= : (( الشاعر الكبير المجدد / محمد بن لعبون رحمه الله )) : =

[احساس شاعر]

بسم الله الرحمن الرحيم

اخواني الكرام / أعضاء ومتصفحي منتديات ويلان السلام عليكم ورحمة الله وبركاته وبعد : إليكم بعض قصائد الشاعر الكبير المجدد / محمد بن لعبون المدلجي الوائلي رحمه الله وأسكنه فسيح جناته
ولا يخفاكم أن والده الأديب المؤرخ إمام جامع ثادق / ابن لعبون صاحب التاريخ المشهور والذي نشر أغلبه فضيلة الشيخ / عبدالله بن عبدالرحمن البسام
ضمن كتابه خزانة التواريخ النجدية وقد قرأ الشاعر على أبيه القراّن كاملا وشيئا من الأدب والفقه والتفسير
قبل سفره إلى مدينة الزبير ولذلك كان نابها بين شعراء عصره رحمهم الله جميعا وأسكنهم فسيح جناته
ومن أشهر قصائده القصيدة التي يقول فيها :

سقى غيث الحيا مزن تهاما = على قبر بتلعات الحجازي
يعط ابها البختري والخزاما = وترتع فيه طفلات الجوازي
وغنت راعبيات الحماما= على ذيك المشاريف النوازي
صلاة الله مني والسلاما= على من فيه بالغفران فازي
عفيف الجيب ما داس الملاما= ولا وقف على طرق المخازي
عذولي به عنود ما يراما= ثقيل من ثقيلات المرازي
أبو زرقا على خده علاما= تحلاها كما نقش بغازي
عليه قلوب عشاقه تراما= تكسر مثل تكسير القزازي
ألا يا ويل من جفنه على ما= مضى لي من لذيذ النوم جازي
تكدر ما صفا لي ياما وياما= صفا لي من تدانيه المجازي
ومن قبله الى هب النعاما= يجونه على مثل الخزازي
ليالي مشربي صفو المداما= وثوب الغي منقوش الطرازي
مضى بوصالها خمسة عواما= وعشر كنها مجزاة جازي
بفقدي له ووجدي والغراما= تعلمت النياحه والتعازي
وصرت بوحشة من ريم راما= ومن فرقاه مثل الخاز بازي
عذولي في هواها والملاما = يعزيني وأنا ما نيب عازي
وكل البيض عقبه لو تساما= فلا والله تسوى اليوم غازي
سلينا لا حلال ولا حراما= عليهن الطلاق ابلا جوازي
حياة الشوق فيها والهياما= وجعد فوق منبوز العجازي
وخد تم مثل بدر التماما= وقد منه يهتز اهتزازي
فلا بي عقبها زاد ولا ما= وجزت من الهوى والغي جازي
وخضت ابحور ليعات تطاما= خلاف الخل ما أدري وين باّزي
نكيف الهم في قلبي تراما= وجيش البين بالغزوان غازي
أريده وانكسر كسر السلاما= بسيف جرده ماهوب هازي
على بخت الدهر ليته تعاما= وخلاها وليته ما يوازي
وليتي ما حكيت ابها وأنا ما = بكيت الها وفي قلبي حزازي
أسلم له ولا رد السلاما = عزيز من عزيزات اعزازي
أظل هايم بها دوم الدواما= اهمومي فيه تنحاز انحيازي
أباح الله يامن بالملاما = يسلم يوم ترزان الروازي
وصلاة الله مني والسلاما= على قبر بتلعات الحجازي

ولا تقل عنها شهرة القصيدة التي تغنى بلحن سامري أهل عنيزة والتي يقول فيها :

