قصيـدة مشعـل الضوي في حفل الرولــه

[سعود العواجي]

قصيده للشاعر الشاب المبدع / مشعـل الضوي في حفل الروله الاسبوع الماضي .

سلام ياشيخ النصير ويارياجيل النصير = تسليمة ٍ مضمونها طيب ومعزه وافتخار
تسليمة ٍ مضمونها طيـّب ومصدرها كبير = من شاعر ٍ اشعل بعتمات الليال السود..نار
سلام ياربعي هل العليا هل الاسم الكبير = انتم كبار اسما وفعايلكم كما اسماكم كبار
يحير فيكم هاجس الشاعر وتفكيره يحير = لأن كثر امجادكم تؤخذ بعين الاعتبار
انتم فعايلكم وطاريكم كما البدر المنير = لا لا وش البدر المنير إلا كم وضح النهار
تاريخكم شامخ وفوحه كادي ومسك وعبير = ولا على وقفاتكم من ماضي الدنيا ..غبار
انتم معزين الخوي انتم معينين الفقير = أنتم ملاذ الجار لامن الزمن عليه جار
أنتم رويل اهل الوفا والطيب عون المستجير = انتم رويل اكبر من بيوت الشعر والابتكار
انتم طوال شبار مافيكم رجل شبره قصير = وكبار فالشده ولا فيكم على الشده صغار
الله خلقكم اهل طيب واهل جود واهل خير = ولا لكم إلا الوفا والعز والنخوه شعار
يوم انها صهيل خيل وضرب سيف وطرح طير = وانتم رويل اللي وميض عيونكم يقدح شرار
امجادكم تشهد ولايحتاج آوضح كثير = لكن بقول اللي بصدري عن غلاكم بااختصار
انتم بني وايل كعام الضد باليوم العسير = عيال عم وروس قوم واهل تقدير ووقار
ومبروك حفلك يافهد وادعوا عسى ماهو الاخير = عسى افراحك دايمه وعسى حياتك فاازدهار
وإلا سطم شيخ النصير الهاجس بمدحه فقير = هذا ابن عبيكه سطم حر ومن سلالة حرار
ومدامنا جينا وابن عمي على الماقف خشير = لا والله إلا ابشروا بالشعر من اثقل عيار

[خلف الغريب]

فعلا عيار ثقيل...

تسلم يا سعود ويسلم مشعل الشاعر الكبير.....

يعطيك العافية...

تثبيت بواسطتي..

[سعود المسعودي]

تسلم يا سعود ويسلم مشعل الشاعر الكبير.....

يعطيك العافية

[ماجد الغانم]

كفو والله يامشعل وبيض الله وجهك

دايماً رايتك بيضاء

ويستاهلون الروله هذا المدح


...
.
أخوي سعود كل الشكر لك على هذا الأختيار الجميل

تقبل خالص تحياااتي

[فهد الشافي]

قصيدة رائعة للشاعر مشعل

ونقل رائع من المبدع سعود العواجي

تحياتي

[سعوط المجانين]

صح لسان شاعرنا مشعل الضوي ويستاهلون هلا العليا

...

[هيـاا العـازمـي]

الشاعر/ مشعل الضوي

أنشهد إنك كفييت ووفييت

ووجهك أبيض على هالباذخة الشامخة

ويستاهلون الروله

.
.

سعود العواجي

كل التقدير على هذا الانتقاء الرائع

تقديري

هيــــاااا