
ولا ألف عام يصحب الذل صاحبه
راشد الخلاوي
الحمّـرة تـدك معوشـة عيالهـا
وألا الرجل يبغى منه بعض الأحوال
خلف أبو زويد الشمري
ليا صار ما توفي عميلك من الصاع
ما ينقعد لك عند حصـن النواهيـم
شبرٍ من البيداء يعوّضك بالافـزاع
وسود الليالي يبعدنك عن الضيـم
سعدون العواجي
الضرس يعبى له عن السهر مقلاع
حتى تنام العين مـا هـي طلابـه
خلف الأذن
حيٍ يوريـك المذلـة وتغليـه
أنا أشهد إنك ميت القلب عامي
من لا يودك لا توده وترجيـه
أرفع مقامك يا عزيز المقامـي
محمد الأحمد السديري
أنا أشهد إن بقصرة الرجل نوماس
لا صار ما للرجل داعـيٍ دعاهـا
مبارك بن عبيكة
لا يأمن المظهود جمع المعـزة
ولا يأمن الجمع العزيز الظهايد
أيضا وبيت الفقر لا يأمن الغنى
وبيت الغنى لا يأمن الفقر عايد
ومن لا يسقي كنة القيظ زرعه
فتراه يفلس منه ليالي الحصايد
راشد الخلاوي
يا بايعٍ جوخٍ على غير أهاليـه
مثل الذي ينزل بقصـرٍ خرابـه
ولد الردي لو طاب لك لا تماشيه
يومين والثالث يبين الردى بـه
مشعان بن هذال
لعل قصرٍ مـا يجـي لـه ظلالـي
ينهد من عالـي مبانيـه للسـاس
لا صار ما هـو مدهـلٍ للرجالـي
وملجأ لمن هو يشكي الضيم والباس
محمد الأحمد السديري
لا تأخذ الدنيا خراصٍ وهقوات
يقطعك من نقل الصميل البرادي
لك شوفةٍ وحده وللناس شوفات
ولا واديٍ سيله بفيض بـوادي
عبدالله بن سبيّل
الأجواد إن قاربتهـم مـا تملّهـم
والأنذال إن قاربتها عفت ما بها
الأجواد وإن قالوا حديثٍ وفوبـه
والأنذال منطوق الحكايـا كذابهـا
الأجواد صندوقين مسك وعنبـر
ليا فتحت أبوابها جاك مـا بهـا
والأنذال لو غسلوا ايديهم تنجّست
نجاسة قلوبٍ ما يفيد الدواء بهـا
محمد المهادي
أحدٍ على جاره بختـري ونـوّار
وأحدٍ على جاره صفـاةٍ محيفـه
خطو الولد مثل البليهي ليـا ثـار
زودٍ على حمله نقل حمـل أليفـه
وخطو الولد يا مال قصّاف الأعمار
لا نافـعٍ نفسـه ولا منـه خيفـه
مقحم النجدي الصقري
ليا خاب ظنك بالرفيق الوالـي
ما لك مشاريهٍ على نايد الناس
محمد الأحمد السديري
أحدٍ ينام وحط رأسـه بكمـه
وأحدٍ تخم النوم عينه وتخطيه
وأحدٍ يحاول بالردا بنت عمه
وأحدٍ يدوّر ستر عذرا عوانيه
ماني وأنا بندر بيـاع دمـه
يقطعك يا بياع دمه وشاريـه
بندر بن سرور
من لا يديس الرأي من قبل ما ديس
عليـه داسـوه العيـال القرومـي
ومن لا يقلّط شذرة السيف والكيس
يبدي عليه مـن الليالـي ثلومـي
والقصر ما يصلح على غير تسييس
ومن لا تعلـم مـا تفيـد العلومـي
تركي بن حميد
المراجـل مـا تهيّـا هالسّويـا
كود من عض النواجذ في سنونه
لا بغيت الهون درب الجود عيّا
حالفٍ ما أرضى لنفسي بالمهونه
عبدالله القريفة
الناس ما تسقيك لا صرت عطشان
