شاعـــــــر الـــمــلـــــيـــــون والاشــ / باااه

[فهد الغبين]

احبتي في
منتداي الغالي وابناء العمومه الويلان
اسعد الله مسائكم بكل خير
قد يضن البعض انني احابي ولكن ورب القدس هو ما كتبني ولست من كتبه
..
هناك مواقف تحدث تجبرك على الكلام
ولا يخفى عليكم ما عملة برنامج شاعر المليون من صحوة شعريه وماده نقدية للشعر مما جعل البعض إن لم يكن الاغلبيه يجزم ان هذا العصر هو العصر الذهبي للشعر

وما ذلك الا بالدعم اللا محدود من الشيخ محمد بن زايد أطال الله في عمره

/
\
ساخبركم بـ أمر ولا اعلم لما أخبركم به
/
\
في برنامج شاعر المليون في العام الماضي لم أشارك وذلك لسببين
الاول
لضروف سفري خارج البلاد
والثاني
لـ نظرتي القاصره وعدم توقعي هذا النجاح وهذه المصداقيه لهذا البرنامج
/
\
عندما أعلنت قناة فلاش بعزمها على أقامه برنامج مشابه لبرنامج المليون تقدمت له ولازلت الي الان من المتصدرين وباقي حلقتين على نهايه البرنامج الا انه توقف وحسب اتصال احد أعضاء اللجنه في شاعر الجمهور ليله البارح وعن سوالي له متى سنكمل البرنامج (قال لي والله مدري)
وفيه مشاكل في القناه يمكن يتاخر
/
\
أبتسمت وتذكرت ما قالته لي والدتي حفظها الله عندما نويت التقدم لشاعر الجمهور عندما قالت ليش ماتنتضر شاعر المليون فهو الاصل
هنا عرفت ان هناك سيدات وعجايز يرن ما لا نراه بالعين المجرده
..

قبل أسبوع كنا في أحدى الاستراحات وكان النقاش حول شاعر المليون
قال احد الاصدقاء تصدق ( لجنة شاعر المليون ماعندهم سالفه) الشاعر فلان ..لم يجيزونه علما انه شاعر مشهور / ايضا أبتسمت
هل تعرفون لماذا
لسبب بسيط
هو ان شاعر المليون عرا بعض الاسماء التى أخذت الشهرة من باب المحاباه
واعلنت احقاق القول عندما نقول
هنا الميدان ياحميدان
ومن المضحك المبكي أن بعض الشعراء الذين لايثقون بقدرتهم ومنهم المشهورين يعتذرون بعدم إشتراكهم
في البرنامج لكونهم لايبحثون عن الشهره والحق انهم يعلمون ان هناك اسماء جديده قد فتح لها المجال لكي
تبدع في الشعر بعيدا عن المحاباة

لذلك كتبت

تبت يدين الشعر لاجا محاباه=وتبت يدين الشاعر بدون تقدير
والشاعر اللي لابدا قال لك ااه=سلم عليه وقله أصبح على خير
يالجنة التحكيم ماهي مراواه=بس الحقيقة انتم أفضل من الغير
كثير ماهو شوي واقولها اعلاه=تبت يدين الشعر لاجا ..بتزوير
منكم بدا للنقد بالشعر مغزاه=ومنكم عرفنا كيف للنقد تفسير
حقيقة التمييز..تمييز الاشباه=وانا اشوف الطير ما يشابه الطير
حر شلع من طيب أصله ومجناه=ماله شبه دامه ولد زايد الخير
حر رفع للشعر بيرق واحياه=واعلن هنا بـ ابو ضبي مورد البير
ديرة هل المعروف والجود والجاه=اللي بها تشدو قصيد العصافير
واللي يحسة مرتوي ماله بماه=وش به على ميراد ابو خالد يحير
والله ثم والله ثم بعد والله=بقولها كاني خلف سالم الزير
البيرق سعودي ..ولابه مداراه=(وعيب على اللي يتقي عقب مايسير)
والشاعر اللي مايحسب لمعناه=لايدحم عيال العجايز على السير
والشاعر اللي قال مشهور مابغاه=عن شاعر المليون ينقال له طير
من دونه اللي (ماتعثر ) بهقواه=كبير في عينه وهو دايم كبير
من لابة ..ترسي على البحرمرساة=ماهمها لطم البحر لو بدا يثير
ومن دونه اللي لا عتزى وقال عزواه=ويلان (لعيونك ياحصة)مساطير
ومن دونه اللي لاشهل حد شلفاه =تثلم شلاف اللي على ربعة ..يغير
ومن دونه اللي لاذكر وجه أنثاه=يصهل كم حصان له الكسب تبرير
ومن دونه اللي لا تحيزم بيمناه=يرد لعيون المهلهل ..مضاهير
ومن دونه اللي لابدو ذكر..جداه=ايقال هذا أُمـرُوء القيس ..وامير
يمه ..وحق الخبز والملح يا اماه=اني لحقق رغبتك دون تقصير
والشاعر اللي ما احتمى دون مركاه=لايراكي اللي من سلالة مناعير
ياشاعر المليون ..ماهي محاباه=الاصل أنت..وخل الاشباه للغير
والشعر حبك وسبك وهناك اغلاه=في شاطي الراحة تزين التعابير
وهل فيه أحلى من قصيده ومهداه=للخير ابو خالد ولد زايد الخير

