(أنافخورإنّي مواطن سعودي)
يقول :من ترجـم شعـوره بفكـره=الحمـد للّـي يسعـد القلـب ذكـره
واجب على المخلوق حمده وشكـره=مسلم فخورإنّـي مواطـن سعـودي
أجـل سعـودي وافتخربانتمـائـي=لاطهر ثرى حبّه جرى فـي دمائـي
مخلص ..وبعـد الله فيـه احتمائـي=يعني:فخورإنّـي مواطـن سعـودي
من صٌغرسنّي ذقـت دافـي حنانـه=عايـش بخيـره ..مستظـل بأمانـه
واليوم شاعـر ..والوفامـن لسانـه=شاعرفخورإنّـه مواطـن سعـودي
شاعر..وأبيّـح بالقصايـد خفـايـه=مضمونها ..حبي ..وصـادق وفايـه
ولوقلت ..مهما قلـت !ماهوكفايـه !=لكن عزاي إنّـي مواطـن سعـودي
وافـي لحكّامـه صقـور الجزيـره=اللي لهم بالمجـد سيـره ..وسيـره
أقولهـا ..وتقولهـا كــل ديــره=أنافخورإنّـي مـواطـن سـعـودي
ياخـادم البيتـيـن صقرالعـروبـه=يامن بـورد الخيـر ..تزهردروبـه
الشعب مالـه عـن محبّتـك توبـه=من شايبه ..لاصغر مواطن سعـودي
التـاج يفخرفيـك ..ياتـاج راسـي=ويفخربمجلاسك ..رفيـع الكراسـي
أنت الحكيم ..ابن الحكيم السياسـي=وأنا..فخورإنّـي مواطـن سعـودي
يامن ملك شعبـه بعدلـه ..وطيبـه=وهذي من (آل سعود)ماهي غريبـه
ولاهي غريبه مـن حبيـب لحبيبـه=فيهافخور..إنّـي مواطـن سعـودي
بحر الحنان اللّـي فريـده طبوعـه=نـوره يبشّربالسعـد فـي طلوعـه
مـن قبلـه أسبـل لليتامادموعـه ؟=دمعة ملك لاجـل مواطـن سعـودي
هـذي شهـاده مابعدهـا ..شهـاده=على كُبـر قلبـه ..وصـادق وداده
منهـا ..جديـر بحبنـا ..والقيـاده=وفيها ..فخورإنّي مواطـن سعـودي
يمناه ..سلطان السلاطين ..سلطـان=يشهد له ..التاريخ في كـل ميـدان
ولي عهد..وقايد جيـوش شجعـان=كلٍ ..فخورإنّـه مواطـن سعـودي
وسلطان ..في مدحه تضيع المدايـح=جوده ..يذكّـرك المـزون الروايـح
اللي شمـل بـرّه جميـع الشرايـح=عايش بخيره كـم مواطـن سعـود
يانسل من وحّدعلى الديـن ..دولـه=على كتـاب الله ..وسنّـه رسولـه
لمّ الشتات ..وجمّـع النـاس حولـه=كـلٍ فخورإنّـه مواطـن سـعـودي
بالف ..وثلاث ميْه ..وواحد وحمسين=وحّد وطنّا ..واعتلـت رايـة الديـن
وتغيّرت بعـده ..جميـع المضاميـن=فيها..فخورإنّـي مواطـن سعـودي
خضناتجارب ..تاصل لحد الاعجـاز=اإنجاز..بعد إنجاز ..من بعده إنجـاز
حتـى تفوّقنـا بتقـديـر ممـتـاز=فيها فخور ..إني مواطـن سعـودي
وقمّـه فخرنـا ..للحرميـن خُـدّام=قدّام ..يامهـد الحضـارات ..قـدّام
مايستوي بالعين ..بانـي ..وهـدّام=فيها ..فخورإنّي مواطـن سعـودي
من فضل ربي ..مازرعنا ..حصدنـا=ولمقبـل الايـام نـبـذل جهـدنـا
بذرة وفـا ..يجنـي ثمرهـا ولدنـا=يصبح ..فخورإنّه مواطـن سعـودي
قلته :من الطايف عروس المصايـف=كلمـه: ترددهـا جميـع الشفايـف
وردّدصداهـا ..شامخـات النوايـف=أنا.. فخورإنّـي مواطـن سعـودي
16/04/07, (02:17 PM)
مستور الذويبي (أنافخورإنّي مواطن سعودي)
العرض العادي