ولا يشرب المضمي كود من ذراعه
أضرب على الكايد ليا صرت بحلان
وعند الولي وصل الحبل وإنقطاعه
عيبٍ على اللي يتقي عقب ما بان
وعيبٍ طمان النفس عقب إرتفاعه
عبيد العلي الرشيد
من حل دار النـاس حلّـوا ديـاره
لابد مـا تسكـن ديـاره ويغبـن
ومن شق ستار الناس شقوّا ستاره
ومن ضحك بالثرمان ضحك بلا سن
شالح بن هدلان
يا كليب شب النار يا كليب شبه
عليك سبه والحطب لك يجابي
حنا علينا جيب ماهـا وحبـه
وهليك تقليط الـدلال العذابـي
دغيم الظلماوي
خمسة عشر فنجال لحنيف صبيّت
لو كان بطنه قربـةٍ قـد ملاهـا
( .......... )
لا تحسبني من دلالـك تقهويّـت
ما تنقه الشرّاب من كثـر ماهـا
يا عنك ما سويتتها يـوم سوّيـت
قلّلـت الهيـل وكثّـرت مـاهـا
يا موصي الحرمة على صكة البيت
تقول منتـه فيـه وأنتـه وراهـا
حنيف بن سعيدان
شبعنا وشبع الذر من زاد سورنـا
وللـذر فـي زاد الكـرام معـاش
يعطي العطى من كان ضاريٍ للعطى
ويمن العطى من كـان خالـه لاش
ومن يعرّب منسبـه قبـل منشبـه
تـروح علـه عيلانـه بــلاش
( .......... )
عرّب وليدك عرّبـه
والنار من مقباسها
والعز بوروك النساء
اللي عريبٍ ساسها
بنت الردي لا تأخذه
لو هو طويلٍ رأسها
( .......... )
لا تأخذ الهزلا على شأن مالها
ولا تقتبس من نارهم بالوقايد
لا تأخذ ألا بنت قـومٍ حميـده
لعل ولدٍ منها يجـي بالفوايـد
راشد الخلاوي
أبا أنذر اللي من ربوعي يبا الطيب
لا يأخذ ألا من بيـوت الشجاعـه
يجي ولدها مـذربٍ كنّـه الذيـب
عزٍ لأبوه وكـل مـا قـال طاعـه
وبنت الردي يأتي ولدها كما الهيب
غبنٍ لأبـوه وفاشلـه بالجماعـه
يا كبر زوله عند بيـت المعازيـب
متحـريٍ متـى يقـدم متـاعـه
شالح بن هدلان
هجننا ما ركبهن كـل زاروبـه
كود من هو عريب الجد والخالي
الظفر ساعه وإن حلّ ماجوبـه
والمراجل لها حـزّات ورجالـي
ضيدان الحريبي العارضي
المجلس اللي به اسماعيل وسعيد
ينعاف لو إنه على الكبد غالـي
أسماعيل ما سمته سمت الأجاويد
وسعيد ما داجوا عليه الرجالـي
عدوان الهربيد
لولا الهرم والفقر والثالث الموت
يا الآدمي بالكون يا عظم شأنـك
لولا الثلاث وشأن من قدّر الفوت
نفذّت كل اللـي يقولـه لسانـك
محمد الأحمد السديري
أيامنـا والليالـي كـم نعاتبـهـا
شبنا وشابت وعفنا بعض الأحوالي
بديوي الوقداني
شابت لحانـا مـا لحقنـا هوانـا
وعزي لمن شابت لحاهم على ماش
مبارك بن مرجان
ما مال ألا فارغٍ من زبرها
ولا حي ألا مقتفيه المماتي
سعدون العواجي
أنا حسن ماني بولـد حيضريـه
ولا زهملتني عند بيبان دورهـا
أنا حسن صعيب رأيٍ بمجلـس
ليا تاه رأيي القوم عدّلت أمورها
درني وتلقاني ورى شمّخ الـذرا
أضرب بعيدان القنا من يدورهـا
أضرب لعنـا فاطـرٍ ننتخيبهـا