[تركي صالح]

الشاعر المبدع / فهد الغبين

مقدمه رائعه لقصيدةً أروع

عانقت حروفها وجمال أبياتها

زوايا منتدى الشعراء

لتكون فاتنته المميزه

واللتي تجبر من قراءها على أعادت قراءتها

صح لسان أخي الكريم

ودمت بكل خير وعافيه

وتقبل فائق التقدير والاحترام


تثبت

[محمد الشمالي]

صح لسانك يافهد

[ماجد الغانم]

الأخ العزيز

والشاعر المتميز



فهد الغبين

صح لسانك ...........ولاهنت

قصيدة رائعه بالفعل


و قصيدة جزله بيض الله وجهك ............


لله درك على هذا الأبداااع



دمت بكل خير

ودام هذا التميز والأبداع

[حسين الهوران]

الأخ العزيز

والشاعر المتميز



فهد الغبين

كفو

وصح لسانك


تقبل تحياتي

[عبدالله الثابت]

الشاعر فهد الغبين


كلمات روعه ومقدمه جميله


ولكن تمنيت ان هذه القصيده الشامخه في غير هذا البرنامج التجاري الذي لايبت للشعر في اي صله


وهل تعتقد ان الشاعر المتميز هو الذي يبرز ...لا ,, لا ليس هذا هو الهدف


ولكن اذا انت تاجر وصاحب مال ومحسوبيات كبيره


وكلنا نعلم ماذا يدور في هذا البرنامج وهدفه الرئيسي هو كسب الماده


وانا انصح كل شاعر مشهور وله ثقله ان لاينزل لهذا البرنامج التجاري


يااستاذ فهد المطلوب ليس شعر وحتى التصويت لايؤخر ولايقدم


وبرنامج المليون السابق معروف ان ابن فطيس هو صاحب اللقب قبل بداية البرنامج بشهرين


ولدي الدلائل في ذلك

والشاعر اللي قال مشهـور مابغـاه
**** عن شاعر المليون ينقال لـه طيـر
من دونه اللـي (ماتعثـر ) بهقـواه
****كبير في عينـه وهـو دايـم كبيـر
من لابة ..ترسي على البحرمرسـاة
***ماهمها لطم البحـر لـو بـدا يثيـر
ومن دونه اللي لا عتزى وقال عزواه
*****ويـلان (لعيونـك ياحصة)مساطيـر
ومن دونه اللي لاشهل حـد شلفـاه
*******تثلم شلاف اللي على ربعـة ..يغيـر
ومن دونه اللي لاذكـر وجـه أنثـاه
*********يصهل كم حصان له الكسـب تبريـر
ومن دونه اللـي لا تحيـزم بيمنـاه
********يـرد لعيـون المهلهـل ..مضاهيـر

تمنيت ان طلبك اكبر من هذا البرنامج

وقصيدتك جزله ومن شاعر معروف بالجزاله

واتمنى لك كل التوفيق

[حمد الخمعلي]

الأخ فهد الغبين



صـــح لسانك


وإلى الأمام دائماً


بالتـــــوفيق