يا علي صحت بالصوت الرفيع= يا مرة لا تذبين القناع
يا علي عندكم صفرا صنيع= سنها يا علي وقم الرباع
نشتري يا علي كانك تبيع= بالعمر مير ما ظني تباع
شاقني يا علي قمرا وربيع= يوم أنا آمر وكل أمري مطاع
يوم أهلنا وأهل مي جميع= نازلين على جال الرفاع
ضحكتي بينهم وأنا رضيع= ماتساوي بكيتي يوم الوداع
هم بروني وأنا عودي رفيع= يا علي مثل ما يبرى اليراع
طوعوني وأنا ما كنت أطيع= وغلبوني وأنا ظفر شجاع
وجد عيني على ظبي تليع= عندكم كن في خده شماع
شيبتني وأنا توي رضيع= جاهل تو في سن الرضاع
سايمن الهوى يا من يبيع= سايمن الهوى لاهل الرفاع
وأنت يا لايمن جعلك تضيع= ما تماري بها مثل الشعاع
ودي أسلاه و الكون الفنيع= سلوتي يا علي ما تستطاع
دون مي الظبي وأم الوضيع= والثعالب و تربيع الشراع
وراس ريع دخل في بطن ريع= مستطيل ودخل وديان وساع

وله هذه القصيدة :

غرامي ليه ما تسلى علاما= بك الليعات أو صابك هياما
أو الديجور لما أ ضفا جناحه= قزت عيني اذا المخلوق ناما
الى منه بغت عيني تهملج= نفاه الهم وانزاح الملاما
اعالج فكرتي بالهون وأعذل= وقلبي باح واشتد الغراما
تزايد بي هوى بالقلب وانحل= بجسمي والهوى بالقلب هاما
أنا المفجوع يا مشكاي فيمن= يخجل الشمس في نوره الى ما
تبين حسنه المكنون وأسفر= على العالم كما بدر التماما
الى منه نوى قتلي بساعه= نهض طرفه وسلهم يا سلاما
تكسر لي بلب الصدر عبره= وهل الدمع مني بانسجاما
تشبه لي يفكر لي لكنه= صفات الحور أو در يتاما
وبثغره خيط شبه القوس لولو= وعينه سل لي فيها حساما
نعيم القد صافي الخد حبه= صطا بالقلب ورث بي سقاما
سواد الخال في خده بياضه= على خد زها نقش الوشاما
وشخصه كنه الريم المعزل= وسواد مجدله مثل الجهاما
وكشح هاضم وكتفه وردفه= كما طعس تلبده الغماما
ونهد يشبه الرمان زيه= زهن بالصدر جوزينن تماما
ولا منه تكلم ذاب قلبي= ذريب النطق منجوب العماما
وكف طاب يزها له بنانه= خضاب الطيب مع ريح الخزاما
وحمر بالمذارع يذبحني= وبجيده خمسة عقود تماما
زها حسنه رياح في جماله= بزهر الروض زاهيه الزماما
وهو يزداد في غاية دلاله= وأنا مهموم ليعاتي عظاما
ألا يا حادي الأظعان ارفق= تحمل له تحيات وسلاما
على المحبوب لو هو لي تنوا= لقتلي والقتل فعله حراما
وهذا يا هل العيرات دنوا= لنا عشر من الهجن الهماما
أباصل من محني في وداده= ودمع العين في خدي نظاما
أباصل من ذبحني وامتحني= وحبه بالحشا يبني خياما
تمام القول آخرها نصلي= على المختار ما ناح الحماما

منقول بتصرف وأنتم سالمون وغانمون والسلام .

[خلف الغريب]

الكريم احساس شاعر ...

الف شكر على هذا النقل الوافي وفقك الله ...

تحياتي لك وبانتظار جديدك ...

[هيـاا العـازمـي]

احساس شاعر

بيض الله وجهك

ولاهنت على هالرووعه والجزالة

قصائد بديعة لـ شاعر باذخ

رحمه الله واسكنه فسيح جناته

ما قصرت يا احساس شاعر

يعطيك العافيه

وفي إنتظار جديدك

تقديري

هيــــااااا