نعيش في درٍّ طلع من شطورهـا
تملأ القدح بكـرٍ وتمـلاه ثانـي
وتملأ صميل الجود حزّت فطورها
وليا نزلنـا منـزلٍ مـا يسرّهـا
الصبح وحنا معتليـنٍ ظهورهـا
نعشي معاشيها ليا طبّـت الحيـا
الحمض والماء مالياتٍ نحورهـا
حسن بن سرحان الهلالي
يوم كـلٍ مـن عميلـه تبـرّا
حطيّت الأجرب لي عميلٍ مباري
الامام تركي بن عبدالله آل سعود
يا ناشدٍ عني ترانـي شليويـح
قلبي على قطع الخرايم عزومي
وليا قلّت الوزنه وربعي مشافيح
أخلي الوزنه لربعي وأشومـي
شليويح العطاوي
يرزقني رزّاق الحيايـا بجحرهـا
لا خايلت بـرقٍ ولاهـي بحايلـه
ترى رزق غيري يا ملأ ما ينولني
ورزقي يجي لو كل حـيٍ يحايلـه
حجرف الذويبي
وراك تزهد يا أريش العين فينا
تقول خيّال الحضر زين تصفيح
الطيب ما هو بس الضاعنينـا
قسّم على كل الوجيه المفاليـح
بداح العنقري
يا دباس ما يصبر على البق والحاس
ألا الـذي مـا لـه بنجـدٍ عشيـره
محمد أبو دباس
يا دحيم ريضان الجماعة مريفه
واللي مع الأجناب كنه على نار
الطير بالجنحان ما أحلا رفيفـه
وليا إنكسر حدا الجناحين ما طار
ويمنى بلا يسرى تراها ضعيفه
ورجلٍ بلا ربعٍ على الغبن صبّار
عبدالله بن سجوان الرويس
ياما حلا يا عبيد بوقت الأسفار
جر الفراش وشب ضو المناره
مع دلةٍ تجذا على صالي النار
ونجرٍ ليا حرك تزايد عبـاره
وأخير منها ركعتين بالأسحار
لا طاب نوم اللي حياته خساره
تركي بن حميد
ياما حلا الفنجال مع سيحة البال
في مجلسٍ ما فيه نفسٍ ثقيلـه
هذا ولد عمٍ وهـذا ولـد خـال
وهذا رفيقٍ مـا لقينـا مثيلـه
راكان بن حثلين
والله يا لولا العظم يومني أمـلاه
أكويه بالجمرة ويكـوي جروحـي
مع دلةٍ صفرا على النـار مركـاه
أقصر بصبتها على كيف روحـي
فنجالها يشدي خضاب الخونـداه
الجادل اللي عند أهلهـا طموحـي
عدّه لمن يثني خـلاف المخـلاه
فكاك بالضيقـات راع اللحوحـي
وعدّه لمن تدفق السمـن يمنـاه
عيدٍ لربعه بالزمـان الشحوحـي
وعدّه لقـرمٍ مـا تونـي مطايـاه
يضوي ولو صكت عليه النبوحـي
وباقي الرجال فحول نسوان ورعاه
ضباط مال وحافظيـن السروحـي
ذعار بن مشاري بن ربيعان
طسّ السبيل من أشقر التتن طسّه
الشاوري يجلي عن الكبـد علّـه
من كيس قرمٍ يجدعه مـا يدسّـه
تلقاه مقـروطٍ علـى جـال دلّـه
لا شفت خطو الظول بالك تعسّـه
وإن فارقك شر المخاليـق خلّـه
ولي عجـوزٍ كـل بيـتٍ تعسّـه
ضافٍ على كل المخاليـق ظلّـه
لو عندنا من غيب الأيـام رسّـه
الآدمـي مصلـوح نفسـه يدلّـه
محمد بن مهلهل بن شعلان
يا شارب التنباك شاربك لا طال
إياك وإيـا واحـدٍ جـاز دونـه
مادام به نقصٍ على الحال والمال
أيضا وشرّابـه يدمّـر سنونـه
ثم استدركت ذلك بهذه الأبيات بعد أن سمعها زوجها:
