ليه تزعل يالغالي ..!

[ابو ريناااااد]

ارسلها لأي شخص زعلان وهو اللي بيراضيك

نزعل ونتكبر وحنا من الطيـن=والكل منا يصـد لااقبـل خويـه
نفخر نقول انا على الصد قاوين=وهي علينـا فالحقيقـه قويـة
ننسى نهايتنا وعلى وين ماشين=وننسى الزمان اللي جمعنا سويه
المشكلة ماهي بحاجه لتخميـن=ولاعلينـا صعبـةٍ هالقضـيـة
دق الرقم كيفك هلافيك واهليـن=انا الخوي اللي مزعـل خويـه
تغيب وزولك صورته داخل العين=ويبقى لحبك في خفوقـي بقيـه
اخواااااان حنا لويجي بيننا شين=ومانفتـرق دام المحبـة نديـه
خلك قوي لاتحتكرك الشياطيـن=قبل الفوات وقبل وقـت المنيـه
هذي هي الدنيا من الحين للحين=لابد بين الناس تحصـل خطيـه
ومن لايقدر غلطة احبابه الحين=يقرا حروفي ويعتبرهـا هديـه
باااكر تمر سنين وسنين وسنين=والكل يرحل فالـدروب المديـه
ترا بتندم واذكر حروفنـا زيـن=تندم على خلك اذاغـاب ضيـه
دنيا غريبه واكثر الناس ماشين=وكم صاحب والله دفنتـه بيديـه

منقول والله لايجيب الزعل بيننا ...

آميييييييييين

[صالح العرجان]

أبو الريناااااد


الله لا يجب الزعل يا جدي


وتسلم يمينك

[فايز البذيلي]

لا عز الله بيرضى غصب


اللــــه يبعد الزعل


كل التقدير لك ابو ريناد

وصح اختيارك

[ابـ ريان ــو]

ابو ريناد



الله لايجيب الزعل بين الاحبة



ومشكور على النقل الرائع

[سعود المسعودي]

تسلم يمناك على النقل الرائع ،،

[محمد الدلماني]

هذي هي الدنيا من الحين للحين
لابد بين الناس تحصـل خطيـه


الرائع ابو نواف هذي وينها عني والله يجزاك خير وصح لسان شاعرها واختياراتك تبين لنا حجم قلبك ونقائه

[ابن ريحان]

يعطيك العافيه ابو ريناد

والله بعضهم مخه مصدي رايح فيها

يقرا ولا مايقرا ماينفع

عمومآ الله لا يجيب الزعل بين الاحباب

تقبل مروري