شرابة التنباك بهم سعة بـال
واللي طويلٍ شاربه يقصرونه
يستاهل التنباك مثل ابن هذال
اللي يصرّه في مثاني ردونه
زوجة مشعان بن هذال
أشوف مسلوب الحشا مرسلٍ لـي
رسالةٍ تخلينـي أصخـي بفرقـاه
إن كان مقصـود الحبيّـب تغلـي
ما أقبلك يالمرسول لنـتَ وليـاه
أمي ليـا شافـت زولـي تهلـي
وألا الغضي ليا شاف غيري تحلاه
( .......... )
من صد عني له الطاروق خليته
عيبٍ على البنات الناس يبلاها
محمد بن حجي المطيري
لي بنت عمٍ ما وطت درب الأدناس
ولا دنست يـوم النسـاء يدنسنـي
ضربتها وأنا أحسب الضرب نوماس
طلقتها يـوم أفخـت العقـل منـي
سعد بن مشعل المطرفي البلوي
طيري غدا والسلوقي راح
لا وا حلالاه يـا طيـري
أصيح وأدعيه بالملـواح
وأظن طيري لقى غيري
( .......... )
يا راكب اللي بعيد الخـد يطوّنـه
حراير من ضرايب جيش ابن ثاني
تكفون ياهل النضا سجّوا عليّهنـه
سجّوا ولجّوا وسيور العمر فانـي
لابد من خرقةٍ بيضاء على السنّه
الموت من قبلنا ما عاف راكانـي
محمد بن جارالله المري (هناك اختلاف كبير على اسم شاعرها)
يا الله أنا طالبك حمرا هوى بالي
لا روّح الجيش طفاحٍ جنايبهـا
يرحمك يا عـودٍ شراهـا لـي
من واحدٍ بالسوق جاك جالبهـا
فراج بن ريفه القرقاح
يا ذلولي وإن نزرتك سامحينـي
وإدمحي لي زلتي مما جرى لـي
قاعدٍ عند هل الـدرب شهرينـي
وا عذاب اللي يعـدون الليالـي
الشهر عندي يجي مثل السنيني
وإن مضى يوم يروح بنص حالي
يوم زان الدرب قالوا مرخصيني
إنتويت اللي عن الشقة شمالـي
نزال بن رشيد المعصب الرشيدي
التايه اللي جـاب بصـري يقنّـه
جدّد جروح العود والعـود قاضـي
نهجت أبي مـن رب الإلـه جنّـه
وعوّدت في عمياي عقب إفتراضي
لا ريحته قثـرة ولا هـي مصنّـه
ريح النفل بمطمطمـات الفياضـي
بصري الوضيحي
ريحه كما ريح النفل فـي شعيبـه
في خايعٍ علّه من الوسم تشعيـب
ممطور أمس وممسيٍ ما وطي بـه
واليوم شمس وفاح طيبٍ على طيب
سليمان بن شريم
ليا صفى لك صاحبك وأنت مشتاق
أقطف زهر ما لاق والعمر ملحوق
محمد العبدالله القاضي
سرا البارق اللي له زمانيـن مـا سـرا
صدوق المخايل بارقـه يجـذب السـاري
برا الجرح منه ومني الجـرح مـا بـرا
وهو يحسبني يوم طـال المـدى بـاري
صويب الهوى مسكين مشيّـه إلـى ورا
ترى النقص فيه وحيله أقوى من الضاري
سليمان بن شريم
هبّت هبوب الشمال وبردها الشيني
ما تدفي النـار لـو حنـا شعلناهـا
ما يدفي ألا حضن مريوشة العينـي
في طرق زوليةٍ والورع مـا جاهـا
عديّت في مرقبٍ والليـل ممسينـي
في ديار غربٍ لعل السيل ما جاهـا
أضحك مع اللي ضحك والهم طاويني
طويت شنون العرب لا قطروا ماها
( .......... )
قالوا تتوب مـن الهـوى قلـت لا لا
إلا إن تتوب رماح علوا عن الـزرق
قالوا تتوب مـن الهـوى قلـت لا لا
إلا إن يتوبون الحناشل عن السـرق
قالوا تتوب مـن الهـوى قلـت لا لا
إلا إن تتوب الشمس عن مطلع الشرق
محسن الهزاني
يا مل قلبٍ يسـج وفيـه دولاجـه
من هاجسٍ بالضماير قـام يدرجهـا
في معزلٍ عن جميع الخلق وازعاجه
ما أسمع من الناس لو تكثر لجايجها
قلبٍ يناجيك بأسلوب الهوى ناجـه
يشكي لك الحال داخلهـا وخارجهـا
أما إلتفت له وتم الوصـل بمواجـه
وألا تنعاف عشرةٍ هـاذي نتايجهـا
عبدالله بن نايف بن عون
لولا الحيا والله لا أصيـح
صيحة يتيمٍ ضايمينه عمامه
أبوه بين النصايب طريـح
وأمه توفت قبل يبلغ فطامه
مفرح الضمني
من يشتري قلبٍ همومه ملايين
ويبيعني قلبٍ من الهـم خالـي
عبيد بن حطاب
يا قرب واشنطن ولندن وباريس
حذفة عصا للي رصيده ملاييـن
علي القحطاني
تو ما شافت غزير الزين عيني
طارت الغدفة وشفت اللي تحتها
الجدايل فوق متنـه سبحتينـي
يا صباح الخير ياشوف اطخمتها
بس عذروب الحبيّب شارتينـي
مع سواد عيونها طول رقبتهـا
لعنبوك اخذي ذلولي وامنحينـي
عندكم تسوا ولا عند اطمعتهـا
زيد بن غيام
مهوب خافيني رجـال الشجاعـه
ودي بهم بس المناعير صلفيـن
أبي منـدسٍ بوسـط الجماعـه
يرعى غنمنا والبهم والبعاريـن
لو أضربه مشتّـده فـي كراعـه
قال أضربي والناس ما هم بدارين
مويضي البرازيه
برقٍ مصدٍ لو مزونـه لهـا نـور
لا تستخيله لـو ربيعـك شفاقـه
من لا استشارك لا تعدي له الشور
ولا يـودك نـور عينـك فراقـه
الدقيس الجمّيليّه
اللي يته بالليل يرجي النهارا
واللي يته بالقايله من يقديه
مويضي البرازيه
الزول زولـه والحلايـا حلايـاه
والفعل ماهوب فعل واف الخصايل
زوجة وديد بن عروج
يا عين هلي صافي الدمع هليه
وليا انتهى صافيه هاتي سريبه
اللي يبينا عيّت النفس تبغيـه
واللي نبي عيّا البخت لا يجيبه
نورة الهوشان
من عافنا عفناه ولو كان غالـي
ومن باعنا بالرخص بعناه بزهود
مزنة بنت مكازي
أصفر على أصفر ليت محسن يشوفه
توّه على حد الغرض ما بعـد لمـس
( .......... )
راكب اللي لا مشى يسهي سهياني
ما يداني رجـل سواقـه تنوشـه
قاصد اللي عقبهم عفت المكانـي
كن قلبي من عراويه محشوشـه
نورة السبيعية
يفداه من يمشي على الأرض من فوق
واللـي يشوفـون القمـر والثـريـا
ويفداه من يركب على الخيل بعـروق
مع خيل ابن هنـدي وخيـل المحيـا
قمرا الدعجانية
بعض العرب موتهم تخفيف
مير البلاء موت عبـدالله
مرحوم يا مهليٍ بالضيـف
يا مكثّـر الهيـل بالدلّـه
يا صفقهن ووردن عيـف
وياما حمـى كـل منتلّـه
ليا مسك زينة التواصيـف
الدم مـن مضربـه شلّـه
كنة الشمرية ترثي زوجها
02/01/09, (11:49 PM)
ابيات تاريخيه مختاره
العرض العادي
